Sakari 14:16 - Nau Brah Ndu Ngơi 2023

¹⁶ Jêh nây, lĕ rngôch phung hôm klen tâm lĕ bri dak tă lơh jêh ƀon Yêrusalem mra hăn hao ta nây ăp năm gay yơk mbah panăp măt Hađăch jêng Brah Yêhôva ma phung tahan, jêh ri văch râng kah gĭt nau rƀŭn Ngih Ndưp.

Sakari 14:16 ပူးပေါင်းရင်းမြစ်များ

II Nau Rêh Jêng 8:13

hađăch nhhơr di nâm nau vay ntăm bơh Y-Môis ntĭnh ma nau kan nhhơr ndơ ƀư brah tâm lĕ nar saƀat, nar khay mhe, jêh ri pe nar nau ƀŭn toyh tâm ăp năm jêng nau rƀŭn Piăng Let Mâu Geh Ndrui, nau rƀŭn Lĕ Pơh jêh ri nau rƀŭn Ngih Ndưp.

Êsra 3:4

Khân păng mât đŏng nau rƀŭn Ngih Ndưp, tĭng nâm nau hŏ nchih, jêh ri nhhơr lĕ ndơ ƀư brah gŭch ăp nar, tĭng nâm rnoh hŏ dăp jêh tâm di ăp nar.

Nau Mprơ Ơm 66:4

Lĕ neh ntu mra yơk mbah ma May; Khân păng mprơ tâm rnê ma May, Khân păng mprơ tâm rnê ma amoh May.” (Sêla)

Êsai 18:7

Tâm rnôk nây, phung ƀon lan jong jêh ri ntâu pler, jêng phung bunuyh bu klach, nđâp lah gŭ êp mâu lah ngai, du bri dak ktang jêh ri vay tŭn jot, bri dak geh âk dak krong nkhah, khân păng yơh mra njŭn ndơ nhhơr ma Brah Yêhôva ma phung tahan, ta ntŭk prăp ma amoh Brah Yêhôva ma phung tahan gŭ, jêng yôk Siôn.

Êsai 19:21

Brah Yêhôva mra ƀư ma phung Êjipt gĭt năl Păng; jêh ri tâm nar nây, phung Êjipt mra gĭt năl Brah Yêhôva. Khân păng mra nhhơr mpa ƀư brah jêh ri ndơ ƀư brah gay yơk mbah ma Păng; khân păng mra ton ma Brah Yêhôva jêh ri ƀư nanê̆ ngăn nau nây.

Êsai 27:13

Tâm nar nây, bu mra uh nŭng toyh. Nôk nây, phung nhhơt jêh tâm bri Asiri jêh ri phung bu nsot jêh ta bri Êjipt mra văch yơk mbah ma Brah Yêhôva ta yôk kloh ueh ta ƀon Yêrusalem.

Êsai 6:5

Gâp kuăl huy ro: “Rêh ni ngăn ma gâp! Gâp khĭt roh! Yorlah gâp jêng bunuyh geh mpiăt ƀơ̆ ƀơch ta nklang gŭ rêh ta nklang du phung ƀon lan geh mpiăt ƀơ̆ ƀơch, yorlah măt gâp saơ jêh Hađăch, jêng Brah Yêhôva ma phung tahan!”

Êsai 66:23

Brah Yêhôva lah: “Bơh ăp khay mhe aơ tât ma khay mhe êng, Bơh ăp nar saƀat aơ tât ma saƀat ri Lĕ rngôch nglay săk mra văch gay yơk mbah tanăp Gâp.

Yêrêmi 46:18

Hađăch, amoh Păng jêng Brah Yêhôva ma phung tahan, lah: “Tĭng nâm Gâp gŭ rêh mro mrăng, Nơm rlăng mra tât Nâm bu yôk Tabor ta nklang ma lĕ gôl yôk êng, Nâm bu yôk Karmel ntoh tâm dak mƀŭt.

Yêrêmi 48:15

Bu ƀư rai Môap, pit in lĕ rngôch ƀon toyh, Phung bu klâu ndăm blau ueh ngăn lĕ bu nkhĭt,” Hađăch, amoh Păng jêng Brah Yêhôva ma phung tahan, lah pônây.

Yêrêmi 51:57

Hađăch, amoh Păng jêng Brah Yêhôva ma phung tahan lah: Gâp mra ƀư ma phung kôranh, phung blau mĭn, Phung kôranh toyh, phung kôranh chiă uănh, jêh ri phung tahan ktang păng nhŭl ndrănh, Khân păng mra lêt bê̆ch mro, Mâu hôm kah rngăl ôh.”

