Sôphôni 3:12 - Nau Brah Ndu Ngơi 2023

¹² Gâp mra chalơi ta nklang may Du phung ƀon lan o ach jêh ri dêh rhêt, Khân păng mra gŭ krap tâm amoh Brah Yêhôva.

Sôphôni 3:12 ပူးပေါင်းရင်းမြစ်များ

Êsra 9:8

Ƀiălah aƀaơ ri, Yêhôva Brah Ndu phung kon hŏ yô̆ an ma hên, gay ăn hên du kô̆ hôm e klen dơi klaih, jêh ri ăn ma hên du ngih brah tâm trôm ntŭk kloh ueh aơ, gay ma Brah Ndu hên ƀư ăn ang măt phung kon dơi saơ ang jêh ri ăn hên dơi rêh đŏng djê̆ djê̆ tă bơh ƀư bu nă.

Nau Mprơ Ơm 37:40

Brah Yêhôva koh dŏng jêh ri tâm rklaih khân păng; Păng rklaih khân păng bơh phung mhĭk jêh ri tâm rklaih khân păng, Yorlah khân păng nde krap tâm Păng.

Êsai 14:30

Rnôk nây, phung o ach lơn mra joi saơ ndơ sông sa, Phung pưt ndơ mra lâng bê̆ch tâm nau đăp mpăn. Ƀiălah Gâp mra ƀư ma noi deh may khĭt ma nau sa sât ji ngot, Jêh ri đơ phung hôm klen bu mra nkhĭt.

Êsai 14:32

Moh nau mra plơ̆ lah ma phung mbơh bơh bri dak aơ? Plơ̆ lah hom pô aơ: “Brah Yêhôva rdâk jêh Siôn, Jêh ri phung o ach tâm phung ƀon lan Păng mra dơi joi ntŭk nde.”

Êsai 29:19

Phung dêh rhêt mra răm maak ntop âk tâm Brah Yêhôva, Phung o ach mra răm maak yor Nơm Kloh Ueh Israel.

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Êsai 6:13

Nđâp tơlah du kô̆ tâm jât hôm e tâm khân păng Bu mra ƀư rai lơi; Ƀiălah, nâm bu kăl jêh tơm n'ho, tơm guyh hôm om knŏng yôk ngâl, Ndŭl mpôl kloh ueh jêng yôk ngâl păng.”

Yêrêmi 17:7

Ueh maak yơh mbu nơm nsing ma Brah Yêhôva, Sŏk Brah Yêhôva ƀư ntŭk mbin nsing ma păng.

Yêrêmi 50:20

Brah Yêhôva lah: “Tâm nar nây, tâm rnôk nây, bu mra joi nau tih mhĭk tâm phung Israel ƀiălah mâu saơ ôh; bu mra joi nau tih tâm phung Yuđa ƀiălah mâu mra saơ ôh; yorlah Gâp mra yô̆ an nau tih ma phung khân păng hôm e Gâp rong.”

Êsêkiêl 6:8

Ƀiălah, Gâp mra om phung ƀaƀă, yorlah mra geh phung ƀaƀă hŏ klaih tă bơh chông đao dôl khân may du pru pra tâm lĕ bri dak.

Mika 5:6

Phung hôm e klen bơh Y-Yakôb Mra gŭ ta nklang âk phung ƀon lan, Nâm bu truh dak tŭk văch tât bơh Brah Yêhôva, Nâm bu dak mih jê̆ tŭp ta klơ gơ̆ nse, Mâu kâp bu ôh Mâu lĕ ŭch ndơ tă phung bu klâu kon bunuyh.

Nahum 1:7

Brah Yêhôva jêng ueh ngăn, Jêng pôih nâp tâm nar rêh ni; Păng gĭt phung du krap tâm ntŭk Păng.

Sakari 11:11

Pôri Păng ngroh lơi nau tâm rnglăp tâm nar nây ro, jêh ri phung biăp rêh ni ngăn tâm mpôl phung biăp tĭng ndô̆ Gâp gĭt pô aơ, nây jêng nau Brah Yêhôva ngơi.

Sakari 11:7

Pôri, Gâp chiăp phung biăp dăch bu sreh nkhĭt, jêng phung biăp rêh ni ngăn. Gâp dŏng bar mlâm mâng jra: du mlâm mâng bu ntơ jêng Nau Yô̆, du mlâm mâng bu ntơ Nau Tâm Rnglăp gay ma chiăp phung biăp.

Mathay 11:5

Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, jêh ri bunuyh o ach dơi tăng Nau Mhe Mhan Ueh.

Mathay 12:21

Jêh ri phung padih mra kâp gân tâm amoh Păng.”

Mathay 5:3

“Ueh maak ngăn ma phung o ach tâm huêng nuih n'hâm, Yorlah ƀon bri hađăch klơ trôk prăp ăn ma khân păng!

Samƀŭt Pôl Njuăl Ăn Ma Phung Nsing Ta Ƀon Rôm 15:12

Y-Êsai lah đŏng: “Ntơm bơh Y-Yêsê mra luh du mlâm reh, Jêng Nơm chiă uănh phung bu năch; Phung bu năch mra kâp gân tâm Păng.”

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

I Pêtrôs 1:21

Yor ma Păng, khân may chroh ma Brah Ndu, jêng Nơm ƀư ăn Păng dâk rêh tay tă bơh nau khĭt jêh ri ăn ma Păng nau chrêk rmah, gay ma nau chroh jêh ri nau khân may kâp gân mra dơm tâm Brah Ndu.