Sakari 8:3 - Nau Brah Ndu Ngơi 2023

³ Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

Sakari 8:3 ပူးပေါင်းရင်းမြစ်များ

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Mprơ Ơm 48:1

Brah Yêhôva dŭt toyh, khư ma lĕ nau mprơ tâm rnê Tâm ƀon Brah Ndu he Jêh ri ta klơ yôk kloh ueh Păng.

Nau Ngluh Êjipt 29:45

Jêh ri Gâp mra gŭ ta nklang phung ƀon lan Israel, jêh ri jêng Brah Ndu khân păng.

Êsai 1:21

Vư! Ƀon răp jăp Hŏ plơ̆ jêng bu ur văng tĭr! Păng bêng ma nau di, Jêh ri jêng ntŭk nau sŏng srăng gŭ tâm păng. Ƀiălah aƀaơ aơ bêng ma phung nkhĭt bunuyh!

Êsai 1:26

Gâp mra ndâk tay phung kôranh phat dôih may tâm ban nôk lor, Jêh ri phung kôranh nchră may tâm ban ma ntơm saơm. Jêh nau nây, bu mra rnha ma may jêng ƀon sŏng srăng, Jêng ƀon răp jăp.”

Êsai 11:9

Khân păng mâu mra ƀư mhĭk, mâu lĕ chôk bu khĭt Tâm lĕ yôk kloh ueh Gâp, Yorlah nau gĭt rbăng Brah Yêhôva mra bêng ler lam neh ntu Nâm bu lĕ n'hong dak nkŭm bêng dak mƀŭt.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 32:16

Rnôk nây, nau di mra gŭ tâm bri rdah, Jêh ri nau sŏng srăng gŭ tâm đang tơm sa play.

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Êsai 65:25

So bri jêh ri kon biăp mra sa gơ̆ ndrel, Yau mŭr mra sa rhe nâm bu ndrôk, Bêh mra sa ndruyh neh. Mra mâu hôm geh nơm phă mâu lah ƀư rai Ta lĕ yôk kloh ueh Gâp.” Brah Yêhôva lah pônây.

Êsai 66:20

Brah Yêhôva lah: “Phung bu năch mra njŭn lĕ rngôch phung oh nâu khân may plơ̆ sĭt bơh lĕ rngôch bri dak. Khân păng rdeng khân may klơ seh, ndeh, tâm ưn, ncho seh bri jêh ri seh samô, hăn ta yôk kloh ueh Gâp jêng Yêrusalem, gay nhhơr khân păng tâm ban ma du mpa nhhơr ma Brah Yêhôva; tâm ban đŏng phung Israel djôt leo mpa nhhơr tâm ndơ dŏng kloh rsang lăp ma ngih Brah Yêhôva.”

Êsai 8:18

Aơ, gâp jêh ri phung kon Brah Yêhôva ăn jêh ma gâp jêng nau mbên khlay jêh ri nau tâm mbơh tâm bri Israel tă bơh Brah Yêhôva ma phung tahan, Nơm gŭ ta yôk Siôn.

Yêrêmi 14:9

Mâm ƀư May nâm bu bunuyh phit phơr, Nâm bu du huê dăng ktang mâu dơi yơr ti tâm rklaih bu ôh? Ƀiălah, ơ Kôranh Brah, May hôm e gŭ ta nklang hên, Hên dơi ntơ ma amoh May, Lơi ta chalơi hên ôh!”

Yêrêmi 26:18

“Y-Mika gŭ tâm ƀon Môrêset, nơm mbơh lor tâm rnôk Y-Hêsêkia, hađăch Yuđa, hŏ ngơi ma lĕ rngôch phung ƀon lan n'gor Yuđa pô aơ: Brah Yêhôva ma phung tahan lah: ‘Siôn bu mra chuar nâm bu lôk mir, Yêrusalem mra jêng du mbŭch rlâm rai nchah rngot njăp, Yôk ngih brah mra jêng yôk bri krŏng.’

Yêrêmi 31:23

Brah Yêhôva ma phung tahan, Brah Ndu Israel, lah: “Lah Gâp djôt leo lĕ rngôch phung bu nă plơ̆ sĭt jêh pôri tâm n'gor Yuđa jêh ri lĕ rngôch phung ƀon toyh păng, bu mra hôm ngơi nau aơ: ‘Hơi ntŭk gŭ nau sŏng srăng, hơi yôk kloh ueh ri, Dăn ma Brah Yêhôva ăn nau ueh uĭn ma may!’

Yêrêmi 33:16

Tâm nar nây, n'gor Yuđa mra dơi geh nau tâm rklaih jêh ri ƀon Yêrusalem mra gŭ rêh đăp rmên; ƀon nây bu mra ntơ amoh jêng: Brah Yêhôva, nau sŏng srăng he.’

