Yakơ 2:25 - Nau Brah Ndu Ngơi 2023

²⁵ Tâm ban kơt nây đŏng, mâu di hĕ bu ur văng tĭr H'Rahap dơi kơp sŏng srăng tă bơh nau păng kan, nôk păng vơt rom phung mbơh jêh ri njŭn khân păng hăn sĭt trong êng?

Bunong Bible Latin Script Cambodian dialect

²⁵ Tâm ban kơt nây đŏng, du huê bu ur văng târ rnha Rahap, Kôranh Brah kơp păng lĕ sŏng tă bơh ndơ păng jan, yorlah păng rom mpôl i hăn uănh ta bri nây gay ma ndrăp tâm lơh, jêh ri kơl khân păng sât rŏ trong êng, bah bu nhŭp khân păng.

Bunong

²⁵ តឹម​ឞាន​កើត​នៃ​ដ៝ង់ ទូ​ហ្វេ​ឞូ​អូរ​វាង់​តឹរ​រាញា​រាហាប់  កោរាញ​ឞ្រាស​កើប​ពាង់​លែៈ​ឆ៝ង់​តាៈ​ឞើស​នទើ​ពាង់​ជាន យ៝រ​លាស​ពាង់​រ៝ម​មពោល​អី​ហាន់​អ្វាញ់​តា​ឞ្រី​នៃ​គៃ​មា​នទ្រាប់​តឹម​លើស ជេសរី​កើល​ខាន់​ពាង់​ឆឹត​រ៝ៈ​ត្រ៝ង​អេង ឞាស​ឞូ​ញុប​ខាន់​ពាង់។

Yakơ 2:25 ပူးပေါင်းရင်းမြစ်များ

Mathay 1:5

Y-Salmôn đah ur păng H'Rahap, geh Y-Bôas; Y-Bôas đah ur păng H'Rut, geh Y-Ôbet; Y-Ôbet jêng mbơ̆ Y-Yêsê.

Mathay 21:31

Tâm phung bar hê aơ, mbu nơm ƀư tĭng nâm nau mbơ̆ păng ŭch?” Khân păng plơ̆ lah: “Nơm tal nguay.” Brah Yêsu lah ma khân păng pô aơ: “Nanê̆, Gâp lah ma khân may, phung riu pi jêh ri bu ur ka n'hong mra dơi lăp tâm ƀon bri hađăch Brah Ndu lor lơn ma khân may.

Kôranh Oh Mon 17:7

jêh ri Y-Yason rom khân păng! Lĕ rngôch khân păng tâm rdâng đah nau vay Sêsar, yorlah khân păng lah geh du huê hađăch êng, jêng Yêsu.”

ហេឞ្រើ 11:31

Yor ma nau chroh, bu ur văng tĭr H'Rahap mâu khĭt ôh ndrel phung mâu chroh, yorlah păng vơt rom jêh phung uănh n'hut ma nau đăp mpăn.

Yakơ 2:18

Ƀiălah geh bunuyh mra lah: “May geh nau chroh, jêh ri gâp geh kan.” Ntĭm hom ma gâp nau may chroh mâu geh kan, jêh nây gâp mra ntĭm nau gâp chroh geh kan.

Yakơ 2:22

May saơ nau nây, nau chroh hăn ndrel ma nau kan, jêh ri bơh kan nau chroh jêng nŭm rĭng.

Yakơ 2:24

Khân may saơ nây, bunuyh dơi kơp sŏng srăng tă bơh nau păng kan, mâu di knŏng yor ma nau chroh ôh.

Yôsuê 2:1

Tă bơh Sitim, Y-Yôsuê, kon bu klâu Y-Nun, đă bar hê bunuyh hăn n'hut uănh ma nau ndâp. Păng lah: “Hăn n'hut uănh hom bri rngleh êng, jêng ƀon Yêrikô.” Pônây bar hê khân păng hăn tât ta ngih du huê bu ur văng tĭr amoh H'Rahap, jêh ri khân păng njưh ta nây.

Yôsuê 2:15

Pôri bu ur nây sŏk du njăr rse brăt njŭr bar hê khân păng trŭnh ta bơh mpông bloh, yorlah ngih păng êp pĭt mpêr ƀon jêh ri păng gŭ tâm trôm mpêr ƀon.

Yôsuê 2:16

Păng lah ma bar hê khân păng: “Hăn hom mpeh yôk, lơi ăn bu tĭng ban khân may. Gŭ krap hom ta nây pe nar kŏ tât nôk phung tĭng khân may lĕ plơ̆ sĭt jêh, jêh nau nây khân may hăn tĭng trong khân may nơm.”

Yôsuê 2:4

Ƀiălah bu ur nây leo pôn jêh bar hê khân păng, jêh ri lah: “Ngăn khân păng hŏ tât ta ngih gâp, ƀiălah gâp mâu gĭt ôh mbah tă khân păng văch.

Yôsuê 2:6

Ngăn ya, bu ur nây leo jêh khân păng hao klơ chor ngih, pôn khân păng tâm dâng mbŭch tơm mhay păng lăk klơ chor ngih.

Yôsuê 6:17

Ƀon jêh ri lĕ rngôch ndơ tâm ƀon jêng ndơ prăp ma Brah Yêhôva ƀư rai lơi. Knŏng du huê H'Rahap bu ur văng tĭr jêh ri lĕ rngôch phung gŭ tâm ngih ndrel ma păng mra dơi rêh, yorlah păng hŏ sâm pôn an jêh phung mbơh bơh he hŏ đă hăn.