Yakơ 3:13 - Nau Brah Ndu Ngơi 2023

¹³ Tâm phung khân may, mbu nơm jêng nơm blau mĭn jêh ri gĭt rbăng? Sŏk hom nau gŭ rêh ueh khân may nơm gay tâm mpơl lĕ nau khân may ƀư ntơm tă bơh nau dêh rhêt bơh nau blau mĭn.

Bunong Bible Latin Script Cambodian dialect

¹³ Ta phung khân ay may, bu moh i geh nau mân gĭt blao, nđâp ma nau gĭt vât ta nau Kôranh Brah, ăn păng jan ndơ ueh ta nau gŭ rêh dô, nđâp ma jan nau ueh ăn ma bu êng ma nau mleh rmên i tă bơh nau mân gĭt blao, ri mơ bu kơp păng geh nau mân gĭt blao ngăn.

Bunong

¹³ តា​ផូង​ខាន់​អៃ​មៃ ឞូ​ម៝ស​អី​គែស​នាវ​មឹន​គឹត​ឞ្លាវ នអ៝ប់​មា​នាវ​គឹត​វ៝ត់​តា​នាវ​កោរាញ​ឞ្រាស អ៝ន់​ពាង់​ជាន​នទើ​អ្វែស​តា​នាវ​គុ​រេស​ទោ នអ៝ប់​មា​ជាន​នាវ​អ្វែស​អ៝ន់​មា​ឞូ​អេង​មា​នាវ​មលែស​រាមេន​អី​តាៈ​ឞើស​នាវ​មឹន​គឹត​ឞ្លាវ រី​មើ​ឞូ​កើប​ពាង់​គែស​នាវ​មឹន​គឹត​ឞ្លាវ​ងាន់។

Yakơ 3:13 ပူးပေါင်းရင်းမြစ်များ

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Nau Mprơ Ơm 107:43

Ăn bunuyh blau mĭn rkêng tôr iăt lĕ nau aơ, Jêh ri mĭn rvê ma nuih n'hâm ueh Brah Yêhôva.

Nau Mprơ Ơm 122:8

Yorlah phung oh nâu gâp jêh ri phung mĭt jiăng gâp, Gâp lah pô aơ: “Ăn nau đăp mpăn gŭ ta nklang may!”

Nau Mprơ Ơm 149:4

Yorlah Brah Yêhôva geh nau maak tâm phung ƀon lan Păng; Păng sŏk nau tâm rklaih nkrơ̆ ma phung dêh rhêt.

Nau Mprơ Ơm 25:9

May njŭn leo phung dêh rhêt tâm nau sŏng, Ntĭm nti trong May ma phung dêh rhêt.

Nau Mprơ Ơm 45:4

Yorlah nau ngăn, nau rdơ̆ rbăn jêh ri nau sŏng srăng, Ăn nsoh hom nau hit rnam may, ncho ndeh hăn tât ma nau dơi; Ti ma may ƀư lĕ kan khư nau bu yơk.

Nơm Nti 8:1

Mbu dơi nâm bu nơm blau mĭn? Mbu dơi rblang lĕ nau tât tâm nau rêh? Nau blau mĭn ƀư ăn muh măt ang rah vah Jêh ri rgâl lơi muh măt janh.

Nơm Nti 8:5

Bunuyh tông nau ntrŭnh bơh hađăch mâu mra mâp nau mâu ueh, Jêh ri nuih n'hâm bunuyh blau mĭn dơi gĭt mông găl jêh ri gĭt nau ndrăp ƀư.

Êsai 29:19

Phung dêh rhêt mra răm maak ntop âk tâm Brah Yêhôva, Phung o ach mra răm maak yor Nơm Kloh Ueh Israel.

Êsai 60:6

Âk râk seh samô mra nkŭm bri neh may, Nđâp ma kon seh samô bơh bri Madian jêh ri bri Êpha; Lĕ rngôch phung bơh Sêba mra văch. Khân păng djôt leo mah jêh ri ndơ ƀâu kah, Jêh ri mra nhhơr nau mprơ tâm rnê ma Brah Yêhôva.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Yêrêmi 9:12

Mbu nơm jêng bunuyh tŏng blau mĭn gay gĭt rbăng lĕ nau aơ? Mbung Brah Yêhôva lah mbu nơm gay khân păng mbơh tay? Mâm ƀư ntŭk ƀư rai jêh, rngot njăp nâm bu bri rdah, mâu geh du huê găn tât?

Yêrêmi 9:23

Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Sôphôni 2:3

Hơi lĕ rngôch jêng phung dêh rhêt tâm bri neh, Jêng bunuyh mra ƀư tĭng nau Kôranh Brah ntăm, Joi hom Brah Yêhôva, Joi hom nau sŏng srăng, joi nau rdơ̆ rbăn; Klăp lah khân may mra dơi king n'gang Tâm nar Brah Yêhôva ji nuih.

Nau Kơp Bunuyh 12:3

Y-Môis jêng du huê bunuyh hêt rhôi, hêt rhôi lơn ma lĕ rngôch bunuyh ta neh ntu.

Mathay 11:29

Gâp geh nuih n'hâm rdơ̆ rbăn, dêh rhêt; ăn khân may anh ndơ mbăk Gâp jêh ri nti tă bơh Gâp ri mơ huêng khân may mra rlu.

