Sakari 14:10 - Nau Brah Ndu Ngơi 2023

¹⁰ Lĕ n'gor bri mra plơ̆ jêng neh lâng ntơm bơh Gêba tât ta Rimôn, mpeh pa dâng Yêrusalem. Ƀiălah Yêrusalem mra n'hao klơ gŭ ta ntŭk ơm păng, ntơm bơh mpông pêr Benjamin kŏ tât mpông pêr tal nguay jêh ri tât mpông pêr Njônh, jêh ri ntơm bơh vâl tŭm Hananel tât ta ntu păt ndrănh ma hađăch.

Sakari 14:10 ပူးပေါင်းရင်းမြစ်များ

I Phung Hađăch 15:22

Hađăch Asa tâm rƀŭn lĕ rngôch phung Yuđa, mâu lơi du huê ôh jêh ri khân păng văch tât djôt lŭ jêh ri tơm si Y-Baêsa hŏ dŏng ndâk pôih ta Rama. Hađăch Asa dŏng lĕ ndơ nây ndâk njêng ƀon Gêba tâm n'gor Benjamin jêh ri Mispa.

II Phung Hađăch 14:13

Y-Jôas, hađăch Israel, nhŭp Y-Amasia, hađăch Yuđa, kon Y-Jôas, sau Y-Ahasia ta Bet-Sêmes. Jêh nây Y-Jôas hăn tât ta Yêrusalem, ƀư rlâm lĕ mpêr ƀon ntơm bơh mpông pêr Êphraim tât ta mpông pêr Njônh, tâm du bông jong bar rhiăng met.

I Nau Rêh Jêng 4:32

Khân păng geh đŏng prăm ƀon jê̆ jêng: Êtam, Ain, Rimôn, Tôken, jêh ri Asan,

I Nau Rêh Jêng 6:77

Bơh mpôl phung Sabulôn, phung kon sau Mêrari hôm e klen bu ăn ma khân păng ƀon Rimônô ndrel ma lĕ ndrêch gơ̆ văr jŭm, ƀon Tabor ndrel ma lĕ ndrêch gơ̆ văr jŭm.

II Nau Rêh Jêng 25:23

Ta Bet-Sêmes, hađăch Israel jêng Y-Jôas nhŭp Y-Amasia, hađăch Yuđa, kon Y-Jôas, sau Y-Jôacha, jêh ri njŭn leo păng ma ƀon Yêrusalem. Hađăch Jôas mbang chah mpêr ƀon Yêrusalem ntơm bơh mpông Êphraim tât ma mpông Njônh, du rva jong geh bar rhiăng met.

II Nau Rêh Jêng 26:9

Y-Usia ndâk lĕ ngih tŭm ta Yêrusalem, ta mpông pêr Njônh, ta mpông pêr Rlŭng jêh ri ta mpông pêr njônh mpir, ƀư ma lĕ ngih tŭm nây nâp ktang.

Nêhêmi 12:39

jêh ri hăn ta klơ mpông pêr Êphraim, dăch kêng mpông pêr Ơm, mpông pêr Ka, vâl tŭm Y-Hananel jêh ri vâl tŭm Mêa tât ma mpông pêr Biăp. Jêh nây khân păng nsrŭng ta mpông pêr Gak.

Nêhêmi 3:1

Kôranh ƀư brah toyh lơn Y-Êliasip ndrel ma phung oh nâu păng nơm jêng phung kôranh ƀư brah, ntơm ndâk mpông pêr Biăp jêh ri prăp ăn păng jêng kloh jêh nây dơm bar seng mpông. Khân păng thoi đŏng rdâk tât ma vâl tŭm Mêa jêh ri prăp ăn păng jêng kloh tât ma vâl tŭm Y-Hananel.

Êsai 10:29

Hăn rgăn yôk, khân păng lah: “He mra ndâk vâl bok bê̆ch măng ta Gêba.” Rama râm nsâr, Gibêa ƀon Y-Sôl nchuăt du!

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Yêrêmi 20:2

Y-Pashur dong nơm mbơh lor Y-Yêrêmi, nkông păng tâm mpông pêr Benjamin, jêng mpông pêr mpeh klơ tâm ngih Brah Yêhôva.

