Sôphôni 2:7 - Nau Brah Ndu Ngơi 2023

⁷ N'gor nây mra jêng ăn ma phung ngih Yuđa hôm e klen; Khân păng mra chiăp biăp ta nây. Lah ngo, khân păng mra bê̆ch măng Tâm lĕ ngih ƀon Askalôn; Yorlah Yêhôva Brah Ndu khân păng mra chop khâl khân păng, Jêh ri leo phung tă ƀư bu nă ăn khân păng plơ̆ sĭt.

Sôphôni 2:7 ပူးပေါင်းရင်းမြစ်များ

Nau Ntơm 50:24

Y-Yôsep ngơi ma phung nâu păng: “Gâp dăch khĭt, ƀiălah nanê̆ ngăn Brah Ndu mra khâl khân may, njŭn leo khân may luh bơh n'gor aơ gay plơ̆ sĭt ma n'gor Păng hŏ ton jêh ma Y-Abraham, ma Y-Isăk, jêh ri ma Y-Yakôb.”

Nau Mprơ Ơm 80:14

Ơ Brah Ndu ma phung tahan! Dăn plơ̆ văch hom, Uănh bơh trôk ta klơ, treng uănh Jêh ri chop khâl tơm krăk ƀâu aơ,

Nau Mprơ Ơm 85:1

Ơ Brah Yêhôva, May ăn jêh nau ueh ma n'gor May nơm; May njŭn sĭt jêh phung bu nă Yakôb.

Nau Ngluh Êjipt 4:31

Phung ƀon lan rnơm. Dôl khân păng tăng Brah Yêhôva hŏ khâl jêh phung ƀon lan Israel nđâp hŏ saơ jêh nau rêh ni khân păng, khân păng kŭnh bôk jêh ri yơk mbah.

Êsai 11:11

Tâm nar nây, Kôranh Brah mra yơr ti du tơ̆ đŏng gay chuai phung ƀon lan hôm e klen Păng, jêng phung ƀon lan hôm e tă bơh bri Asiri, Êjipt, Pathrôs, Kus, Êlam, Sinar, Hamat jêh ri bơh lĕ gôl dak mƀŭt.

Êsai 11:14

Khân păng mra hăn lơh phung Philistin mpeh nhâp nar, Ndrel n'grŭp pit sŏk ndơ phung mpeh Lur Nar; Ti khân păng yơr nau tâm rdâng ma phung Êđôm jêh ri phung Môap, Phung Ammôn mra tông bâr ma khân păng.

Êsai 11:16

Pôri mra geh du trong toyh prăp ma phung ƀon lan Păng hôm e klen, Jêng phung hôm klen bơh bri Asiri; Tâm ban hŏ mâp geh jêh du trong toyh prăp ma phung Israel Tâm nar khân păng luh bơh bri Êjipt.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 32:14

Ngăn yơh, bu mra chalơi ngih hađăch, Ƀon toyh mra jêng rngot njăp; Yôk jêh ri ngih tŭm gak mra jêng trôm mpa bri lĕ rngôch rnôk n'ho ro Ntŭk pâl ma seh bri, Jêh ri ƀư ndrêch gơ̆ ma phung mpô mpa sa,

Yêrêmi 23:3

Gâp nơm mra rgum biăp hôm klen luh bơh lĕ rngôch bri dak Gâp hŏ mprơh jêh khân păng tât. Gâp mra njŭn khân păng plơ̆ sĭt ma ndrêch gơ̆ khân păng nơm; khân păng mra bĭk rơ̆ dŭt âk ngăn.

Yêrêmi 29:10

Brah Yêhôva lah: “Lah lôch jêh pơh jât năm ăn ma phung Babilôn, Gâp mra hăn chop khâl khân may, mra ƀư lôch nau ton ueh jêh ma khân may, jêh ri mra njŭn leo khân may plơ̆ sĭt ma ntŭk aơ.”

Yêrêmi 29:14

Brah Yêhôva lah: “Gâp mra ăn khân may dơi mâp Gâp jêh ri gâp mra njŭn leo khân may bơh ntŭk ƀư dĭk. Gâp mra rgum tay khân may bơh lĕ rngôch bri dak jêh ri bơh lĕ rngôch ntŭk Gâp hŏ mprơh khân may. Gâp mra njŭn khân may sĭt tă bơh ntŭk Gâp hŏ nhŭp veng leo jêh khân may.”

Yêrêmi 3:18

Tâm nar nây, ngih Yuđa mra hăn ndrel ma ngih Israel, jêh nây khân păng mra nsum ndrel luh bơh neh mpeh pa lơ, plơ̆ sĭt ma n'gor Gâp hŏ ăn ma phung chô yau khân may ƀư drăp ndơn.