Mathay 21:5

“Lah hom ma kon bu ur ƀon Siôn pô aơ: Aơ, hađăch may văch ma may, Rdơ̆ rbăn, ncho seh bri, Jêh ri gŭ klơ kon seh bri jêng kon seh bri me.”

Mathay 5:5

Ueh maak ngăn ma phung dêh rhêt, Yorlah mra sŏk dơn lĕ neh ntu!

Mathay 7:24

“Pôri, mbu nơm tăng nau Gâp ngơi jêh ri ƀư tĭng jêng nâm bu du huê bunuyh blau mĭn, ƀư ngih păng ta klơ lŭ toyh.

I Kôrintô 6:5

Gâp lah pônây gay ma khân may bêk prêng! Mâm ƀư tâm phung khân may mâu geh du huê tŏng nau blau mĭn gay ma phat dôih ndrăng oh nâu khân may nơm?

II Kôrintô 10:1

Gâp yơh, Y-Pôl, vơh dăn ma khân may ma nau rdơ̆ rbăn jêh ri nau ueh bơh Brah Krist — gâp jêng bunuyh rdơ̆ rbăn tơlah tâm mâp đah khân may, ƀiălah bêng ma nau janh đah khân may tơlah gâp gŭ ngai! —

II Kôrintô 8:24

Yor ri, tanăp Phung Ngih Brah Ndu, khân may mpơl hom nau khân may rŏng tâm ban đŏng nau hên rnê êng ma khân may.

Galati 5:23

Mâu mâp geh nau vay dơi buay lĕ nau nây.

Galati 6:1

Hơi oh nâu, tơlah geh du huê rhuh tâm nau tih, khân may jêng phung hăn tĭng nâm Brah Huêng Ueh, sŏk hom nuih n'hâm rdơ̆ rbăn gay nkra khân păng. Ăn khân may nơm blau njrăng, klach lah geh nau ndơm tât ma khân may tâm ban lĕ.

Galati 6:4

Ăp nơm sek uănh hom ma kan păng nơm, jêh mra saơ nau gay rnê êng mâu jêng nsing păng nơm, mâu di tâm rđĭl đah bu êng ôh.

Êphêsô 4:2

Ăn dŭt dêh rhêt, rdơ̆ rbăn jêh ri nau srôih, ăn khân may ŭn nuih ndrăng khân may tâm nau rŏng.

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

Kôlôh 3:12

Khân may jêng phung bunuyh Brah Ndu săch, jêng phung kloh ueh jêh ri phung Brah Ndu rŏng ngăn ngên. Pôri, nsoh hom nuih n'hâm yô̆ nđach, nuih n'hâm ueh, nau dêh rhêt, nau rdơ̆ rbăn, nau srôih.

I Timôthê 4:12

Lơi ăn bu rmot may yor may hôm druh ndăm, ƀiălah ăn may sŏk nau ngơi, nau gŭ ngao, nuih n'hâm rŏng, nau chroh jêh ri nau kloh rsang gay ma ƀư leo trong ma phung chroh.

I Timôthê 6:11

Ƀiălah hơi Y-Timôthê may jêng bunuyh Brah Ndu, der ngai hom lĕ nau nây jêh ri tĭng joi nau sŏng srăng, nau klach yơk, nau chroh, nau rŏng, nau srôih, nau rdơ̆ rbăn.

II Timôthê 2:25

nkra nti phung tâm rdâng đah păng nơm ma nau rdơ̆ rbăn, ŭch ma Brah Ndu kơl khân păng rmal nau tih, gĭt năl nau ngăn,

Titus 3:2

mâu ngơi djơh ma bu ôh, der nau tâm lah tâm djrel, ƀiălah rdơ̆ rbăn hom jêh ri gŭ ngao ueh ma lĕ rngôch bunuyh.

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”

Yakơ 1:21

Pôri, chalơi hom lĕ nau ƀơ̆ ƀơch jêh ri lĕ nau djơh mhĭk dôl geh lam ntŭk, ăn khân may geh nuih n'hâm rdơ̆ rbăn rom dơn nau ngơi tăm jêh tâm phung khân may, jêng nau ngơi dơi tâm rklaih huêng khân may.

Yakơ 2:18

Ƀiălah geh bunuyh mra lah: “May geh nau chroh, jêh ri gâp geh kan.” Ntĭm hom ma gâp nau may chroh mâu geh kan, jêh nây gâp mra ntĭm nau gâp chroh geh kan.

Yakơ 3:1

Hơi phung oh nâu gâp, tâm phung khân may mâu dơi geh âk bunuyh ndâk êng kan nơm nti, yorlah khân may gĭt jêh yorlah jêng nơm nti, he mra dơn nau phat dôih ktang lơn.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

I Pêtrôs 1:15

Ƀiălah, nâm bu Nơm kuăl khân may jêng kloh ueh, ăn khân may kloh ueh tâm ban lĕ tâm lĕ nau gŭ ngao khân may nơm,

I Pêtrôs 2:12

Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Pêtrôs 3:4

ƀiălah nkrơ̆ hom bunuyh ndâp tâm trôm ma nau ueh mâu blau ôm rai tâm nuih n'hâm rdơ̆ rbăn jêh ri gŭ rklăk; nây jêng nau khlay dŭt hâu tanăp Brah Ndu.