Sakari 14:17 - Nau Brah Ndu Ngơi 2023

¹⁷ Tâm lĕ phung mpôl băl bunuyh ta neh ntu, mbu nơm phung mâu văch tât ôh ma ƀon Yêrusalem gay yơk mbah panăp măt Hađăch, jêng Brah Yêhôva ma phung tahan, pôri mâu mra geh ôh dak mih ma khân păng.

Sakari 14:17 ပူးပေါင်းရင်းမြစ်များ

Nau Ntơm 10:32

Ta klơ aơ jêng lĕ ndŭl mpôl bơh pe nuyh phung kon bu klâu Y-Nôê, dăp tĭng nôk rô̆, tĭng phung ƀon lan khân păng. Tă bơh khân păng dĭng phung mpôl bunuyh nchah gŭ lam ntŭk tâm neh ntu jêh dak lêng.

Nau Ntơm 12:3

Gâp mra ăn nau ueh uĭn ma mbu nơm ăn nau ueh uĭn ma may, Rak rtăp ma mbu nơm rtăp rak may; Lĕ rngôch mpôl băl bunuyh klơ rplay neh Mra yor tă bơh may geh nau ueh uĭn.”

Nau Ntơm 28:14

Noi deh may mra âk tâm ban ma ndruyh neh, gŭ lam luh nar, nhâp nar, pa dâng, pa lơ, jêh ri lĕ rngôch phung mpôl băl bunuyh tâm neh ntu mra geh nau ueh uĭn yor bơh may jêh ri yor bơh noi deh may.

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 8:35

Tơlah lĕ ndâr trôk nchăng nâp, mâu geh dak mih ôh yorlah khân păng ƀư tih jêh đah May, tơlah khân păng rle mpeh ta ntŭk aơ gay mbơh sơm, jêh ri mbơh nau khân păng chroh ma amoh May, chalơi nau tih khân păng nơm, yorlah May hŏ phat dôih jêh khân păng,

II Nau Rêh Jêng 6:26

Tơlah lĕ ndâr trôk nchăng nâp, mâu geh dak mih ôh, yorlah phung ƀon lan Israel ƀư tih jêh đah May, tơlah jêh May hŏ phat dôih jêh khân păng, khân păng rle mpeh ta ntŭk aơ gay mbơh sơm, gĭt năl ma amoh Kôranh Brah jêh ri chalơi nau tih khân păng,

II Nau Rêh Jêng 7:13

Tơlah Gâp nchăng lĕ ndâr trôk, mâu ăn tŭp mih; nôk Gâp ntăm ma krah ndrach ƀư rai ndơ tuch tăm; jêh ri nôk Gâp njuăl nau ji kuet tâm phung ƀon lan Gâp;

Êsai 18:7

Tâm rnôk nây, phung ƀon lan jong jêh ri ntâu pler, jêng phung bunuyh bu klach, nđâp lah gŭ êp mâu lah ngai, du bri dak ktang jêh ri vay tŭn jot, bri dak geh âk dak krong nkhah, khân păng yơh mra njŭn ndơ nhhơr ma Brah Yêhôva ma phung tahan, ta ntŭk prăp ma amoh Brah Yêhôva ma phung tahan gŭ, jêng yôk Siôn.

Êsai 45:23

Gâp hŏ tâm amoh Gâp nơm ton Nau ngơi sŏng srăng luh jêh bơh bâr mbung Gâp Mâu mra plơ̆ sĭt ôh; Lĕ rngôch kômâk mra chon mon tanăp Gâp, Jêh ri lĕ rngôch mpiăt mra ton săk tâm amoh Gâp.

Êsai 5:6

Gâp mra ƀư ăn păng jêng rngot njăp, Mâu koh n'gĭng, mâu đŏng brôi tơm; Rtau lok jêh ri pih pŭm mra chăt hon ta nây. Gâp ntăm đŏng ma tŭk Mâu hôm ăn dak mih ma păng ôh.”

Êsai 60:12

Yorlah mbu ndŭl mpôl jêh ri ƀon bri hađăch Mâu ŭch tông bâr ma may mra rai lôch; Bu mra ƀư rai lơi phung ndŭl mpôl nây lĕ ƀhiau.

Yêrêmi 10:25

Dăn May nkhŭt nau ji nuih ta klơ lĕ bri dak mâu gĭt năl May, Jêh ri ta klơ lĕ ndŭl mpôl mâu kuăl amoh May. Yorlah khân păng hŏ rvăn Y-Yakôb, Jêh ri hôm rvăn đŏng; Khân păng ƀư rai lĕ Y-Yakôb, Ƀư ăn ntŭk gŭ păng jêng rngot njăp.

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 14:3

Phung ndrŏng prơh phung oh mon hăn joi dak; Khân păng hăn tât nglao, Ƀiălah mâu saơ dak ôh, Djôt yăng dơm plơ̆ sĭt; Khân păng prêng, rŭng răng, Nkŭm lơi bôk.

Yêrêmi 14:4

Klơ neh đang jêh, Yorlah mâu geh dak mih tŭp ta neh, Lĕ phung ƀư mir bêk prêng, Nkŭm lơi bôk.

Amôt 3:2

Gâp knŏng gĭt khân may dơm Tâm lĕ rngôch phung băl mpôl bunuyh ta neh ntu; Yor nây, Gâp mra tâm rmal khân may Yor lĕ nau kue khân may.

Sakari 14:16

Jêh nây, lĕ rngôch phung hôm klen tâm lĕ bri dak tă lơh jêh ƀon Yêrusalem mra hăn hao ta nây ăp năm gay yơk mbah panăp măt Hađăch jêng Brah Yêhôva ma phung tahan, jêh ri văch râng kah gĭt nau rƀŭn Ngih Ndưp.

Sakari 14:9

Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Nau Vay Nkah Tay 11:17

ƀư ma Yêhôva ji nuih ma khân may, jêh nây Păng nchăng lĕ ndâr trôk gay mâu ăn ôh geh dak mih, neh mâu geh kao play ôh, jêh ri khân may mra rai lôch ro bơh n'gor ueh Brah Yêhôva ăn ma khân may.

Yakơ 5:17

Êli jêng bunuyh rdja tâm ban ma he. Păng mbơh sơm dăn gay ma trôk mâu hôm mih jêh ri mâu hôm geh dak mih ôh ta neh ntu dôl tâm pe năm n'gul.

Nau Tâm Mpơl 11:6

Khân păng geh nau dơi nchăng trôk, gay ma mâu geh mih tâm lĕ nar nây khân păng ngơi nau mbơh lor; khân păng geh đŏng nau dơi tâm dak gay rgâl dak jêng mham, jêh ri sŏk ăp ntil nau rêh ni ƀư nau mhĭk ma neh ntu ăp tơ̆ khân păng ŭch.