Sakari 13:1 - Nau Brah Ndu Ngơi 2023

¹ Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Sakari 13:1 ပူးပေါင်းရင်းမြစ်များ

Nau Mprơ Ơm 51:2

Dăn rao kloh lĕ nau djơh mhĭk Jêh ri ƀư kloh lĕ nau tih gâp.

Nau Mprơ Ơm 51:7

Dăn sŏk rkŭm hisôp ƀư kloh nau tih gâp ri mơ gâp mra jêng kloh rsang; Dăn May rao gâp jêh ri gâp mra jêng nglang lơn ma dak pler.

Êsai 12:3

Yor ri, khân may mra răm maak bâk dak bơh ntu dak nau tâm rklaih.

Êsai 4:4

Tơlah Kôranh Brah sŏk nau di jêh ri huêng brah nau su gay rao lơi nau ƀơ̆ ƀơch phung kon bu ur ƀon Siôn, jêh ri ƀư kloh lơi mham tă bơh tâm nklang ƀon Yêrusalem,

Yêrêmi 17:13

Ơ Brah Yêhôva, nau kâp gân ma phung Israel, Mbu nơm dun May geh nau prêng da dê! Mbu nơm plăch ndŭr kơi đah May bu mra nchih amoh ta ndruyh neh, Yorlah khân păng hŏ chalơi jêh Brah Yêhôva jêng tu dak rêh.

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Yêrêmi 29:26

Brah Yêhôva njêng jêh may ƀư kôranh ƀư brah ntrok an ma kôranh ƀư brah Y-Jêhôida gay chiă uănh tâm ngih Brah Yêhôva, jêh ri đă nkông jâng, văn ndrak ta trô ko ma lĕ rngôch phung rluk ntơ êng jêng nơm mbơh lor.

Yêrêmi 33:8

Gâp mra ƀư kloh lĕ rngôch nau mhĭk khân păng hŏ ƀư tih jêh ma Gâp, yô̆ an lĕ rngôch nau tih khân păng hŏ ƀư tâm ban ma nau tih uh ah tâm rdâng đah Gâp.

Êsêkiêl 36:17

“Hơi kon bunuyh, tơlah ngih Israel gŭ jêh tâm bri khân păng nơm, khân păng hŏ ƀư ƀơ̆ ƀơch bri nây yor tă trong hăn jêh ri kan khân păng nơm ƀư. Trong khân păng gŭ ngao panăp măt Gâp jêng nâm bu nau ƀơ̆ ƀơch bơh du huê bu ur rnôk păng geh săk bu ur.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Êsêkiêl 36:29

Gâp mra tâm rklaih khân may bơh lĕ rngôch nau ƀơ̆ ƀơch. Gâp mra kuăl ba ƀlê ueh, ăn chăt hon ntop âk jêh ri mâu ăn nau sât ji ngot tât ma khân may.

Êsêkiêl 47:1

Jêh ta nây, păng leo gâp hăn đŏng rlet ma mpông pêr ngih brah jêh ri aơ, n'hor dak krong luh tă bơh tâm dâng mbong ngih brah hoch rlet mpeh luh nar (yorlah ngih brah ndâk rle luh nar). N'hor dak nây tă bơh pŭng pa ma ngih brah jŭr hoch mpeh pa dâng nơng ƀư brah.

Kan Lêvi 11:36

Ƀiălah, du tu dak mâu lah du ntu prăp dak, bu ăt kơp dak nây jêng kloh tơlah geh săk jăn lĕ rngôch mpa nây; ƀiălah mbu nơm pah săk jăn khĭt khân păng mra jêng ƀơ̆ ƀơch.

Mika 5:12

Gâp mra ƀư rai lơi lĕ rup trah Jêh ri gâng rup brah tă bơh may, May mâu mra hôm chon mbah đŏng ôh Panăp ndơ kan ti may ƀư.

Sakari 12:14

lĕ rngôch phung mpôl hôm e, ăp mpôl êng êng jêh ri phung êng, jêh ri phung ur kon khân păng êng êng đŏng.”

Sakari 12:3

Tâm nar nây, Gâp mra ƀư ăn ma ƀon Yêrusalem jêng du mlâm lŭ toyh jâk ngăn ăn ma lĕ rngôch ntil mpôl bunuyh; mbu moh chông păng mra geh nau sôt rmanh jru. Jêh ri lĕ rngôch bri dak ta klơ neh mra tâm rgum gay tâm rdâng đah păng.”

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

I Kôrintô 6:11

Nôk alor tâm khân may geh ƀaƀă bunuyh tâm ban pônây. Ƀiălah tâm amoh Kôranh Brah jêng Brah Yêsu Krist jêh ri tâm Brah Huêng Ueh Brah Ndu he, khân may geh nau ƀư kloh, nau ƀư kloh ueh jêh ri dơi kơp sŏng srăng.

I Pêtrôs 1:19

ƀiălah ma mham khlay Brah Krist, nâm bu mham du mlâm kon biăp geh ntŭk kuet, mâu geh têl khap,

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

I Yôhan 5:6

Brah Yêsu Krist jêng Nơm văch jêh ma dak jêh ri ma mham, mâu di knŏng ma dak ôh, ƀiălah dak nđâp ma mham.