Yakơ 1:2 - Nau Brah Ndu Ngơi 2023

² Hơi phung oh nâu gâp, ăn khân may kơp ma nau rlong uănh ăp ntil tât ma khân may tâm ban ma nau răm maak da dê,

Bunong Bible Latin Script Cambodian dialect

² Ơ oh nô ta nau nsing, lah khân ay may geh nau jêr jŏt ăp ntil, ăn khân ay may kơp nau i nây jêng ndơ răm maak hô ngăn hŏ.

Bunong

² អើ​អ៝ស​នោ​តា​នាវ​ញឆីង លាស​ខាន់​អៃ​មៃ​គែស​នាវ​ជេរ​ជ៝ត់​អាប់​នតីល អ៝ន់​ខាន់​អៃ​មៃ​កើប​នាវ​អី​នៃ​ជេង​នទើ​រាម់​មអាក​ហោ​ងាន់​ហ៝ៈ។

Yakơ 1:2 ပူးပေါင်းရင်းမြစ်များ

Kôranh Oh Mon 5:41

Pô nây, phung oh mon du luh tă bơh phung Kôranh Phat Dôih, khân păng răm maak yorlah bu kơp khân păng khư dơn nau rêh ni yor amoh Kôranh Brah.

Samƀŭt Pôl Njuăl Ăn Ma Phung Nsing Ta Ƀon Rôm 5:3

Mâu di knŏng nau nây dơm, he răm maak đŏng tâm nau hŏt rgănh, yorlah he gĭt jêh nau hŏt rgănh luh nau srôih,

Philip 1:29

Yor tă Brah Krist, khân may geh bu ăn nau yô̆ mâu di knŏng gay chroh dơm, ƀiălah ăn khân may dơn nau rêh ni yor Păng tâm ban lĕ,

Philip 2:17

Nđâp tơlah mham gâp nkhŭt ta klơ ndơ nhhơr. jêh ri kan nau chroh khân may, gâp maak lĕ jêh ri maak ndrel ma khân may lĕ rngôch

Philip 2:18

Khân may tâm ban lĕ, răm maak hom jêh ri maak ndrel ma gâp.

Kôlôh 1:24

Aƀaơ gâp răm maak tâm nau rêh ni yor khân may, jêh ri yor săk jăn Păng jêng Phung Ngih Brah Ndu, djôt leo săk jăn gâp nơm ƀư lôch jêh kô̆ hôm e tâm nau rêh ni Brah Krist.

ហេឞ្រើ 10:34

Yorlah khân may geh jêh nau yô̆ nđach ma phung bu nă, jêh ri maak nuih n'hâm dơn ma nau bu sŏk pit in drăp ndơ khân may nơm, yorlah khân may gĭt khân may nơm geh drăp ndơ khlay lơn jêh ri hôm e n'ho ro.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 1:16

Hơi phung oh nâu gâp rŏng, lơi ăn bu ndơm mƀruh ma khân may:

Yakơ 1:19

Hơi phung oh nâu gâp rŏng, khân may gĭt jêh nau aơ: Ăn lĕ rngôch bunuyh gơnh tâm iăt, ƀât ngăch ngơi, ngăch ji nuih ôh;

Yakơ 5:11

Aơ, he kuăl phung bunuyh nâp jêh jêng geh ueh lăng ngăn. Khân may tăng jêh nkoch bri ma nau Y-Yôp nâp jêh, jêh ri dơi saơ jêh nau ŭch Kôranh Brah; yorlah Kôranh Brah bêng ma nuih n'hâm yô̆ nđach jêh ri nuih n'hâm ueh.

II Pêtrôs 2:9

pôri Kôranh Brah gĭt năl mâm ƀư gay tâm rklaih phung bunuyh blau yơk bơh nau rlong uănh, jêh ri prăp phung kue tâm nau rmal ma tât nar phat dôih,

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’