Sakari 14:20 - Nau Brah Ndu Ngơi 2023

²⁰ Ta nar nây mra geh nau nchih ta nteng neng seh: “KLOH UEH MA BRAH YÊHÔVA!” Lĕ glah tâm ngih Brah Yêhôva mra tâm ban ma ngan ta klơ nơng ƀư brah.

Sakari 14:20 ပူးပေါင်းရင်းမြစ်များ

I Phung Hađăch 7:50

lĕ ngan grưng, katrei nkăp brai ŭnh kađen, khăl, ngan pala dơm buh jêh ri ngan pala dơm ônh rnga ƀư ma mah chrêk da dê; lĕ lăk-lê khan mpông lăp tâm trôm dŭt ngih brah, jêng Ntŭk Dŭt Kloh Ueh, jêh ri mpông luh lăp ngih brah ƀư đŏng ma mah da dê.

II Nau Rêh Jêng 4:8

Păng ƀư đŏng jât mlâm sưng dơm tâm ngih brah: prăm mlâm pa ma jêh ri prăm mlâm pa chiau. Păng ƀư đŏng du rhiăng mlâm ngan grưng ma mah.

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Ngluh Êjipt 25:29

Ăn may sŏk đŏng mah chrêk gay ƀư ngan pala, ngan jam gay nhhơr ndơ ƀâu kah, jêh ri yăng, khăl gay ƀư ndơ nhhơr nhêt.

Nau Ngluh Êjipt 37:16

Păng sŏk đŏng mah chrêk gay ƀư lĕ ndơ dŏng dơm ta klơ sưng nâm bu: ngan pala, ngan jam, nhhơr ndơ ƀâu kah, yăng jêh ri khăl gay ƀư ndơ nhhơr nhêt.

Nau Ngluh Êjipt 39:30

Khân păng ƀư đŏng du pŏk jê̆ nâm bu rup đon hađăch kloh ueh ma mah chrêk, chrăk klơ nây lĕ rplay samƀŭt: “KLOH UEH MA BRAH YÊHÔVA” tâm ban ma bu chrăk ndơ tâp pŏng,

Êsai 23:18

Ƀiălah ndrăp kao jêh ri rnoh nkhôm păng mra prăp êng ma Brah Yêhôva, ntrok dônh bun nkrem. Yorlah drăp kao nây mra dơi prăp ma phung pah kan tanăp măt Brah Yêhôva, gay khân păng dơi sa rmeh ler jêh ri nsoh bok ao ueh.

Êsai 52:1

Ơ ƀon Siôn, kah rngăl hom, Kah rngăl hom, nsoh hom nau ktang may! Ơ Yêrusalem, ƀon kloh ueh, Nsoh hom bok ao ueh may! Yorlah phung mâu koh ntâu jêh ri phung ƀơ̆ ƀơch Mâu mra hôm lăp tâm may ôh.

Yêrêmi 31:40

Lĕ rlŭng tâp săk khĭt jêh ri ŭnh buh, lĕ rngôch mir ngai n'gŏ dak n'hor Kidrôn jêh ri tât ta njônh Mpông Pêr Seh mpeh pa luh nar, mra dơi prăp jêng ntŭk kloh ueh ma Brah Yêhôva da dê. Ƀon nây bu mâu mra kuyh lơi păng mâu lĕ ƀư rlâm n'ho ro đŏng ôh.”

Êsêkiêl 45:1

“Tơlah khân may tâm nchroh gay tâm pă n'gor ƀư drăp ndơn, ăn khân may sŏk lor du kô̆ nhhơr ma Brah Yêhôva; nây jêng du kô̆ neh kloh ueh. Păng geh bar jât rbăn prăm rhiăng met jong jêh ri nau dĭ rkăng jêng prăm met. Lĕ rngôch nkual mra jêng kloh ueh.

Kan Lêvi 6:28

Glah uk dŏng gâm puăch mpa ƀư brah mra mbang chah lơi; ƀiălah tơlah gâm ma glah kông, ăn bu kôr glah jêh ri rao ma dak ăn kloh.

Kan Lêvi 8:9

sâm ndô môk ta bôk, nkuăk pŏk jê̆ mah tanăp môk, jêng đon hađăch kloh ueh, tĭng nâm nau Brah Yêhôva hŏ ntăm jêh ma Y-Môis.

Apdia 1:17

Ƀiălah mra geh phung hôm klaih gŭ ta yôk Siôn; Yôk nây mra jêng kloh ueh Jêh ri ngih Yakôb mra dơn drăp ndơn khân păng nơm.

Sôphôni 2:11

Ma đah khân păng, Brah Yêhôva ma nau krit klach dŭt n'hâm, Yorlah Păng mra ƀư rai lĕ rngôch phung brah ta neh ntu, Jêh ri ăp nơm mra yơk mbah ma Păng tâm ntŭk păng nơm, Lĕ rngôch gôl dak mƀŭt ma lĕ bri dak tâm ban pônây lĕ.

Sakari 14:19

Nây jêng nau tâm rmal ma Êjipt jêh ri âk n'gor bri êng mra dơn, tơlah khân păng mâu hăn hao râng kah gĭt nau rƀŭn Ngih Ndưp.

