Sakari 8:20 - Nau Brah Ndu Ngơi 2023

²⁰ Brah Yêhôva ma phung tahan lah: “Âk ntil mpôl bunuyh jêh ri phung gŭ tâm âk rplay ƀon toyh mra văch;

Sakari 8:20 ပူးပေါင်းရင်းမြစ်များ

I Phung Hađăch 8:41

Rlau ma nây, lah du huê bu năch jêng bunuyh mâu jêng ôh phung ƀon lan Israel May, ƀiălah yor tăng amoh May păng văch tât tă bơh n'gor ngai

I Phung Hađăch 8:43

pôri dăn Kôranh Brah ta klơ trôk, jêng ntŭk May gŭ, rkêng tôr iăt jêh ri ƀư ma khân păng lĕ nau khân păng mbơh sơm dăn ma May, gay ma lĕ rngôch phung ƀon lan ta neh ntu dơi gĭt năl amoh Kôranh Brah jêh ri klach yơk ma May nâm bu phung ƀon lan Israel May, jêh ri gay ma bu gĭt năl ngih brah aơ gâp ndâk jêh ma May bu ntơ tâm amoh May.

Nau Mprơ Ơm 102:22

Tơlah lĕ rngôch phung ƀon lan tâm rgum Gay yơk mbah ma Brah Yêhôva.

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Mprơ Ơm 89:9

May chiă uănh nau ngrông huy phung dak mƀŭt: Tơlah rbuh dak, May ăn khân păng gŭ rklăk.

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 45:14

Pô aơ Brah Yêhôva lah tâm ban pônây: “Drăp ndơ bri Êjipt, ndơ tăch kao bri Kus Jêh ri phung Sabê, bunuyh juat toyh, Mra văch ma may da dê, jêh ri jêng ndơ may; Khân păng mra tĭng ndô̆ may, djôt nse rvăk, Păn tanăp may, khân păng mra vơh vơl ma may jêh ri lah: ‘Nanê̆, Brah Ndu gŭ ndrel ma khân may; Rlau ma Păng, mâu geh Nơm êng ôh, Mâu geh Brah Ndu êng ôh!’”

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Ndrom Samƀŭt bơh Ôsê 1:10

“Ƀiălah rnoh kơp phung kon sau Israel mra âk nâm bu choih dak mƀŭt, mâu dơi nhueh, mâu lĕ dơi kơp ôh. Ta ntŭk khân păng tăng bu lah: ‘Khân may mâu di phung ƀon lan Gâp,’ mra tăng đŏng: ‘Khân may jêng kon Brah Ndu gŭ rêh mro mrăng.’

Ndrom Samƀŭt bơh Ôsê 2:23

Gâp mra tăm păng ăn ma Gâp tâm neh ntu Mpơl nau yô̆ nđach ‘phung mâu geh nau yô̆ nđach.’ Jêh ri lah ma phung ƀon lan ‘mâu di ƀon lan Gâp’ pô aơ: ‘Ay jêng ƀon lan Gâp’, Jêh ri ƀon lan nây mra plơ̆ lah: ‘May jêng Brah Ndu hên.’”

Amôt 9:12

Gay ma khân păng pit in lơi phung hôm klen tâm Êđôm Jêh ri lĕ rngôch bri dak dơi kuăl tâm amoh Gâp.” Brah Yêhôva lah; Păng yơh mra ƀư lôch lĕ ntil nau aơ.

Mika 4:3

Păng mra ƀư nau phat dôih ta nklang âk mpôl băl bunuyh, Jêh ri phat dôih ta nklang lĕ bri dak dŭt dăng gŭ ntŭk ngai. Khân păng mra sŏk đao chiăr njêng kau kai, Sŏk tak chiăr njêng nhuĕ; Bri dak aơ mâu mra tŏk ôh đao tâm rdâng đah bri dak êng Jêh ri mâu lĕ hôm nti tay đŏng nau tâm lơh.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Mathay 8:11

Gâp lah ma khân may gĭt: Bơh mpeh luh nar, nhâp nar mra geh âk bunuyh văch gŭ sông sa ndrel ma Y-Abraham, Y-Isăk, jêh ri Y-Yakôp tâm ƀon bri hađăch klơ trôk.

Kôranh Oh Mon 15:14

Mâm Y-Simêôn hŏ nkoch êlor Brah Ndu chop khâl ma mpôl băl phung bu năch, gay ma sŏk luh tă bơh khân păng du phung ƀon lan ma amoh Păng.

Kôranh Oh Mon 15:18

Nây jêng lĕ nau dơi gĭt ntơm bơh rbăn rnôk kăl e.’

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”