Sakari 2:6 - Nau Brah Ndu Ngơi 2023

⁶ Brah Yêhôva lah: “Hơi, hơi! Du hom tă bơh bri mpeh pa lơ, yorlah Gâp hŏ srih khân may pru pra nâm bu puăn njônh sial tâm trôk.” Brah Yêhôva lah.

Sakari 2:6 ပူးပေါင်းရင်းမြစ်များ

Nau Ntơm 19:17

Lah bar hê phung tông mpăr hŏ njŭn jêh khân păng luh padih, tâm bar hê khân păng geh du huê ngơi: “Nchuăt du hom gay rklaih nau rêh khân may, lơi dĭng uănh ôh pakơi jêh ri mâu đŏng dơi nsrŭng ta ăp ntŭk tâm neh lâng! Nchuăt hom hao klơ yôk klach lah khân may mra khĭt!”

Nau Mprơ Ơm 44:2

May sŏk ti May nơm mprơh du phung mpôl băl bunuyh, Ƀiălah ăn phung chô yau hên gŭ ta nây; May ăn ma phung mpôl băl bunuyh rai lêk, Ƀiălah ăn ma phung chô yau hên jêng ndrŏng.

Êsai 48:20

Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Êsai 55:1

“Ơ, ăp nơm ji hir, Văch hom ta tu dak! Mbu nơm mâu geh prăk ôh, Rvăt hom jêh ri sa! Văch rvăt hom ndrănh jêh ri dak toh ndrôk Mâu ŭch ma prăk, mâu kêh rnoh ôh.

Yêrêmi 1:14

Brah Yêhôva lah: “nau mhĭk bơh mpeh pa lơ mra tât klơ lĕ rngôch phung ƀon lan gŭ tâm n'gor nây.

Yêrêmi 15:4

Gâp mra njêng khân păng jêng nau klach krit ăn ăp bri hađăch ta neh ntu yorlah lĕ ndơ Manasê, kon bu klâu Y-Hêsêkia, hađăch Yuđa, hŏ ƀư ntŭk ƀon Yêrusalem.

Yêrêmi 3:18

Tâm nar nây, ngih Yuđa mra hăn ndrel ma ngih Israel, jêh nây khân păng mra nsum ndrel luh bơh neh mpeh pa lơ, plơ̆ sĭt ma n'gor Gâp hŏ ăn ma phung chô yau khân may ƀư drăp ndơn.

Yêrêmi 31:10

Ơ lĕ bri dak, iăt hom nau Brah Yêhôva; Mbơh hom nau Păng tât ma lĕ gôl dak mƀŭt ngai ngăn! Ngơi hom, ‘Nơm ƀư nchah rai pru pra phung Israel mra tâm rgum tay khân păng, Gak njrăng khân păng nâm bu rmăk biăp gak njrăng phung biăp.’

Yêrêmi 31:38

Brah Yêhôva lah: “Aơ, lĕ nar mra tât, lah ƀon dơi ndâk tay ăn ma Brah Yêhôva, ntơm bơh ngih tŭm Hananel tât Mpông Pêr Njônh.

Yêrêmi 31:8

Aơ, Gâp mra njŭn khân păng sĭt bơh bri mpeh pa lơ, Rgum tâm rƀŭn khân păng bơh nglĕ dŭt rplay neh. Ta nklang khân păng mra geh nơm chieh măt, nơm rvĕn, Phung bu ur ntreo jêh ri bu ur veng deh, Jêng du phung âk ngăn ngên mra sĭt ta aơ.

Yêrêmi 50:8

Du hom tă bơh Babilôn, du luh hom bơh bri Kaldê, hăn hom panăp nâm bu be nkuăng hăn leo mpôl!

Yêrêmi 51:45

Ơ phung ƀon lan Gâp, luh du hom tă bơh păng, Ăp nơm ăn tâm rklaih êng păng nơm Klaih tă bơh nau Brah Yêhôva duh nuih!

Yêrêmi 51:50

Phung khân may jêng phung hŏ klaih jêh bơh mpiăt đao, Hăn hom, lơi ta nsrŭng ôh! Tă bơh bri ngai, kah gĭt hom ma Brah Yêhôva Jêh ri klâng rvê hom ma Yêrusalem!

Yêrêmi 51:6

Du hom tă bơh Babilôn, Ăn ăp nơm nchuăt du tâm rklaih nau rêh păng! Lơi ta rai yot ôh yor ma nau tih păng, Yorlah aơ jêng rnôk Yêhôva plơng bôk; Păng mra plơng bôk tâm di jêh ăn ma păng.