Ndrom Samƀŭt bơh Ôsê 12:9

Êphraim lah jêh: “Nanê̆ ngăn, gâp hŏ ndrŏng jêh; Gâp hŏ geh âk drăp ndơ ăn ma gâp nơm. Tâm lĕ rngôch kan gâp ƀư Mâu dơi saơ ôh du ntil nau kan mhĭk gay kơp jêng nau tih.”

Yôel 2:32

Rnôk nây, mbu nơm kuăl dăn amoh Brah Yêhôva mra dơi rklaih da dê Yorlah tĭng nau Brah Yêhôva, Ta klơ yôk Siôn jêh ri tâm ƀon Yêrusalem Mra geh bunuyh dơi tâm rklaih; Jêh ri tâm phung hôm e rêh klen, Mra dơi geh bunuyh Brah Yêhôva kuăl.

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Sakari 14:9

Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Sakari 9:7

Gâp mra jut kloh mham tă bơh trôm mbung păng, Jêh ri sŏk lĕ ndơ sa ƀơ̆ ƀơch luh bơh sêk păng; Păng mra nâm bu phung ƀon lan hôm klen ma Brah Ndu he Jêh ri mra jêng nâm bu du huê kôranh tâm noi deh Yuđa Bi phung Êkron mra jêng nâm bu phung Jêbusit.

Malachi 1:14

“Di ma nau rtăp rak ma nơm mƀruh nchơt! Tâm phung mpô mpa păng geh mpa nkuăng ueh nau păng ton jêh, ƀiălah păng nkhơng djôt leo mpô mpa kuet rvĕn jêng mpa ƀư brah nhhơr ăn ma Kôranh Brah!” Brah Yêhôva ma phung tahan lah: “Yorlah Gâp jêng nơm Hađăch Dŭt Toyh, amoh Gâp jêng khư ma nau klach ta nklang lĕ bri dak.”

Luka 19:38

Khân păng nter lah: “Tâm rnê ma Hađăch văch tâm amoh Kôranh Brah! Nau đăp mpăn gŭ ta klơ trôk, jêh ri nau chrêk rmah klơ ntŭk dŭt prêh!”

Yôhan 1:49

Y-Nathanel ơh: “Hơi Nơm Nti, May jêng Kon Brah Ndu! May jêng hađăch ma phung Israel!”

Yôhan 7:2

Rƀŭn Ngih Ndưp phung Yuđa hŏ dăch jêh.

Kôranh Oh Mon 15:17

Gay ma phung bunuyh hôm e, Jêh ri lĕ rngôch phung bu năch dơi kuăl tâm amoh Gâp, joi Kôranh Brah da dê. Kôranh Brah jêng Nơm hŏ ƀư lĕ nau nây, Păng lah tâm ban pônây.

Samƀŭt Pôl Njuăl Ăn Ma Phung Nsing Ta Ƀon Rôm 11:16

Tơlah kô̆ rnih lor lơn nhhơr jêng kloh ueh, lĕ rngôch mbŭch rnih jêng kloh ueh tâm ban lĕ; tơlah reh jêng kloh ueh, đơ n'gĭng păng kloh ueh tâm ban lĕ.

Samƀŭt Pôl Njuăl Ăn Ma Phung Nsing Ta Ƀon Rôm 11:26

Pôri lĕ rngôch phung Israel mra dơi rklaih, nâm bu geh nau nchih jêh: “Nơm Rklaih mra văch tă bơh Siôn, Sŏk lơi nau mâu chroh bơh ngih Y-Yakôp”;

Samƀŭt Pôl Njuăl Ăn Ma Phung Nsing Ta Ƀon Rôm 11:5

Nar aơ tâm ban lĕ, geh du kô̆ hôm e klen dơi săch yor ma nau yô̆.

Nau Tâm Mpơl 11:13

Nôk nây, geh du nau n'găr neh dŭt hâu ngăn; du kô̆ tâm jât ƀon toyh rlâm; pơh rbăn nuyh khĭt tâm nau n'găr neh ntu. Phung bunuyh hôm e klach krit da dê jêh ri nhhơr nau chrêk rmah ma Brah Ndu ta klơ trôk.

Nau Tâm Mpơl 19:16

Ta ao jêh ri ta tơm blu Păng geh nchih du amoh: HAĐĂCH MA PHUNG HAĐĂCH, KÔRANH BRAH MA PHUNG KÔRANH BRAH.