Sôphôni 3:9 - Nau Brah Ndu Ngơi 2023

⁹ Rnôk nây, Gâp mra rgâl phung ƀon lan, Ƀư kloh trôm mbung, Gay lĕ rngôch kuăl amoh Brah Yêhôva da dê, Du ai pah kan ma Păng ndrel n'grŭp.

Sôphôni 3:9 ပူးပေါင်းရင်းမြစ်များ

Nau Ntơm 11:1

Rnôk nây lĕ rngôch jŭm bri văr neh ntu geh du ntil nau ngơi jêh ri dŏng nsum du rplay ngơi.

Nau Ntơm 4:26

Y-Set bă tay du huê kon bu klâu, amoh Y-Ênôs. Bơh nây, bu ntơm kuăl mbơh sơm amoh Brah Yêhôva.

Nau Mprơ Ơm 113:3

Bơh ntŭk nar luh tât ta nar nhâp, Tâm rnê hom ma amoh Brah Yêhôva!

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Êsai 19:18

Tâm nar nây, tâm bri Êjipt mra geh prăm rplay ƀon toyh ngơi nau bri Kanaan jêh ri ton săk ma amoh Brah Yêhôva ma phung tahan. Tâm prăm rplay ƀon nây, geh du ƀon bu mra kuăl jêng Ƀon Ƀư Rai.

Êsai 57:19

Gâp rhăk njêng nau tâm rnê ta bâr mbung khân păng: ‘Đăp mpăn! Đăp mpăn ma nơm gŭ ngai jêh ri ma phung gŭ dăch!’” Brah Yêhôva lah: “Gâp mra ƀư bah păng.

Êsai 6:7

Păng rbot trôm mbung gâp ma sa ônh rnga ŭnh sa jêh ri lah: “Aơ, ndơ nây hŏ rbot jêh ta trôm mbung may, bu jut lơi jêh nau kue may, nau tih may bu yô̆ an jêh.”

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Êsêkiêl 37:17

Ntrŭp hom bar mâng jra nây tâm rnglăp jêng du mlâm mâng jra tâm ti may.

Habakuk 2:14

Yorlah gĭt năl nau chrêk rmah Brah Yêhôva Mra bêng ler lam neh ntu Nâm bu dak nkŭm bêng dak mƀŭt.

Sôphôni 2:11

Ma đah khân păng, Brah Yêhôva ma nau krit klach dŭt n'hâm, Yorlah Păng mra ƀư rai lĕ rngôch phung brah ta neh ntu, Jêh ri ăp nơm mra yơk mbah ma Păng tâm ntŭk păng nơm, Lĕ rngôch gôl dak mƀŭt ma lĕ bri dak tâm ban pônây lĕ.

Sakari 14:9

Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Mathay 12:35

Bunuyh ueh mpơl ndơ ueh tă bơh ntŭk prăp nau ueh păng; bi bunuyh mhĭk mpơl ndơ mhĭk tă bơh ntŭk prăp nau mhĭk.

Êphêsô 4:29

Lơi ăn du nau ngơi mhĭk luh tă bơh trôm mbung khân may ôh, ƀiălah tơlah khư ngơi, ngơi hom lĕ nau ngơi ueh, geh nau ndâk njêng gay djôt leo nau ueh tât ma phung gŭ iăt.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”