Yêrêmi 30:18

Brah Yêhôva lah: ‘Aơ, Gâp mra njŭn ngih bok Y-Yakôb plơ̆ sĭt bơh ntŭk jêng bu nă, Gâp mra yô̆ an ntŭk păng gŭ; Ƀon toyh aơ mra ndâk tay ta ntŭk rngot njăp, Ngih hađăch mra ndâk tay ta klơ ntŭk ơm.

Yêrêmi 37:13

Ƀiălah dôl kôranh mbơh lor Y-Yêrêmi tât ta mpông pêr Benjamin geh du huê tahan gak amoh păng Y-Irijah, kon bu klâu Y-Sêlêmia, sau Y-Hanania hŏ nhŭp păng jêh ri lah: “May jêng nơm nchuăt du hăn gŭ mpeh phung tahan Kaldê!”

Yêrêmi 38:7

Kôranh bu char Y-Êbet-Mêlek, bunuyh Êthiôpi, dôl gŭ tâm ngih hađăch tăng nau bu nklăch Y-Yêrêmi tâm ntu dak. Rnôk nây hađăch dôl gŭ ta Mpông Pêr Benjamin.

Amôt 9:11

“Tâm nar nây, Gâp mra ndâk tay Ngih njưh Y-Đavit lĕ rlâm jêh Jêh ri kơi nkra đŏng lĕ ntŭk rlâm rai nchah păng. Gâp mra ndâk tay lĕ ntŭk hŏ jêng rngot njăp Jêh ri ndâk tay păng nâm bu rnôk kăl e,

Mika 4:1

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ yôk prêh lơn, Jêh ri mra dơi n'hao prêh lơn ma lĕ gôl yôk. Lĕ mpôl băl bunuyh mra hăn plơ̆ sĭt ta nây.

Sakari 12:6

Tâm nar nây, Gâp mra ƀư ma phung kôranh Yuđa tâm ban ma ŭnh năk dôl ŭnh hit ta nklang mbŭch long, nâm bu chiông ŭnh rdo hit ta nklang âk nchăp ba; khân păng mra su rai lĕ rngôch phung ƀon lan gŭ jŭm, nđâp mpeh pa ma jêh ri mpeh pa chiau. Ƀiălah phung ƀon lan Yêrusalem hôm e gŭ ta ntŭk ƀon păng nơm, nây jêng Yêrusalem.”

Sakari 2:4

jêh ri lah ma păng: “Hăn nchuăt hom, ngơi lah đah bu klâu ndăm nây: ‘Yêrusalem mra jêng nâm bu ƀon mâu geh ôh mpêr ƀon jŭm, yor geh âk ngăn bunuyh jêh ri mpô mpa gŭ ta nklang păng.’

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

Yôsuê 15:32

Lêbaôt, Silim, Ain, jêh ri Rimôn: lĕ rngôch ƀon nây geh bar jât ma sĭn ƀon ndrel ma ƀon jê̆ khân păng.

Yôsuê 21:17

Bu sŏk đŏng lĕ ƀon bơh ndŭl mpôl Benjamin ăn ma khân păng. Nây jêng ƀon Gibêôn jêh ri lĕ ndrêch gơ̆ gŭ văr jŭm păng; ƀon Gêba jêh ri lĕ ndrêch gơ̆ gŭ văr jŭm păng;

Phung Kôranh Phat Dôih 20:45

Nôk khân păng ndôn kơi nchuăt du ma mpeh bri rdah, kŏ tât klêr lŭ Rimôn, phung ƀon lan Israel nkhĭt rŏ trong prăm rbăn nuyh. Khân păng tĭng đŏng tĭng kŏ tât dơi nkhĭt khân păng ta ƀon Gidôm jêh ri nkhĭt tay bar rbăn nuyh đŏng.

Phung Kôranh Phat Dôih 20:47

Ƀiălah geh prao rhiăng nuyh ndôn kơi nchuăt du ma mpeh bri rdah kŏ tât ta klêr lŭ Rimôn jêh ri gŭ ta nây puăn khay.

Phung Kôranh Phat Dôih 21:13

Lĕ rngôch phung tâm rƀŭn njuăl phung mbơh văch ma phung Benjamin gŭ ta klêr lŭ Rimôn gay mbơh nau đăp mpăn ma khân păng.