Sakari 9:15 - Nau Brah Ndu Ngơi 2023

¹⁵ Brah Yêhôva ma phung tahan mra mât njrăng khân păng, Khân păng mra sa rvăn jêh ri jot lơi lĕ găr lŭ dŏng pănh na; Khân păng mra nhêt sa jêh ri ƀư drơu drơu nâm bu nhŭl ndrănh, Jêh ri mra bêng ler nâm bu tâm ngan rlŭ, Nâm bu ăp njônh nơng ƀư brah.

Sakari 9:15 ပူးပေါင်းရင်းမြစ်များ

Nau Mprơ Ơm 78:65

Aƀaơ aơ, Kôranh Brah nâm bu bunuyh kah rngăl bê̆ch, Nâm bu du huê janh ktang dơi đah nhŭl ndrănh.

Nau Ngluh Êjipt 27:2

May ƀư nke nkrêp ta puăn njônh nơng ƀư brah; lĕ nke nây ăn jêng du ngrăng đah nơng ƀư brah. Ăn may mblum nơng ƀư brah ma kông.

Nau Mprơ Ueh 1:4

Dăn têk gâp tĭng may, ăn he gơnh chuat ndrel, — Hađăch hŏ njŭn gâp sĭt tâm ngih hađăch — Phung he nsum răm maak rhơn răm ndrel may, Nsum tâm rnê nau may rŏng, âk lơn ma ndrănh. Lĕ bu druh mâm ƀư mâu dơi rŏng ma may!

Nau Mprơ Ueh 5:1

Hơi oh gâp, ƀăn gâp, Gâp hŏ lăp tâm đang gâp jêh! Gâp hŏ pĕ si tăng jêh ri ndơ ƀâu kah, Sa mpơng sŭt nđâp dak sŭt gâp, Nhêt ndrănh đah dak toh. Hơi mĭt jiăng, sa hom! Hơi băl mpôl, nhŭl hom ndrui nau rŏng!

Nau Mprơ Ueh 7:9

Jêh ri mbung ay ndrănh kah ngăn. Ŭch ma ndrănh hoch ueh lăp ma nơm ay rŏng, Bêng ler trôm mbung nơm gŭ bê̆ch.

Êsai 37:35

Yor Gâp jêh ri yor Y-Đavit, oh mon Gâp, Gâp nơm yơh mra king n'gang jêh ri tâm rklaih ƀon aơ.”

Êsai 55:1

“Ơ, ăp nơm ji hir, Văch hom ta tu dak! Mbu nơm mâu geh prăk ôh, Rvăt hom jêh ri sa! Văch rvăt hom ndrănh jêh ri dak toh ndrôk Mâu ŭch ma prăk, mâu kêh rnoh ôh.

Kan Lêvi 4:18

Kôranh ƀư brah toyh lơn mra mhĭng mham ta klơ lĕ nke nơng ƀư brah tâm Ngih Bok Nau Tâm Rƀŭn tanăp Brah Yêhôva, jêh ri nkhŭt mham hôm e tâm dâng jâng nơng ƀư brah nhhơr ndơ ƀư brah gŭch n'gân tanăp mpông Ngih Bok Nau Tâm Rƀŭn.

Kan Lêvi 4:25

Kôranh ƀư brah mra dŏng nglau ti păng sŏk djê̆ mham tă bơh mpa ƀư brah chuai nau tih jêh ri mhĭng ta lĕ nke nơng ƀư brah nhhơr ndơ ƀư brah gŭch, jêh nây nkhŭt mham hôm e tâm dâng jâng nơng ƀư brah.

Kan Lêvi 4:7

Kôranh ƀư brah mra mhĭng mham ndrôk ta lĕ nke Nơng ƀư brah gŭch ndơ ƀâu kah dơm tâm Ngih Bok Nau Tâm Rƀŭn, tanăp Brah Yêhôva, jêh nây nkhŭt lĕ rngôch mham hôm e tâm dâng jâng nơng ƀư brah nhhơr ndơ ƀư brah gŭch n'gân tanăp bôk mpông Ngih Bok Nau Tâm Rƀŭn.

Mika 5:8

Ti Kôranh Brah yơr ƀư ma phung rlăng păng, Jêh ri phung rlăng Păng mra rai yot!

Sakari 10:5

Khân păng jêng nâm bu phung geh nau janh jot phung rlăng ta ntŭk tâm lơh Nâm bu neh bŏk rŏ trong sâng. Khân păng mra tâm lơh; yorlah Brah Yêhôva gŭ ndrel ma khân păng, Jêh ri phung bunuyh ncho seh mra prêng.”

Sakari 10:7

Phung Êphraim mra jêng nâm bu phung geh nau janh, Nuih n'hâm khân păng hâk răm nâm bu nôk nhŭl ndrănh; Phung kon khân păng mra saơ nau nây jêh ri răm maak, Nuih n'hâm khân păng mra maak tâm Brah Yêhôva.

Sakari 12:6

Tâm nar nây, Gâp mra ƀư ma phung kôranh Yuđa tâm ban ma ŭnh năk dôl ŭnh hit ta nklang mbŭch long, nâm bu chiông ŭnh rdo hit ta nklang âk nchăp ba; khân păng mra su rai lĕ rngôch phung ƀon lan gŭ jŭm, nđâp mpeh pa ma jêh ri mpeh pa chiau. Ƀiălah phung ƀon lan Yêrusalem hôm e gŭ ta ntŭk ƀon păng nơm, nây jêng Yêrusalem.”

Sakari 12:8

Tâm nar nây, Brah Yêhôva mra ƀư Nơm king n'gang ma phung gŭ ta ƀon Yêrusalem. Nôk nây, phung ra ai ngăn tâm phung khân păng mra jêng nâm bu Y-Đavit; ngih Y-Đavit mra jêng nâm bu Brah Ndu, jêh ri mra jêng nâm bu tông mpăr Brah Yêhôva hăn lor panăp khân păng.

Sakari 14:20

Ta nar nây mra geh nau nchih ta nteng neng seh: “KLOH UEH MA BRAH YÊHÔVA!” Lĕ glah tâm ngih Brah Yêhôva mra tâm ban ma ngan ta klơ nơng ƀư brah.

Sakari 14:3

Nôk nây, Brah Yêhôva mra hăn tâm lơh đah lĕ rngôch bri dak nây, nâm bu Păng hŏ lơh jêh tâm rnôk tâm lơh.

Sakari 2:9

Yor aơ gâp mra rtuh ti tâm rdâng đah khân păng, gay ma khân păng jêng ndơ sa ma phung pah kan ma khân păng. Nôk nây, khân păng mra gĭt Brah Yêhôva ma phung tahan hŏ njuăl gâp hăn.

Sakari 9:17

Ngăn yơh, ueh reh ngăn lĕ rngôch nau ueh! Ba mra ƀư ăn dăng phung mom ndăm, Jêh ri ndrănh mhe ƀư răm maak ma phung bu ur druh.

I Kôrintô 1:18

Yorlah nau nti ma si tâm rkăng đah phung bunuyh rai roh jêng brŭt ndrăng; ƀiălah đah he, phung bunuyh geh tâm chuai, nây jêng nau brah Brah Ndu.

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.

I Samuel 17:45

Y-Đavit lah ma bu klâu Philistin: “May văch ma gâp ma đao, tak, jêh ri tak keng. Bi gâp, gâp hăn ma may tâm amoh Brah Yêhôva ma phung tahan, jêng Brah Ndu ma phung tahan Israel may hŏ rlong nuih jêh.