Yakơ 1:22 - Nau Brah Ndu Ngơi 2023

²² Ƀư hom tĭng nâm nau ngơi, lơi knŏng iăt jêng tŏng gay ndơm mƀruh khân may nơm.

Bunong Bible Latin Script Cambodian dialect

²² Ăn khân ay may jan tâng nau nti i nây hŏm, lơi ôh iăt ma tôr dơm, yorlah bu moh i iăt ma tôr dơm jêng mƀrôh êng săk păng nơm, lah păng lah săk păng nơm lĕ geh rklaih.

Bunong

²² អ៝ន់​ខាន់​អៃ​មៃ​ជាន​តឹង​នាវ​នតី​អី​នៃ​ហ៝ម់ លើយ​អោស​អ្យាត់​មា​តោរ​ទើម យ៝រ​លាស​ឞូ​ម៝ស​អី​អ្យាត់​មា​តោរ​ទើម​ជេង​មរោស​អេង​ឆាក់​ពាង់​នើម លាស​ពាង់​លាស​ឆាក់​ពាង់​នើម​លែៈ​គែស​រាក្លាយ្ស។

Yakơ 1:22 ပူးပေါင်းရင်းမြစ်များ

Êsai 44:20

Nơm nây siăm păng nơm ma ŭnh buh; nuih n'hâm ngo ƀư ăn păng vĭ trong, mâu dơi tâm rklaih huêng păng ôh. Păng mâu lĕ prot ôp êng păng nơm: “Mâu di hĕ ndơ gâp djôt tâm ti ma gâp jêng ndơ mƀruh?”

Yêrêmi 11:6

Brah Yêhôva lah ma gâp: “Mbơh hom ăp nau aơ tâm lĕ ƀon n'gor Yuđa jêh ri tâm n'gŏ trong ƀon Yêrusalem: ‘Iăt hom nau tâm rnglăp aơ jêh ri tĭng ƀư.’

Apdia 1:3

Nau sưr tă bơh nuih n'hâm may hŏ ndơm may nơm. May jêng nơm gŭ tâm trôm lŭ, Gŭ rêh tâm ntŭk prêh; May lah êng tâm nuih n'hâm may pô aơ: ‘Mbu dơi nklơ̆ gâp tŭp ta neh?’

Mathay 12:50

Yorlah mbu nơm ƀư tĭng nâm nau Mbơ̆ Gâp tâm trôk ŭch, păng nây yơh jêng oh nâu, oh ruh jêh ri jêng mê̆ Gâp.”

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Yôhan 13:17

Lah khân may gĭt lĕ nau nây jêh ri ƀư tĭng nau nây, khân may geh nau ueh maak ngăn.

Samƀŭt Pôl Njuăl Ăn Ma Phung Nsing Ta Ƀon Rôm 2:13

Yorlah mâu di bunuyh iăt rŏ nau vay dơi kơp jêng sŏng srăng tanăp Brah Ndu, ƀiălah bunuyh ƀư tĭng nau vay jêng bunuyh dơi kơp sŏng srăng.

I Kôrintô 15:33

Lơi ăn bu ndơm khân may nơm: “Mĭt jiăng mhĭk ƀư rai nau knuih ueh.”

I Kôrintô 3:18

Lơi dĭng ndơm êng păng nơm. Tơlah mbu nơm tâm phung khân may mĭn păng nơm jêng nơm blau mĭn tâm rnôk aơ, ăn plơ̆ hom jêng rluk mâl gay ma geh nau blau mĭn.

I Kôrintô 6:9

Khân may mâu gĭt hĕ phung mâu sŏng srăng mâu mra dơn ƀon bri hađăch Brah Ndu ôh?

Galati 6:3

Yorlah tơlah du huê bunuyh mĭn păng nơm geh nau khlay, tâm nôk păng nơm mâu geh nau khlay, pôri, păng ndơm păng nơm yơh.

Galati 6:7

Lơi ta ndơm êng khân may nơm ôh; Brah Ndu mâu dơn nau bu mưch ôh; yorlah moh ntil găr bu srih jêh, bu mra rek ntil găr nây.

