Sakari 7:9 - Nau Brah Ndu Ngơi 2023

⁹ “Brah Yêhôva ma phung tahan lah: ‘Phat dôih hom ma nau tâm di ngăn; ăp nơm sŏk hom nau ueh jêh ri nau yô̆ nđach gŭ ngao đah oh nâu nơm.

Sakari 7:9 ပူးပေါင်းရင်းမြစ်များ

II Samuel 9:7

Y-Đavit lah ma păng: “Lơi klach ôh, yorlah gâp ŭch ƀư nau ueh ma may yor Y-Jônathan, mbơ̆ may; gâp mra mplơ̆ sĭt đŏng ma may lĕ neh Y-Sôl, che may, jêh ri may mra sông sa ta sưng sông gâp ƀaƀơ.”

Ndrom Samƀŭt bơh Yôp 31:20

Pôri nuih n'hâm khân păng mra ăn nau ueh uĭn ma gâp, Yorlah bơh rsau biăp gâp khân păng dơi geh nau răm.

Ndrom Samƀŭt bơh Yôp 6:14

Nơm rdja nuih ŭch ma mĭt jiăng yô̆ nđach, Nđâp lah nuih n'hâm chalơi nau klach yơk ma Nơm Geh Lĕ Nau Brah.

Nau Hôr 21:3

Ƀư tĭng nau sŏng srăng jêh ri nau di Dơi ƀư maak ma Brah Yêhôva ueh lơn jêng nhhơr mpa ƀư brah.

Yêrêmi 21:12

Hơi ngih Y-Đavit! Brah Yêhôva lah: Ăp ôi ƀư hom nau sŏng srăng, Rklaih hom bunuyh bu tŭn jot tă bơh ti nơm tŭn jot, Klach lah yor khân may ƀư nau mhĭk, Ma nau Gâp ji nuih hit nâm bu ŭnh.’ Mâu geh nơm dơi nhhât ôh.

Yêrêmi 22:3

Brah Yêhôva lah: ‘Ƀư hom nau sŏng jêh ri nau di, rklaih bunuyh bu tŭn jot bơh ti nơm mhĭk. Mâu ƀư nau tih mâu lah nau ƀai ôh ma phung bu năch, ma lĕ phung kon đơi ma phung bu ur ndrô. Lơi ƀư pling mham ma nơm mâu geh nau tih ta ntŭk aơ.

Yêrêmi 7:23

Ƀiălah aơ jêng nau ntăm Gâp hŏ mbơh ăn khân păng: ‘Iăt hom nau Gâp pôri Gâp mra ƀư Brah Ndu khân may jêh ri khân may mra ƀư phung ƀon lan Gâp. Nhuat tĭng hom lĕ trong Gâp nti, ma khân may, gay khân may geh nau ueh maak.’

Yêrêmi 7:5

Yorlah tơlah khân may rgâl ngăn trong jêh ri nau khân may ƀư, tơlah nanê̆ khân may gŭ ngao ndrăng nơm ma nau sŏng,

Êsêkiêl 18:8

mâu ăn bu manh prăk gay sa kao, mâu lah n'hao prăk sa kao ôh; rhuăt ti mâu ƀư nau djơh mhĭk ôh, ƀư nau di nơm aơ đah nơm ri;

Êsêkiêl 45:9

Kôranh Brah Yêhôva lah: ‘Hơi phung hađăch Israel, găp jêh khân may ƀư pônây! Chalơi hom nau ƀư djơh jêh ri tŭn jot, ƀư hom nau sŏng, nau di. Rlu hom nau pit in drăp ndơ ƀon lan Gâp, Kôranh Brah Yêhôva Brah lah pônây.’”

Ndrom Samƀŭt bơh Ôsê 12:7

Pôri may plơ̆ sĭt hom ma Brah Ndu may; Prăp nuih n'hâm ueh jêh ri nau sŏng, Jêh ri gŭ kâp gân mro mrăng ma Brah Ndu may.”

Kan Lêvi 19:15

Khân may mâu dơi ƀư nau mâu sŏng tâm nau phat dôih; mâu gŭ nding mpeh ma nơm o ach mâu lah yơk phung geh nau kan toyh, ƀiălah phat dôih hom phung chiau meng khân may ma nau sŏng.

Amôt 5:24

Ƀiălah ăn nau sŏng hoch nâm bu dak, Jêh ri nau sŏng srăng nâm bu dak krong toyh hoch thăng ƀaƀơ.

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Sakari 7:7

Nau nây mâu di tă nau ngơi Brah Yêhôva kuăl bơh phung nơm mbơh lor rnôk kăl e hăn mbơh, lah Yêrusalem jêh ri phung ƀon chiau meng gŭ jŭm păng hôm e geh phung ƀon lan gŭ jêh ri geh nau hao jêng, tâm ban ma bri Nêgep jêh ri bri Sêphêla geh phung ƀon lan gŭ lĕ?’”

Sakari 7:8

Jêh nây, geh nau Brah Yêhôva ngơi ma Y-Sakari:

Mathay 23:23

Rêh ni yơh ma khân may, phung kôranh nchih samƀŭt jêh ri phung Pharisi, jêng phung geh nuih n'hâm nklă! Yorlah khân may nhhơr du kô̆ tâm jât klôih, ndơ ƀâu kah, trau gir, ƀiălah khân may chuêl lĕ nau khlay lơn tâm nau vay jêng nau sŏng, nau yô̆ nđach jêh ri nau chroh. Ăn khân may ƀư lĕ nau nây, ƀiălah mâu dơi đŏng chuêl lĕ nau ri.

Luka 11:42

Rêh ni yơh ma khân may, phung Pharisi! Yorlah khân may chê̆ du kô̆ tâm jât klôih, ndơ ƀâu kah, nđâp lĕ rngôch ntil trau, ƀiălah chuêl ma nau di jêh ri ma nuih n'hâm yơk rŏng Brah Ndu! Ăn khân may ƀư lă nau aơ ƀiălah mâu dơi đŏng chuêl lĕ nau ri.

Yôhan 7:24

Lơi ta phat dôih tĭng padih, ƀiălah phat dôih hom tĭng nau sŏng srăng.”

Yôhan 7:51

“Nau vay he dơi lĕ phat dôih ma du huê bunuyh ƀiălah ê hŏ tăng nau păng ngơi jêh ri ê hŏ gĭt moh nau păng ƀư?”

Nau Vay Nkah Tay 22:1

“Lah saơ ndrôk mâu lah biăp oh nâu khân may hăn nhhơt, pôri khân may lơi ta ƀư nau mâu meng, ƀiălah ăn khân may têk leo sĭt ma oh nâu khân may.