Sakari 14:12 - Nau Brah Ndu Ngơi 2023

¹² Aơ jêng nau rêh ni Brah Yêhôva ƀư gay phat dôih tâm rmal ma lĕ rngôch phung ƀon lan hăn tâm lơh đah Yêrusalem: Păng mra ƀư ma ăp nơm, dôl jâng khân păng hôm dâk nglay săk khân păng mra ôm, măt khân păng ôm tâm trôm ndăr măt, mpiăt khân păng ôm tâm trôm mbung păng.

Sakari 14:12 ပူးပေါင်းရင်းမြစ်များ

II Nau Rêh Jêng 21:15

Bi may nơm mra geh âk nau ji tâm proch khŭng, lơ nar lơ hâu glăm ngăn tât nôk proch khŭng may tăch grăl.’”

Ndrom Samƀŭt bơh Yôp 18:13

Nau ji ƀư ntâu mlay păng rgay ngăn, Kon bôk rah nau khĭt ƀư rai rvăn lĕ săk jăn păng.

Nau Mprơ Ơm 90:11

Mbu dơi gĭt nau ktang nau May ji nuih? Mbu dơi gĭt rbăng nau May ji nuih gay ntop nau klach yơk ma May?

Kan Lêvi 26:16

Gâp mra ƀư lĕ nau ma khân may: Gâp mra nkhŭt nau krit kir tât ma khân may, nau ji khô hiăn jêh ri nau ji kăt, ƀư vĭr măt khân may jêh ri ƀư rngot nuih n'hâm khân may. Khân may mra huăr srih ntil yorlah phung rlăng đah khân may mra sa lĕ ndơ nây.

Kan Lêvi 26:18

Tơlah tât kơt nây, ƀiălah khân may ăt mâu iăt đŏng nau Gâp, Gâp mra tâm rmal khân may pơh tơ̆ âk lơn yor nau tih khân may,

Kan Lêvi 26:21

Tơlah khân may hôm tâm rdâng đah Gâp jêh ri mâu ŭch iăt nau Gâp ôh, Gâp mra nkhŭt nau tât ji tưp pơh tơ̆ âk lơn ma khân may yor nau tih khân may.

Kan Lêvi 26:24

Gâp mra tâm rdâng đŏng đah khân may, Gâp nơm yơh mra nkhŭt nau tât ji tưp ma khân may pơh tơ̆ âk lơn yor nau tih khân may.

Kan Lêvi 26:28

pôri Gâp mra ji nuih gay tâm rdâng đah khân may, jêh ri Gâp mra rmal khân may pơh tơ̆ âk lơn yor nau tih khân may.

Sakari 1:15

Ƀiălah Gâp nuih ngăn phung mpôl bunuyh dôl gŭ đăp mpăn; yorlah Gâp knŏng ji nuih djê̆ dơm ma phung ƀon lan Gâp, ƀiălah khân păng hŏ ƀư ntop đŏng nau rêh ni.’

Sakari 12:9

“Tâm nar nây, Gâp mra joi gay ƀư rai lĕ rngôch phung ntil mpôl bunuyh văch tât tâm rdâng đah ƀon Yêrusalem.”

Sakari 14:15

Nau rêh ni nây kŏ tât đŏng ma phung seh, seh bri, seh samô, jêh ri lĕ rngôch mpô mpa tâm nkual tahan.

Sakari 14:18

Tơlah phung Êjipt mâu hăn hao ôh jêh ri mâu văch yơk mbah tât ta nây pôri dak mih mâu geh ôh ma khân păng, jêh ri khân păng mra dơn nau rêh ni bơh Brah Yêhôva hŏ ƀư gay tâm rmal lĕ bri dak mâu hăn hao râng kah gĭt prăp nau rƀŭn Ngih Ndưp.

Sakari 14:3

Nôk nây, Brah Yêhôva mra hăn tâm lơh đah lĕ rngôch bri dak nây, nâm bu Păng hŏ lơh jêh tâm rnôk tâm lơh.

Sakari 2:4

jêh ri lah ma păng: “Hăn nchuăt hom, ngơi lah đah bu klâu ndăm nây: ‘Yêrusalem mra jêng nâm bu ƀon mâu geh ôh mpêr ƀon jŭm, yor geh âk ngăn bunuyh jêh ri mpô mpa gŭ ta nklang păng.’

Kôranh Oh Mon 12:23

Ƀât lât, geh du huê tông mpăr Kôranh Brah dong hađăch Hêrôt yorlah hađăch mâu ăn nau chrêk rmah ma Brah Ndu. Hađăch khĭt yor ma rhai sa.

Nau Vay Nkah Tay 28:21

Brah Yêhôva mra ƀư ăn nau ji tưp krêp ta khân may kŏ tât păng ƀư rai lĕ khân may bơh n'gor khân may bơi pit sŏk.

Nau Vay Nkah Tay 28:22

Brah Yêhôva mra ƀư rêh ni khân may ma nau ji khô hiăn, nau ji kop, nau ji kren, nau duh ktang, nau prăng phang ƀư ma tơm si gơ̆ rêp klêu kro, luh o. Lĕ nau mhĭk nây mra tĭng khân may kŏ tât khân may rai lôch.

Nau Vay Nkah Tay 28:59

pôri Brah Yêhôva mra ƀư nau tât ma khân may jêh ri ma noi deh khân may lĕ nau mhĭk bu mâu hŏ mâp saơ ôh, lĕ nau mhĭk toyh jêh ri dŭt jŏ, lĕ nau ji tưp toyh jêh ri dŭt jŏ.

Nau Tâm Mpơl 17:16

Jât mlâm nke may saơ jêh jêh ri mpô mpa dŭt janh mra tâm rmot ma bu ur văng tĭr. Khân păng mra chalơi jêh ri ƀư ma păng gŭ rhôk; khân păng mra sa puăch bu ur văng tĭr jêh ri gŭch păng tâm ŭnh.