Philip 4:8

Nau nglĕ dŭt, hơi oh nâu, moh ntil jêng nau nanê̆ ngăn, moh ntil jêng nau khư yơk, moh ntil jêng nau sŏng srăng, moh ntil jêng nau kloh rsang, moh ntil jêng nau khư rŏng, moh ntil jêng nau khư tâm rnê, lah nsum jêng moh ntil jêng nau mĭn ueh, nau khư tâm rnê, ăn khân may mĭn ma lĕ nau nây.

Kôlôh 3:17

Ăp ntil nau khân may ngơi mâu lah ƀư, ƀư hom lĕ rngôch nau tâm amoh Kôranh Brah jêng Brah Yêsu, yor tă Păng he lah ueh Brah Ndu, jêng Brah Ndu Mbơ̆.

II Timôthê 3:13

Ƀiălah phung janh ƀai, phung mƀruh mra lơ nar lơ hâu mhĭk lơn đŏng, ndơm mƀruh bu jêh ri bu ndơm mƀruh tay đŏng.

Titus 3:3

Yorlah saơm ri he rluk mâl đŏng, mâu blau tông bâr, geh nau ndơm mƀruh, jêng dĭk ma ăp ntil nau kơnh ŭch jêh ri rŏng ma nau nglay săk ŭch, gŭ rêh tâm nau djơh mhĭk, mâu nach, bu tâm rmot ma he jêh ri mưch rmot ndrăng nơm.

Yakơ 1:26

Tơlah mbu moh mĭn păng nơm jêng bunuyh dơn nau chroh, mâu njrăng mpiăt păng nơm, ƀiălah ndơm êng nuih n'hâm păng nơm, pôri dơn nau chroh bunuyh nĕ jêng dơm dam.

Yakơ 4:11

Hơi oh nâu, lơi ta khân may ngơi mhĭk ndrăng khân may nơm ôh. Mbu nơm ngơi mhĭk ma oh nâu păng nơm mâu lah phat dôih ma oh nâu păng nơm, nâm bu ntĭt ngơi mhĭk ma nau vay jêh ri phat dôih ma nau vay. Ƀiălah tơlah may phat dôih ma nau vay, may mâu di jêng bunuyh jan tĭng ma nau vay ôh, ƀiălah may jêng kôranh phat dôih ma nau vay.

Yakơ 4:17

Pôri, mbu nơm gĭt nau ueh, ƀiălah păng mâu ƀư ôh, păng jêng tih yơh.

II Pêtrôs 2:13

jêh ri sŏk dơn prăk nkhôm ma nau mâu di khân păng nơm. Khân păng uănh nau nhêt sa blă blơ dôl nôk nar jêng nau pâl maak. Khân păng jêng mbên ƀơ̆, têl ƀơ̆ ƀơch, hâk răm tâm âk nau ndơm mƀruh dôl gŭ sông sa nhêt ndrel ma khân may;

I Yôhan 1:8

Tơlah he lah he nơm mâu geh nau tih ôh, he mƀruh ndơm êng he nơm yơh, jêh ri nau ngăn mâu gŭ tâm he ôh.

I Yôhan 2:3

Tă bơh nau aơ he gĭt năl he nơm gĭt năl Păng jêh: Nây jêng he tông prăp lĕ nau vay Păng ntăm.

I Yôhan 3:7

Hơi phung kon jê̆, lơi ăn bu ndơm khân may ôh. Mbu nơm ƀư nau sŏng srăng jêng nơm sŏng srăng, nâm bu Brah Ndu jêng sŏng srăng.

III Yôhan 1:11

Hơi nơm gâp rŏng, lơi kơt nau mhĭk ôh, ƀiălah kơt nau ueh. Mbu nơm ƀư nau ueh jêng bunuyh Brah Ndu; ƀiălah mbu nơm ƀư nau mhĭk, mâu mâp saơ Brah Ndu ôh.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.

Nau Tâm Mpơl 22:7

Ri, Gâp văch gơnh. Ueh maak yơh ma mbu nơm djôt prăp lĕ nau ngơi mbơh lor tâm ndrom samƀŭt aơ!”