Yêrêmi 30:3

Brah Yêhôva lah: ‘Aơ, nar panăp Gâp mra njŭn leo phung ƀon lan Israel jêh ri Yuđa Gâp plơ̆ sĭt tă bơh ntŭk jêng dĭk, Gâp mra njŭn leo khân păng sĭt tâm bri dak Gâp hŏ ăn jêh ma phung chô yau khân păng, jêh ri khân păng mra sŏk dơn bri dak nây ƀư drăp ndơn.’ Brah Yêhôva lah pônây.”

Yêrêmi 31:7

Brah Yêhôva lah: “Nteh hom bâr nau răm rhơn ma Yakôb; Nter troh hom yor jêng phung ƀon lan mrô nguay ma lĕ rngôch ntil mpôl bunuyh; Mbơh hom, mprơ tâm rnê hom, jêh ri lah pô aơ: ‘Ơ Brah Yêhôva, tâm rklaih hom phung ƀon lan May, Jêng ƀon lan hôm e klen tâm phung Israel.’

Yêrêmi 32:44

Bu mra rvăt mir ma prăk, nchih samƀŭt tăch, tâp pŏng tay, jă bunuyh nơm gĭt nanê̆ tâm bri Benjamin, jêh ri tâm ntŭk văr jŭm ƀon Yêrusalem, tâm lĕ rngôch ƀon n'gor Yuđa jêh ri tâm lĕ ƀon klơ yôk, n'gor Sêphêla jêh ri n'gor Nêgep. Yorlah Gâp mra ăn phung jêng bu nă plơ̆ sĭt tay đŏng.’” Yêhôva lah pônây.

Yêrêmi 33:12

Brah Yêhôva ma phung tahan lah: ‘Tâm ntŭk rngol aơ, mâu geh du huê bunuyh ôh, mâu lah mpô mpa, jêh ri tâm ăp rplay ƀon păng, mra geh tay ndrêch gơ̆ ăn ma phung rmăk biăp djôt leo phung biăp păng văch gŭ rlu.

Yêrêmi 33:7

Gâp mra njŭn leo phung bu nă Yuđa jêh ri bu nă Israel plơ̆ sĭt; ndâk tay khân păng nâm bu ntơm bơh saơm.

Yêrêmi 47:5

Gaxa poih hil bôk Ƀon Askalôn mlo. Ơ phung ƀon lan hôm klen ma Anakim, Ndah nâm jŏ khân ay may mra rek tor săk jăn khân ay may nơm?

Êsêkiêl 39:25

Yor nây, Kôranh Brah Yêhôva lah: ‘Aƀaơ ri, Gâp mra njŭn leo phung tă ƀư bu nă Y-Yakôb plơ̆ sĭt; Gâp mra yô̆ an ma lĕ phung Israel jêh ri Gâp mra ntôn yor amoh kloh ueh Gâp.

Ndrom Samƀŭt bơh Ôsê 6:11

Hơi Yuđa, may tâm ban lĕ, Du yan rek hŏ nal jêh ăn may, Tơlah Gâp leo phung ƀon lan Gâp plơ̆ sĭt tă bơh ntŭk jêng bu nă.

Apdia 1:19

Phung gŭ ta Nêgep mra ndơn yôk Êsau; Phung gŭ ta Sơphêla mra ndơn neh phung Philistin, Khân păng mra ndơn mir phung Êphraim jêh ri mir phung Samari; Phung Benjamin mra ndơn neh Gilêat.

Mika 2:12

“Hơi Yakôb! N'hêl nanê̆ Gâp mra tâm rƀŭn lĕ rngôch khân may, Nanê̆ ngăn Gâp mra rgum lĕ phung Israel hôm e, Jêh ri djôt khân păng gŭ nsum tay Nâm bu phung biăp tâm ndrung, Nâm bu du phung biăp gŭ ta nklang tâm ndrêch khân păng; Ta ntŭk nây mra geh bâr bunuyh drơu drơu.

Mika 4:10

Hơi kon bu ur Siôn, ji hom nđêh nji hâu ngăn Tâm ban ma bu ur dôl ji deh! Yorlah may mra du luh bơh ƀon toyh Gŭ tâm mir ba, Jêh ri may mra tât ma bri Babilôn. Ƀiălah ta nây, may mra geh nau rklaih Ta nây, Brah Yêhôva mra tâm chuai may Du luh tă bơh ti phung rlăng may.

Mika 4:7

Jêh nây Gâp mra sŏk bunuyh kuet ƀư jêng phung ƀon lan hôm e klen Jêh ri phung bu chalơi jêng du bri dak dŭt janh: Brah Yêhôva mra chiă uănh khân păng ta klơ yôk Siôn Ntơm bơh aƀaơ aơ kŏ tât lĕ rngôch rnôk n'ho ro.

