Titus 2:14 - Nau Brah Ndu Ngơi 2023

¹⁴ jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

Bunong Bible Latin Script Cambodian dialect

¹⁴ Brah Yêsu lĕ njŭn jêh săk Păng nơm ma khât, gay ma rklaih bân klaih bơh nau tih ăp ntil, nđâp ma jan kloh bunuyh du phung ăn ma Păng nơm, jêng ƀon lan i gơyh jan ndơ ueh.

Bunong

¹⁴ ឞ្រាស​យេឆូ  ​លែៈ​ញជុន​ជេស​ឆាក់​ពាង់​នើម​មា​ខឹត គៃ​មា​រាក្លាយ្ស​ឞ៝ន់​ក្លាយ្ស​ឞើស​នាវ​តីស​អាប់​នតីល នអ៝ប់​មា​ជាន​ក្ល៝ស​ឞូនុយ្ស​ទូ​ផូង​អ៝ន់​មា​ពាង់​នើម ជេង​ប៝ន​លាន​អី​គើយ្ស​ជាន​នទើ​អ្វែស។

Titus 2:14 ပူးပေါင်းရင်းမြစ်များ

Nau Ntơm 48:16

Jêng Tông Mpăr hŏ rklaih jêh gâp bơh lĕ nau mhĭk, Dăn Kôranh Brah ăn nau ueh uĭn ma bar hê kon se aơ, Ăn khân păng sŏk amoh gâp Jêh ri chô yau gâp jêng Y-Abraham jêh ri Y-Isăk. Ăn ma khân păng jêng bĭk rơ̆ âk râk klơ neh ntu!”

Nau Mprơ Ơm 130:8

Păng yơh mra tâm chuai phung Israel Bơh lĕ nau mhĭk.

Nau Mprơ Ơm 135:4

Yorlah Brah Yêhôva hŏ săch jêh Yakôb ma Păng nơm, Sŏk phung Israel jêng drăp ndơn êng ma Păng.

Nau Ngluh Êjipt 15:16

Nau klach jêh ri nau krit tât ma khân păng; Ơ Brah Yêhôva! Yor ti nau brah May, Khân păng jêng mlo nâm bu lŭ, kŏ tât phung ƀon lan May rgăn jêh; Kŏ tât phung ƀon lan May sâm chuai rgăn lăn jêh.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Êsêkiêl 37:23

Khân păng mâu mra ƀư nau ƀơ̆ ƀơch êng tă bơh ma lĕ rup brah đŏng ôh, mâu lah tă bơh lĕ ndơ ƀơ̆, mâu lah tă bơh lĕ rngôch nau tih khân păng hŏ ƀư jêh. Gâp mra tâm rklaih khân păng tă bơh lĕ rngôch ntŭk khân păng hŏ ƀư tih. Gâp mra ƀư kloh khân păng; khân păng mra ƀư phung ƀon lan Gâp jêh ri Gâp mra ƀư Brah Ndu khân păng.

Kan Lêvi 25:41

Dôl nây, păng dơi jêng kon me, păng ndrel ma kon păng plơ̆ sĭt ma rnăk vâl păng nơm jêh ri dơn tay drăp ndơn bơh phung chô yau păng.

Malachi 3:3

Păng mra gŭ nâm bu bunuyh blau chiăr prăk jêh ri tôl ăn chrêk; Păng mra jut lơi nau ƀơ̆ bơh phung kon bu klâu Lêvi, ăn khân păng chrêk kloh nâm bu mah jêh ri prăk. Khân păng mra nhhơr ndơ nhhơr ƀư brah ma Brah Yêhôva tâm nau sŏng srăng.

Nau Kơp Bunuyh 25:13

Păng jêh ri ma noi deh păng mra dơn nau tâm rnglăp ma kan kôranh ƀư brah n'ho ro, yorlah păng geh nuih n'hâm nau duh nđơr yor Brah Ndu păng nơm jêh ri hŏ chuai nau tih ma phung ƀon lan Israel.’”

