Sakari 14:21 - Nau Brah Ndu Ngơi 2023

²¹ Lĕ rngôch glah tâm ƀon Yêrusalem jêh ri tâm n'gor Yuđa mra jêng ndơ kloh ueh prăp ăn ma Brah Yêhôva ma phung tahan. Gay ma mbu nơm nhhơr ndơ ƀư brah dơi văch, sŏk glah gâm. Tâm nar nây, mâu hôm geh bunuyh Kanaan ôh tâm ngih Brah Yêhôva ma phung tahan.

Sakari 14:21 ပူးပေါင်းရင်းမြစ်များ

Nêhêmi 8:10

Y-Nêhêmi lah ma khân păng: “Hăn hom sa ndơ rmŏng-ngi, nhêt dak njŭng jêh ri njuăl du kô̆ ndơ nây ma nơm bu mâu geh nkra ôh; yorlah nar aơ jêng nar prăp êng kloh ueh ma Kôranh Brah he. Lơi ta rngot klâng ôh, yorlah nau răm maak bơh Brah Yêhôva jêng nau ktang khân may.”

Êsai 35:8

Ta nây, mra geh du trong toyh, Bu rnha păng jêng Trong Kloh Ueh. Phung ƀơ̆ ƀơch mâu mra hăn ta nây ôh, Ƀiălah păng prăp ma phung geh nau chuai. Mbu nơm hăn ta trong nây Nđâp tơlah rluk mâl ăt mâu vĭ nhhơt ôh.

Êsai 4:3

Phung hôm e klen gŭ tâm ƀon Siôn, phung hôm e klen gŭ tâm ƀon Yêrusalem mra dơi rnha jêng phung kloh ueh. Ăp nơm bu nchih prăp jêh tâm ndrom samƀŭt ma phung rêh tâm ƀon Yêrusalem.

Êsai 52:1

Ơ ƀon Siôn, kah rngăl hom, Kah rngăl hom, nsoh hom nau ktang may! Ơ Yêrusalem, ƀon kloh ueh, Nsoh hom bok ao ueh may! Yorlah phung mâu koh ntâu jêh ri phung ƀơ̆ ƀơch Mâu mra hôm lăp tâm may ôh.

Êsêkiêl 44:9

Kôranh Brah Yêhôva lah: ‘Mâu geh du huê bu năch mâu koh ntâu tâm nuih n'hâm jêh ri tâm săk jăn dơi lăp ntŭk kloh ueh Gâp. Rlau ma nĕ du huê phung bu năch gŭ ta nklang phung ƀon lan Israel ăt mâu dơi lăp ôh ta nây.

Êsêkiêl 45:1

“Tơlah khân may tâm nchroh gay tâm pă n'gor ƀư drăp ndơn, ăn khân may sŏk lor du kô̆ nhhơr ma Brah Yêhôva; nây jêng du kô̆ neh kloh ueh. Păng geh bar jât rbăn prăm rhiăng met jong jêh ri nau dĭ rkăng jêng prăm met. Lĕ rngôch nkual mra jêng kloh ueh.

Ndrom Samƀŭt bơh Ôsê 12:7

Pôri may plơ̆ sĭt hom ma Brah Ndu may; Prăp nuih n'hâm ueh jêh ri nau sŏng, Jêh ri gŭ kâp gân mro mrăng ma Brah Ndu may.”

Yôel 3:17

“Rnôk nây, khân may mra gĭt Gâp jêng Yêhôva Brah Ndu khân may, Nơm gŭ ta Siôn, jêng yôk kloh ueh Gâp. Yêrusalem mra jêng ƀon kloh ueh Jêh ri phung bu năch mâu mra hôm pit in păng đŏng ôh.”

Sôphôni 1:11

Hơi phung gŭ tâm Ƀon Tâm Dâng, nhĭm nter hom! Yorlah lĕ rngôch phung tăch rgâl mâu hôm đŏng ôh, Jêh ri phung njing prăk lĕ rai yot jêh.

Sakari 14:20

Ta nar nây mra geh nau nchih ta nteng neng seh: “KLOH UEH MA BRAH YÊHÔVA!” Lĕ glah tâm ngih Brah Yêhôva mra tâm ban ma ngan ta klơ nơng ƀư brah.

Sakari 7:6

Lah khân may nhêt sa, mâu di bơh yor ma khân may nơm dĭng nhêt mâu lah sa?

I Kôrintô 10:31

Pôri, khân may sông sa mâu lah nhêt, mâu lah ƀư moh nau kan êng, ƀư hom lĕ rngôch yor ma nau chrêk rmah Brah Ndu.

Nau Vay Nkah Tay 12:12

Khân may mra hâk răm tanăp măt Yêhôva Brah Ndu nđâp ma phung kon bu klâu, phung kon bu ur, phung kơl kan bu klâu, phung kơl kan bu ur khân may, jêh ri nđâp ma phung Lêvi gŭ tâm ƀon toyh khân may, yorlah khân păng bu mâu geh ôh mâu lah dơn drăp ndơn ndrel ma khân may.

Nau Vay Nkah Tay 12:7

Ta nây, tanăp muh măt Yêhôva Brah Ndu, khân may mra nhêt sa nđâp ma phung tâm vâl khân may jêh ri hâk răm ma lĕ rngôch kan ti khân may nơm ƀư, yor Yêhôva Brah Ndu hŏ ăn jêh nau ueh uĭn ma khân may.

I Timôthê 3:15

gay tơlah gâp băt tât, pô ri may gĭt đŏng nau gŭ ngao tâm ngih Brah Ndu, jêng Phung Ngih Brah Ndu rêh, ntur jêh ri meh ma nau ngăn.

ហេឞ្រើ 3:6

Ƀiălah Brah Krist gŭ răp jăp tâm ban ma kon bu klâu mât uănh ma ngih Brah Ndu. He jêng ngih ma Păng, knŏng tơlah he djôt nâp nau rnơm nsing jêh ri tâm rnê êng tâm nau he kâp gân kŏ tât nglĕ dŭt.

I Pêtrôs 4:17

Yorlah tâm rnôk phat dôih hŏ tât jêh, ntơm bơh ngih Brah Ndu; tơlah păng ntơm bơh phung he, moh mra jêng nau dăch dŭt ma phung mâu tông Nau Mhe Mhan Ueh Brah Ndu?

Nau Tâm Mpơl 21:27

Lĕ rngôch phung ƀơ̆ ƀơch, nơm ƀư nau mưch rmot, nơm ngơi mƀruh mâu dơi lăp ƀon ôh, knŏng phung geh amoh nchih jêh tâm ndrom samƀŭt nau rêh Kon Biăp.

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.