Êsêkiêl 48:35

Ndăch jŭm ƀon toyh mra geh sĭn rbăn met, jêh ri ntơm bơh aƀaơ tât ô klak, amoh ƀon mra jêng: “Brah Yêhôva gŭ ta nây!”

Daniel 9:16

Ơ Kôranh Brah, tĭng nâm lĕ nau sŏng srăng May, gâp dăn ma May djoh ji nuih jêh ri rlu nau ji nuih đah ƀon Yêrusalem May, nây jêng yôk kloh ueh May, yorlah nau tih hên jêh ri nau mhĭk phung chô yau hên, lĕ rngôch phung gŭ jŭm hên ngơi djơh ma ƀon Yêrusalem jêh ri phung ƀon lan May.

Yôel 3:17

“Rnôk nây, khân may mra gĭt Gâp jêng Yêhôva Brah Ndu khân may, Nơm gŭ ta Siôn, jêng yôk kloh ueh Gâp. Yêrusalem mra jêng ƀon kloh ueh Jêh ri phung bu năch mâu mra hôm pit in păng đŏng ôh.”

Yôel 3:21

Gâp mra ƀư kloh nau rnon mham khân păng Gâp ê hŏ mâp ƀư kloh ôh, Yorlah Brah Yêhôva gŭ ta Siôn.

Mika 4:1

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ yôk prêh lơn, Jêh ri mra dơi n'hao prêh lơn ma lĕ gôl yôk. Lĕ mpôl băl bunuyh mra hăn plơ̆ sĭt ta nây.

Sôphôni 3:13

Phung Israel hôm e klen mâu ôh mra ƀư mhĭk, Mâu ngơi mƀruh, jêh ri mbung mpiăt mâu hôm ngơi ndơm ôh; Yorlah khân păng mra sông sa nhêt jêh ri rlu lâng bê̆ch, Ƀiălah mâu geh ôh bunuyh ƀư nkrit khân păng.”

Sakari 1:16

Yor nây, Brah Yêhôva lah: ‘Gâp mra plơ̆ yô̆ đŏng ma ƀon Yêrusalem. Ngih brah Gâp mra ndâk tay ta ntŭk nĕ, jêh ri rse veh di rnhuan mra nthăng tâm ƀon Yêrusalem.’ Brah Yêhôva ma phung tahan lah.

Sakari 12:6

Tâm nar nây, Gâp mra ƀư ma phung kôranh Yuđa tâm ban ma ŭnh năk dôl ŭnh hit ta nklang mbŭch long, nâm bu chiông ŭnh rdo hit ta nklang âk nchăp ba; khân păng mra su rai lĕ rngôch phung ƀon lan gŭ jŭm, nđâp mpeh pa ma jêh ri mpeh pa chiau. Ƀiălah phung ƀon lan Yêrusalem hôm e gŭ ta ntŭk ƀon păng nơm, nây jêng Yêrusalem.”

Sakari 14:10

Lĕ n'gor bri mra plơ̆ jêng neh lâng ntơm bơh Gêba tât ta Rimôn, mpeh pa dâng Yêrusalem. Ƀiălah Yêrusalem mra n'hao klơ gŭ ta ntŭk ơm păng, ntơm bơh mpông pêr Benjamin kŏ tât mpông pêr tal nguay jêh ri tât mpông pêr Njônh, jêh ri ntơm bơh vâl tŭm Hananel tât ta ntu păt ndrănh ma hađăch.

Sakari 8:16

Aơ jêng nau ăn khân may ƀư: Ăp nơm sŏk nau ngơi ngăn ma phung chiau meng păng; ta mpông ƀon khân may, phat dôih hom ăn nanê̆ ngăn, nau di jêh ri nau đăp mpăn;

Sakari 8:19

Brah Yêhôva ma phung tahan lah: “Lĕ nau ât sông sa ta khay puăn, ta khay prăm ta khay pơh, jêh ri khay jât mra jêng nau maak răm, jêh ri lĕ nar rƀŭn bêng ma nau maak ma Yuđa. Yor nây rŏng hom ma nau nanê̆ ngăn jêh ri đăp mpăn.”

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Kôlôh 2:9

Yorlah lĕ bêng nŭm nau brah tâm mpơl tâm săk jăn Păng dôl geh

Nau Tâm Mpơl 21:10

Brah Huêng Ueh ntrŭt ntrôl gâp jêh ri tông mpăr njŭn leo gâp tât ta yôk toyh dŭt prêh, jêh ri ntĭm ma gâp saơ ƀon kloh ueh jêng ƀon Yêrusalem jŭr tă bơh ntŭk Brah Ndu klơ trôk,

Nau Tâm Mpơl 21:27

Lĕ rngôch phung ƀơ̆ ƀơch, nơm ƀư nau mưch rmot, nơm ngơi mƀruh mâu dơi lăp ƀon ôh, knŏng phung geh amoh nchih jêh tâm ndrom samƀŭt nau rêh Kon Biăp.

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.