Sakari 5:4 - Nau Brah Ndu Ngơi 2023

⁴ Brah Yêhôva ma phung tahan lah: “Gâp mra ƀư ma ndrom samƀŭt aơ hăn, păng mra lăp tâm ngih phung ntŭng, jêh ri tâm ngih phung ton mƀruh ma amoh Gâp. Păng mra gŭ ta nklang ngih vâl nây jêh ri su ƀư rai ngih vâl nây, nđâp ma kađar jêh ri lŭ.”

Sakari 5:4 ပူးပေါင်းရင်းမြစ်များ

Ndrom Samƀŭt bơh Yôp 18:15

Phung mâu jêng ndơ păng mra gŭ tâm ngih bok păng nây; Bi ma lŭ mô ŭnh sui mbrach lam ntŭk păng gŭ.

Ndrom Samƀŭt bơh Yôp 20:26

Nau ngo klĕng prăp ma jay prăp drăp khlay păng; Ŭnh mâu yor kon bunuyh mra sa rvăn păng, Moh ndơ hôm klen tâm ngih bok păng mra ŭnh sa lĕ.

Ndrom Samƀŭt bơh Yôp 8:15

Bunuyh nây nsing ma ngih păng nơm, ƀiălah ngih nây mâu dơi nâp; Kuăn nâp ngih, ƀiălah ngih n'goh n'gơ.

Ndrom Samƀŭt bơh Yôp 8:22

Phung tâm rmot may geh nau bêk prêng ma păng dŭt hâu Jêh ri ngih bok phung mhĭk mra rai lôch.”

Nau Hôr 3:33

Nau Brah Yêhôva rak rtăp gŭ tâm ngih phung ƀai, Ƀiălah Păng ăn nau ueh uĭn ma ngih nơm sŏng srăng.

Êsai 24:6

Yor nây, nau rak rtăp sa rvăn neh, Phung ƀon lan klơ păng krêp nau tih. Yor nây phung gŭ tâm neh ŭnh sa, Knŏng hôm klen djê̆ bunuyh.

Yêrêmi 2:26

Nơm ntŭng prêng ngăn lah bu ban păng dôl ntŭng. Pôri ngih phung Israel, Nđâp ma kôranh hađăch, phung kôranh chiă uănh, Phung kôranh ƀư brah, lĕ phung nơm mbơh lor, ăt prêng ngăn nâm bu pônây.

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Ndrom Samƀŭt bơh Ôsê 4:3

Yor nây, bri dak mra klâng ndrê; Lĕ rngôch bunuyh huănh huơi da dê, Nđâp ma mpô mpa bri jêh ri sĭm klơ trôk tâm ban lĕ; Lĕ phung ka tâm dak mƀŭt ăt mâu hôm.

Amôt 3:10

Brah Yêhôva lah: “Khân păng mâu gĭt ƀư nau sŏng ôh; Khân păng bun bêng drăp ndơ mhĭk ƀai jêh ri ƀư nau ntŭng tâm lĕ pôih toyh khân păng.”

Sakari 5:3

Tông mpăr lah ma gâp: “Nây jêng nau rak rtăp lam bri neh. Mbu moh ntŭng bu mra ƀư rai tĭng nâm nau nchih mpeh du đah tâm samƀŭt aơ; jêh ri mbu moh ton mƀruh bu mra ƀư rai lơi tĭng nâm nau nchih đah ri tâm ndrom samƀŭt aơ.”

Sakari 8:17

lơi ta mĭn nau mhĭk tâm nuih n'hâm ŭch ƀư djơh ndrăng khân may nơm; jêh ri lơi ta rŏng nau ton mƀruh ôh, yorlah Gâp tâm rmot ma lĕ rngôch nau nây.” Brah Yêhôva lah kơt nây.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Nau Vay Nkah Tay 28:16

Khân may mra geh nau rak rtăp tâm ƀon tâm ban ma tâm mir đŏng.

Nau Vay Nkah Tay 7:26

Lơi djôt ôh ndơ tâm rmot nây nglăp tâm ngih khân may yorlah khân may mra geh nau rak rtăp nâm bu ndơ nây. Ăn khân may ƀơ̆ ƀơch jêh ri tâm rmot ngăn ma ndơ nây, yorlah ndơ nây jêng nau rai lôch lĕ.”

Yôsuê 9:20

Ăn he ƀư ma khân păng kơt aơ: Ăn ma khân păng gŭ rêh, klach lah Brah Yêhôva ji nuih tât ma he yor nau he ton săk jêh ma khân păng.”