Nau Kơp Bunuyh 7:15

du mlâm ndrôk nkuăng rah, du mlâm biăp nkuăng, du mlâm biăp kon nkuăng du năm dŏng ƀư ndơ ƀư brah gŭch;

Mathay 1:21

Păng mra deh du huê kon bu klâu; may mra tâm amoh Yêsu, yorlah kon nây mra tâm rklaih phung ƀon lan păng nơm bơh nau tih.”

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

Mathay 3:12

Păng djôt dông nsiăng kloh plên ba Păng nơm, jêh nây rgum ba tâm jay; bi njŏk rhe su lơi tâm ŭnh mâu blau nhhât.”

Yôhan 10:15

tâm ban ma Mbơ̆ gĭt năl Gâp, jêh ri Gâp gĭt năl Mbơ̆. Gâp jao nau rêh Gâp nơm ma phung biăp.

Yôhan 6:51

Gâp jêng piăng let nau rêh jŭr tă bơh trôk; tơlah mbu nơm sa piăng let nây mra rêh n'ho ro. Piăng let Gâp ăn nây jêng nglay săk Gâp nơm ŭch ăn nau rêh ma neh ntu.”

Kôranh Oh Mon 15:14

Mâm Y-Simêôn hŏ nkoch êlor Brah Ndu chop khâl ma mpôl băl phung bu năch, gay ma sŏk luh tă bơh khân păng du phung ƀon lan ma amoh Păng.

Kôranh Oh Mon 15:9

Păng mâu tâm nkhah phung he đah phung bu năch jêng êng êng ôh, ƀiălah Păng ƀư kloh nuih n'hâm khân păng ma nau chroh.

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Kôranh Oh Mon 9:36

Ta ƀon Jôpa, geh du huê bu ur oh mon, amoh păng H'Tabitha, nâm bu ntĭt Dôrkas; păng ƀư âk kan ueh jêh ri vay ăn ndơ ma phung o ach.

Galati 1:4

Brah Yêsu Krist hŏ sân săk Păng nơm yor nau tih he gay ma tâm rklaih he bơh rnôk rô̆ djơh mhĭk aơ, tĭng di nâm nau mĭn Brah Ndu ŭch, Mbơ̆ he.

Galati 2:20

Bu pâng kđĭn jêh gâp ta si tâm rkăng ndrel ma Brah Krist, jêh ri gâp gŭ rêh, mâu di gâp gŭ rêh đŏng, ƀiălah Brah Krist gŭ rêh tâm gâp. Aƀaơ aơ gâp gŭ rêh tâm nglay săk, nâm bu ntĭt gâp gŭ rêh tâm nau chroh ma Kon Brah Ndu, jêng Nơm rŏng jêh ma gâp jêh ri jao jêh Păng nơm yor gâp.

Galati 3:13

Brah Krist tâm chuai jêh he bơh nau rtăp rak bơh nau vay, nôk Păng geh nau rak rtăp ntrok ma he — yorlah geh nau nchih: “Khư ma rak rtăp ngăn ma nơm bu yông klơ tơm si” —

Êphêsô 1:11

Tâm Păng đŏng, he dơi săch jêng phung sŏk dơn ndơn drăp hŏ tâm nal jêh tĭng nau Brah Ndu dăp, Nơm ƀư lôch lĕ ntil ndơ tĭng nau Păng ŭch,

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

Nau Vay Nkah Tay 14:2

yorlah khân may jêng du phung ƀon lan kloh ueh ma Yêhôva Brah Ndu khân may. Brah Yêhôva hŏ săch jêh khân may tă bơh ta nklang phung ƀon lan klơ neh gay khân may dơi jêng du phung ƀon lan jêng ndơ ma Păng.

Nau Vay Nkah Tay 26:18

Nar aơ, Brah Yêhôva mbơh jêh ma khân may jêng du phung ƀon lan prăp ma Păng nơm, tĭng nâm Păng hŏ lah jêh ma khân may, jêh ri khân may mra mât mray lĕ rngôch nau vay Păng ntăm,

Nau Vay Nkah Tay 4:20

Bi khân may, Brah Yêhôva hŏ săch jêh ri njŭn leo khân may luh tă bơh ŭnh năk loih ri, jêng n'gor Êjipt, gay khân may jêng du phung ƀon lan êng Păng nơm, jêng drăp ndơn Păng, tâm ban khân may jêng nar aơ.