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

Sakari 9:15

Brah Yêhôva ma phung tahan mra mât njrăng khân păng, Khân păng mra sa rvăn jêh ri jot lơi lĕ găr lŭ dŏng pănh na; Khân păng mra nhêt sa jêh ri ƀư drơu drơu nâm bu nhŭl ndrănh, Jêh ri mra bêng ler nâm bu tâm ngan rlŭ, Nâm bu ăp njônh nơng ƀư brah.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Nau Kơp Bunuyh 4:14

jêh nây khân păng mra dơm ta klơ ndơ nây lĕ rngôch ndơ dŏng ma nơng ƀư brah nâm khăl gŭch ƀâu kah, n'hoi srang, ndroh, khăl nđâp lah lĕ ndơ dŏng tât ma nơng ƀư brah. Khân păng nkŭm đŏng ta klơ nơng ƀư brah du ntâu ka toyh jêh ri nsro mâng tung lăp.

Nau Kơp Bunuyh 4:7

Khân păng ling đŏng du blah bok dak piâk ta klơ sưng piăng let nhhơr jêh ri dơm klơ sưng nây ngan jam, kachok, khăl toyh jêh ri glah dŏng ma ndơ nhhơr nhêt; bu dơm piăng let ta klơ sưng ƀaƀơ.

Nau Kơp Bunuyh 7:13

Ndơ nhhơr păng jêng du mlâm ngan jam prăk jâk du kilô n'gul, du mlâm ngan grưng jâk pham rhiăng gram, tĭng nâm sêkel tâm ntŭk kloh ueh; lĕ bar ndơ nây bêng ma rnih môi pach đah dak ngi dŏng ma ndơ ƀư brah rnih môi,

Nau Kơp Bunuyh 7:19

Păng nhhơr du ngan jam prăk jâk păng du kilô n'gul, du ngan grưng prăk jâk pham rhiăng gram tĭng nâm sêkel tâm ntŭk kloh ueh, lĕ bar ndơ nây bêng ma rnih môi pach dak ngi dŏng ma ndơ ƀư brah rnih môi;

Luka 11:41

Ƀiălah mpơl hom nuih n'hâm tâm kơl moh ndơ may geh, pôri lĕ rngôch ndơ mra jêng kloh rsang ma khân may.

Kôranh Oh Mon 10:15

Bâr ngơi nây lah tay ma păng rơh bar pô aơ: “Moh mpa ndơ Brah Ndu ƀư kloh jêh, lơi uănh păng ƀơ̆ ôh.”

Kôranh Oh Mon 10:28

Păng lah ma phung nây: “Khân may gĭt phung Yuđa mâu dơi vay ôh tâm rnglăp đah phung bu năch mâu lah lăp ngih păng; ƀiălah Brah Ndu hŏ tâm mpơl ma gâp jêh, lơi ăn uănh du huê bunuyh ƀơ̆ ƀơch mâu lah mâu kloh.

Kôranh Oh Mon 11:9

Ƀiălah bâr ngơi tă bơh trôk lah ma gâp tal bar: ‘Moh ndơ Brah Ndu ƀư kloh jêh, lơi may uănh păng ƀơ̆ ôh.’

Kôranh Oh Mon 15:9

Păng mâu tâm nkhah phung he đah phung bu năch jêng êng êng ôh, ƀiălah Păng ƀư kloh nuih n'hâm khân păng ma nau chroh.

Kôlôh 3:17

Ăp ntil nau khân may ngơi mâu lah ƀư, ƀư hom lĕ rngôch nau tâm amoh Kôranh Brah jêng Brah Yêsu, yor tă Păng he lah ueh Brah Ndu, jêng Brah Ndu Mbơ̆.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.

Nau Tâm Mpơl 1:6

jêh ri ƀư ma he plơ̆ jêng ƀon bri hađăch, plơ̆ jêng phung kôranh ƀư brah ma Brah Ndu, Mbơ̆ Păng, khư geh nau tâm rnê jêh ri nau dơi n'ho ro! Amen.

Nau Tâm Mpơl 20:6

Ueh maak ngăn jêh ri kloh ueh ngăn jêng phung geh kô̆ tâm nau dâk rêh tay tal nguay! Nau khĭt rơh bar mâu geh nau dơi đah khân păng ôh, ƀiălah khân păng mra jêng kôranh ƀư brah ma Brah Ndu jêh ri ma Brah Krist; khân păng mra chiă uănh ndrel ma Păng tâm du rbăn năm.

Nau Tâm Mpơl 5:10

Jêh ri ƀư ma khân păng plơ̆ jêng ƀon bri hađăch jêh ri kôranh ƀư brah ma Brah Ndu he, Jêh ri khân păng mra chiă uănh ta neh ntu.”

I Samuel 2:14

ntâp sôr tâm glah thaih mâu lah glah ƀŭng, glah uk, mâu lah glah ƀai jê̆. Moh glo krêp ta n'hoi nchraih pe, phung kôranh ƀư brah mra sŏk ma khân păng nơm. Nĕ jêng nau khân păng ƀư jêh ta Silô ma lĕ rngôch phung Israel văch ta nây.