Sakari 7:7 - Nau Brah Ndu Ngơi 2023

⁷ Nau nây mâu di tă nau ngơi Brah Yêhôva kuăl bơh phung nơm mbơh lor rnôk kăl e hăn mbơh, lah Yêrusalem jêh ri phung ƀon chiau meng gŭ jŭm păng hôm e geh phung ƀon lan gŭ jêh ri geh nau hao jêng, tâm ban ma bri Nêgep jêh ri bri Sêphêla geh phung ƀon lan gŭ lĕ?’”

Sakari 7:7 ပူးပေါင်းရင်းမြစ်များ

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Yêrêmi 13:19

Lĕ ƀon Nêgep bu nchueng jŭm da dê jêh Mâu geh bunuyh rklaih ăn khân păng. Lĕ rngôch phung Yuđa bu ƀư jêng bu nă, Lĕ rngôch bu nhŭp rdu.

Yêrêmi 17:26

Phung ƀon lan tă bơh lĕ ƀon n'gor Yuđa jêh ri lĕ n'gor êp kêng Yêrusalem, bơh neh Benjamin, bơh neh Sêphêla, bơh bri dor yôk, jêh ri bơh Nêgep, mra văch tât, djôt leo ndơ ƀư brah gŭch jêh ri lĕ ndơ ƀư brah, ndơ ƀư brah rnih môi jêh ri ndơ ƀâu kah, ndrel ndơ ƀư brah tâm rnê lah ueh, tât ma ngih Brah Yêhôva.

Yêrêmi 22:21

Gâp hŏ ngơi jêh ma may dôl nôk geh nau mpăn rlêk, Ƀiălah may lah: ‘Gâp mâu ŭch gŭ iăt ôh.’ Ntơm bơh jê̆, nau rêh jêng may hŏ nâm bu pônây, May mâu mâp tông bâr ma Gâp ôh.

Yêrêmi 32:44

Bu mra rvăt mir ma prăk, nchih samƀŭt tăch, tâp pŏng tay, jă bunuyh nơm gĭt nanê̆ tâm bri Benjamin, jêh ri tâm ntŭk văr jŭm ƀon Yêrusalem, tâm lĕ rngôch ƀon n'gor Yuđa jêh ri tâm lĕ ƀon klơ yôk, n'gor Sêphêla jêh ri n'gor Nêgep. Yorlah Gâp mra ăn phung jêng bu nă plơ̆ sĭt tay đŏng.’” Yêhôva lah pônây.

Yêrêmi 33:13

Tâm lĕ rngôch ƀon bri klơ dor, lĕ rngôch ƀon gŭ ta bri Sêphêla jêh ri Nêgep, tâm bri Benjamin, tâm lĕ ƀon gŭ jŭm Yêrusalem jêh ri tâm lĕ rngôch ƀon n'gor Yuđa, đơ phung biăp mra hăn rgăn tâm dâng ti bunuyh kơp,’ Brah Yêhôva lah pônây.

Yêrêmi 44:4

Nđâp lah Gâp hŏ prơh hăn ƀaƀơ jêh ma lĕ rngôch phung oh mon Gâp, nây jêng phung nơm mbơh lor, tât lah ma khân may pô aơ: ‘Vơ, lơi ta ƀư ôh nau ƀơ̆ bơch Gâp tâm rmot nây!’

Yêrêmi 7:23

Ƀiălah aơ jêng nau ntăm Gâp hŏ mbơh ăn khân păng: ‘Iăt hom nau Gâp pôri Gâp mra ƀư Brah Ndu khân may jêh ri khân may mra ƀư phung ƀon lan Gâp. Nhuat tĭng hom lĕ trong Gâp nti, ma khân may, gay khân may geh nau ueh maak.’

Yêrêmi 7:5

Yorlah tơlah khân may rgâl ngăn trong jêh ri nau khân may ƀư, tơlah nanê̆ khân may gŭ ngao ndrăng nơm ma nau sŏng,

Sakari 7:12

Khân păng ƀư ăn nuih n'hâm jêng dăng nâm bu lŭ diamôn, gay mâu tăng nau vay jêh ri lĕ nau ngơi Brah Yêhôva ma phung tahan hŏ njuăl jêh ma Huêng Brah Păng ăn ma phung nơm mbơh lor kăl e ri. Yor nây Brah Yêhôva ma phung tahan geh nau ji nuih toyh ngăn.

Sakari 7:6

Lah khân may nhêt sa, mâu di bơh yor ma khân may nơm dĭng nhêt mâu lah sa?

Sakari 7:8

Jêh nây, geh nau Brah Yêhôva ngơi ma Y-Sakari:

Nau Vay Nkah Tay 34:3

n'gor Nêgep jêh ri neh lâng, jêng rlŭng Yêrikô, ƀon Tơm Sala, kŏ tât ta ƀon Sôar.