Nau Vay Nkah Tay 7:6

Yorlah khân may jêng du phung ƀon lan kloh ueh ma Yêhôva Brah Ndu. Tâm lĕ rngôch phung ƀon lan tâm neh ntu aơ, Yêhôva Brah Ndu hŏ săch jêh khân may gay jêng phung ƀon lan Păng, jêng drăp ndơn êng Păng.

I Timôthê 1:15

Aơ jêng nau ngơi ngăn jêh ri dơi khư sŏk dơn: Brah Yêsu Krist văch jêh tâm neh ntu gay tâm rklaih phung tih; tâm phung tih nây, gâp jêng bunuyh tih lơn

I Timôthê 2:10

ƀiălah ƀư lĕ nau kan ueh, jêng nau tâm di ma phung bu ur nau yơk.

I Timôthê 2:6

Nơm jao jêh Păng nơm jêng rnoh chuai lĕ rngôch bunuyh, jêng nau mbơh ăn di tâm rnôk nal.

I Timôthê 6:18

Ăn khân păng ƀư kan ueh, ƀư âk kan ueh maak, geh nuih n'hâm lŏng, rơm ndrăp jêh tâm pă ma bu;

Titus 2:7

Tâm lĕ rngôch nau, may jêng nơm leo trong tâm lĕ nau kan ueh jêh ri tâm mpơl nau di, ăn gŭ ngao ueh lah may ntĭm nti;

Titus 3:8

Aơ jêng nau ngơi ngăn. Gâp ŭch ma may ƀư ngăn lĕ nau aơ, gay ma phung chroh jêh ma Brah Ndu mra nsrôih ƀư kan ueh jêh ri khlay ma lĕ rngôch bunuyh.

ហេឞ្រើ 1:3

Kon jêng chrat ang nau chrêk rmah Brah Ndu jêh ri jêng rup di ngăn ma Brah Ndu nơm. Păng sŏk nau brah Păng gay ma kơl lĕ rngôch ndơ. Jêh Păng ƀư kloh nau tih, Păng gŭ mpeh pa ma Nơm Dŭt Prêh ta klơ trôk.

ហេឞ្រើ 10:24

Ăn he mĭn rvê tâm n'hao nuih ndrăng he nơm ma nau rŏng jêh ri lĕ nau kan ueh.

ហេឞ្រើ 9:14

rlau lơn ma nĕ mham Brah Krist, jêng Nơm rnơm Brah Huêng Ueh n'ho ro, nhhơr Păng nơm mâu geh têl khap ma Brah Ndu, mra ƀư kloh nuih n'hâm sŏng khân may bơh kan khĭt, gay pah kan ma Brah Ndu gŭ rêh mro mrăng âk tơ̆ rlau lơn!

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;

I Pêtrôs 1:18

Yorlah khân may gĭt jêh mâu di ma lĕ ndơ blau rai yot nâm bu prăk mâu lah mah ôh khân may geh nau chuai bơh nau rêh dơm dam ntơm bơh phung chô yau khân may nơm nkoch tay,

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Pêtrôs 2:12

Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

I Yôhan 1:9

Tơlah he mbơh nau tih he nơm, Păng jêng Nơm răp jăp jêh ri sŏng mra yô̆ an nau tih ma he jêh ri ƀư kloh he bơh lĕ rngôch nau kue.

I Yôhan 3:2

Hơi phung gâp rŏng, aƀaơ he jêng kon Brah Ndu; bi mâm nau he mra jêng ê hŏ tâm mpơl ôh. He gĭt tơlah Păng tâm mpơl, he mra tâm ban ma Păng, yorlah he mra saơ Păng nâm bu Păng ơm geh kơt nây.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,