Sakari 8:17 - Nau Brah Ndu Ngơi 2023

¹⁷ lơi ta mĭn nau mhĭk tâm nuih n'hâm ŭch ƀư djơh ndrăng khân may nơm; jêh ri lơi ta rŏng nau ton mƀruh ôh, yorlah Gâp tâm rmot ma lĕ rngôch nau nây.” Brah Yêhôva lah kơt nây.

Sakari 8:17 ပူးပေါင်းရင်းမြစ်များ

Nau Mprơ Ơm 10:3

Yorlah phung mhĭk tâm rnê ma nuih n'hâm khân păng ŭch; Phung ndơm kơnh ma nau suai rak jêh ri dun Brah Yêhôva.

Nau Mprơ Ơm 101:3

Gâp mâu mra dơm du ntil ndơ djơh mhĭk ôh tanăp măt gâp; Gâp tâm rmot ma kan phung mâu răp jăp, Khân păng mâu mra krêp ôh tât ma gâp.

Nau Hôr 3:29

Lơi dĭng tâm nchră ƀư mhĭk ma bunuyh chiau meng may ôh, Yorlah bunuyh dôl gŭ rêh ueh mpăn kêng may.

Nau Hôr 6:14

Nuih n'hâm bêng nau kue, păng tâm nchră ma nau mhĭk, Ăp tơ̆ joi nau tâm djrel ƀaƀơ.

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Yêrêmi 44:4

Nđâp lah Gâp hŏ prơh hăn ƀaƀơ jêh ma lĕ rngôch phung oh mon Gâp, nây jêng phung nơm mbơh lor, tât lah ma khân may pô aơ: ‘Vơ, lơi ta ƀư ôh nau ƀơ̆ bơch Gâp tâm rmot nây!’

Habakuk 1:13

Măt Kôranh Brah kloh ir mâu dơi uănh ôh nau mhĭk, Mâu dơi uănh ntreng ôh nau tih mhĭk. Mâm ƀư May uănh ma phung ƀư nau mƀruh nchơt? Mâm ƀư May gŭ klăk klêm, Lah bunuyh mhĭk sa rvăn bunuyh sŏng srăng lơn ma păng?

Sakari 7:10

Lơi tŭn jot ôh phung kon đơi, bu ur ndrô, nơm gŭ njưh tâm n'gor, mâu lah nơm o ach. Lơi ta mĭn tâm nuih n'hâm ŭch ƀư nau mhĭk ma oh nâu nơm.’

Sakari 8:18

Brah Yêhôva ma phung tahan ngơi đŏng ma gâp:

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Mathay 12:35

Bunuyh ueh mpơl ndơ ueh tă bơh ntŭk prăp nau ueh păng; bi bunuyh mhĭk mpơl ndơ mhĭk tă bơh ntŭk prăp nau mhĭk.

Mathay 15:19

Yorlah tă bơh nuih n'hâm yơh luh văch nau mĭn mhĭk, nau nkhĭt bunuyh, nau văng tĭr, nau ka n'hong, nau ntŭng, nau ngơi mƀruh, ngơi nchơt.

Mathay 5:28

Ƀiălah Gâp lah ma khân may gĭt: Mbu nơm uănh ma bu ur ma nau kơnh, pôri tâm nuih n'hâm păng hŏ ƀư tih văng tĭr jêh đah bu ur nây.