Sôphôni 2:9

Yor nây, Brah Yêhôva ma phung tahan, Jêng Brah Ndu phung Israel lah pô aơ: “N'hêl nanê̆ tĭng nâm Gâp gŭ rêh mro mrăng! Môap mra jêng tâm ban Sôdôm Jêh ri phung ƀon lan Ammôn mra jêng tâm ban Gômôrơ; Khân păng mra jêng du ntŭk bêng ma pôm lok, Du ntu boh, du ntŭk rngol n'ho ro. Phung ƀon lan Gâp hôm e gŭ rêh mra ntŭng pit ƀư rai lơi khân păng, Phung ƀon lan Gâp hôm klen mra pit in bri neh khân păng ƀư drăp ndơn.”

Sôphôni 3:13

Phung Israel hôm e klen mâu ôh mra ƀư mhĭk, Mâu ngơi mƀruh, jêh ri mbung mpiăt mâu hôm ngơi ndơm ôh; Yorlah khân păng mra sông sa nhêt jêh ri rlu lâng bê̆ch, Ƀiălah mâu geh ôh bunuyh ƀư nkrit khân păng.”

Sôphôni 3:20

Tâm nôk nây, Gâp mra djôt leo khân may plơ̆ sĭt, Nây jêng nôk Gâp tâm rgum tay khân may; Yorlah Gâp mra ƀư ma khân may lư n'găr Jêh ri geh nau tâm rnê ta nklang lĕ rngôch phung ƀon lan tâm neh ntu, Lah Gâp leo phung tă ƀư bu nă bơh phung khân may plơ̆ sĭt Tanăp măt khân may ro,” Brah Yêhôva lah pônây.

Ndrom Samƀŭt bơh Agê 1:12

Pônây Y-Sôrôƀaƀel, kon bu klâu Y-Sêaltiêl, jêh ri Y-Yôsuê kôranh ƀư brah toyh lơn, kon bu klâu Y-Jêhôsadak, nđâp ma lĕ rngôch phung ƀon lan hôm klen tông bâr ma Yêhôva Brah Ndu khân păng jêh ri nau ngơi bơh nơm mbơh lor Y-Agê nơm Yêhôva Brah Ndu hŏ prơh hăn mbơh jêh. Phung ƀon lan klach yơk tanăp Brah Yêhôva.

Ndrom Samƀŭt bơh Agê 2:2

“Ôp hom ma kôranh chiă uănh n'gor Yuđa jêng Y-Sôrôƀaƀel, kon bu klâu Y-Sêaltiêl, jêh ri Y-Yôsuê kôranh ƀư brah toyh lơn, kon bu klâu Y-Jêhôsadak, nđâp ma lĕ rngôch phung ƀon lan hôm e klen, pô aơ:

Luka 1:68

“Tâm rnê ma Kôranh Brah, jêng Brah Ndu Israel, Yorlah Păng hŏ khâl jêh ri tâm chuai jêh phung ƀon lan Păng,

Luka 7:16

Lĕ rngôch bunuyh klach da dê jêh ri tâm rnê ma Brah Ndu pô aơ: “Geh Nơm mbơh lor toyh tâm mpơl jêh tâm phung he, jêh ri Brah Ndu chop khâl jêh ma phung ƀon lan Păng.”

Kôranh Oh Mon 8:26

Nôk nây, geh du huê tông mpăr Kôranh Brah ngơi ma Y-Philip: “Dâk hom may jêh ri hăn tât mpeh pa dâng, tĭng trong tă bơh ƀon Yêrusalem hăn trŭnh ta ƀon Gaxa. Trong nây mâu hôm ôh vay hăn.”

Kôranh Oh Mon 8:40

Bu saơ Y-Philip tâm ƀon Asôtus; ta trong hăn ta ƀon Sêsarê, păng mbơh nkoch Nau Mhe Mhan Ueh ma lĕ rngôch ƀon păng hŏ hăn.

Samƀŭt Pôl Njuăl Ăn Ma Phung Nsing Ta Ƀon Rôm 11:5

Nar aơ tâm ban lĕ, geh du kô̆ hôm e klen dơi săch yor ma nau yô̆.

Bu ur Rut 1:6

Nôk nây, dôl hôm gŭ ta bri Môap, H'Naômi tăng pô aơ Brah Yêhôva khâl jêh ma phung ƀon lan Păng jêh ri ăn ndơ sông sa ma khân păng rĭ dĭng păng ndrel ma bar hê ƀăn păng ntơm du luh bơh bri Môap sĭt ma bri păng nơm.