Êsêkiêl 11:16

Yor nây, lah hom ma khân păng: ‘Kôranh Brah Yêhôva lah: Nđâp tơlah Gâp hŏ mprơh jêh khân păng ngai ta nklang phung băl mpôl bunuyh êng, hŏ ƀư chah rai khân păng tâm âk bri dak, Gâp ăt jêng ntŭk kloh ueh ma khân păng tâm du năng nar ta lĕ bri dak khân păng hăn tât.’

Êsêkiêl 17:21

Lĕ rngôch phung tahan păng nchuăt du mra chôt khĭt tâm dâng đao; phung hôm e klen mra chah-rai pru pra du tĭng lĕ rngôch rlong sial. Rnôk nây, khân may mra gĭt Gâp nơm, jêng Brah Yêhôva lah jêh pônây.’

Êsêkiêl 5:10

Yor ri, tâm nklang may, mbơ̆ mra sa puăch kon, kon mra sa puăch mbơ̆. Gâp mra ƀư ăn nau phat dôih tât ta may, jêh ri Gâp mra ƀư lĕ rngôch phung bunuyh may hôm e klen ăn păng nchah rai pru pra tĭng ăp mpeh sial.’”

Êsêkiêl 5:12

Du kô̆ tâm pe tâm phung ƀon lan may mra khĭt ma nau ji tưp, mra djoh jêh ma nau ât ji ngot ta nklang may; du kô̆ tâm pe mra khĭt ma đao gŭ jŭm may; bi du kô̆ tâm pe đŏng Gâp mra ƀư nchah rai pru pra tĭng ăp mpeh sial jêh ri Gâp tŏk đao hăn tĭng khân păng.

Daniel 11:4

Ƀiălah tơlah hađăch nây hŏ nâp jêh pôri ƀon bri hađăch păng mra nchah rai jêh ri tâm pă mpeh puăn njônh sial tâm trôk, ƀiălah mâu dơi nkoch tay ma phung kon sau păng ôh, mâu lĕ di dŏng nau dơi ntơm saơm gay ma chiă uănh đŏng ôh. Ƀon bri hađăch păng mra rôk lĕ jêh ri ăn ma phung êng mâu di noi deh păng ôh.

Amôt 9:9

“Yorlah aơ, Gâp mra ntĭnh jêh ri mra ƀư nchah rai ngih Israel ta nklang lĕ rngôch mpôl băl bunuyh Nâm bu nsiăng ba ƀlê tâm dông Ƀiălah mâu geh du găr jê̆ mra tŭp ôh ta neh.

Sakari 1:16

Yor nây, Brah Yêhôva lah: ‘Gâp mra plơ̆ yô̆ đŏng ma ƀon Yêrusalem. Ngih brah Gâp mra ndâk tay ta ntŭk nĕ, jêh ri rse veh di rnhuan mra nthăng tâm ƀon Yêrusalem.’ Brah Yêhôva ma phung tahan lah.

Sakari 2:7

“Hơi ƀon Siôn, phung hôm gŭ rêh ta Babilôn, du hom!”

Mathay 24:31

Păng mra njuăl phung tông mpăr Păng uh nŭng nteh ktang tâm rgum phung Păng hŏ săch jêh lam puăn njônh, ntơm bơh jâng trôk aơ tât ta jâng trôk ri.

Markôs 13:27

Păng mra njuăl phung tông mpăr tâm rgum phung Păng hŏ săch jêh lam puăn njônh, ntơm bơh bôl trôk tât ma bôl dŭt neh.

Nau Vay Nkah Tay 28:64

Brah Yêhôva mra ăn khân may chah rai ta nklang lĕ rngôch phung ƀon lan, ntơm bơh dŭt bri neh đah aơ ma dŭt bri neh đah ri. Ta nây, khân may mra pah kan ma phung brah êng ƀư ma si, ƀư ma lŭ, lĕ khân may nđâp phung chô yau khân may mâu hŏ mâp gĭt ôh.

Nau Tâm Mpơl 18:4

Jêh nây gâp tăng du bâr êng tă bơh trôk, lah pô aơ: “Hơi phung ƀon lan Gâp, luh hom bơh ƀon Babilôn! Klach lah khân may hăn lăp nau tih ndrel ma păng, Jêh ri khân may dơn nau rêh ni ndrel ma păng:

Bu ur Rut 4:1

Y-Bôas hăn tât ma mpông ƀon jêh ri gŭ ta nây. Aƀaơ, nơm geh nau dơi chuai drăp ndơn, nơm Y-Bôas hŏ lah jêh mhe hăn rgăn ta nây. Y-Bôas lah: “Hơi mĭt jiăng, veh gŭ hom ta aơ.”