Sakari 11:17 - Nau Brah Ndu Ngơi 2023

¹⁷ Rêh ni ngăn ma rmăk biăp dơm dam, Jêng nơm chalơi phung biăp păng! Ăn đao sreh ta nting tur păng Jêh ri ta trôm măt pa ma păng; Ăn nting tur păng siăr kro lĕ ƀhiau, Jêh ri trôm măt pa ma păng chieh lĕ n'ho ro.”

Sakari 11:17 ပူးပေါင်းရင်းမြစ်များ

I Phung Hađăch 13:4

Tơlah tăng nau bunuyh Brah Ndu nter tâm rdâng đah nơng ƀư brah ta Bêthel, hađăch Jêrôbôam yơr ti tă bơh nơng ƀư brah jêh ri lah: “Nhŭp hom păng!” Ƀiălah dôl hađăch yơr ti tâm rdâng đah bunuyh nây, nting tur hađăch jêng dăng kro ro, mâu hôm blau kôn tay đŏng ôh.

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 44:10

Mbu nơm njêng du huê brah jêh ri tŏ chiăr du mlâm rup mâu geh nau khlay?

Êsai 9:15

Yorlah phung têk ndrêng phung ƀon lan aơ hŏ nhhơt trong jêh, Bi phung njŭn khân păng lĕ roh rai jêh.

Yêrêmi 22:1

Brah Yêhôva lah: “Hăn trŭnh hom rlet ma ngih hađăch Yuđa, ta nây may mbơh nau ngơi aơ.

Yêrêmi 23:1

Brah Yêhôva lah: “Rêh ni ngăn ma phung rmăk biăp ƀư rai jêh ri ƀư nchah rai pru pra biăp tâm ndrêch gơ̆ Gâp!

Yêrêmi 23:32

Brah Yêhôva lah: “Aơ, Gâp tâm rdâng đah phung dŏng mbơi mƀruh jêh ri mbơh lor. Khân păng nkoch nau mbơi jêh nây dŏng nau ngơi mƀruh, blă blơ ƀư ăn ma ƀon lan Gâp vĭ nhhơt, ƀiălah Gâp mâu prơh hăn, ăt mâu lĕ ntrŭnh khân păng. Khân păng mâu geh nau khlay ôh ăn ma phung ƀon lan aơ,” Brah Yêhôva lah pônây.

Êsêkiêl 13:3

Kôranh Brah Yêhôva lah: ‘Rêh ni ngăn ma phung nơm mbơh lor rluk tĭng brah êng khân păng nơm jêh ri mâu saơ du ntil ndơ ôh!

Êsêkiêl 34:2

“Hơi kon bunuyh, mbơh lor hom nau tâm rdâng đah phung rmăk leo Israel; mbơh lor hom jêh ri lah ma phung rmăk leo nây pô aơ: ‘Kôranh Brah Yêhôva lah: Rêh ni ngăn ma phung rmăk leo Israel jêng bunuyh knŏng mĭn siăm êng khân may nơm! Mâu di hĕ phung rmăk leo mra siăm phung biăp lĕ?

Sakari 10:2

Yorlah phung rup brah knŏng ngơi nau dơm dam, Lĕ phung n'hŭm knŏng saơ nau mƀruh; Khân păng mbơh nkoch lĕ nau mbơi mƀruh ndơm bu, Jêh ri ngơi nau bonh leng mâu khlay ôh. Yor nây, phung ƀon lan chah rai du pru Nâm bu phung kon biăp rêh ni yorlah mâu geh rmăk chiăp.

Sakari 11:15

Brah Yêhôva lah đŏng ma Gâp: “Sŏk hom ndô ndơ du huê rmăk biăp rluk ăn ma may.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Mathay 23:16

Rêh ni yơh ma khân may, phung njŭn trong chieh măt, khân may lah: ‘Tơlah mbu moh nchŏng ngih brah gay sơm ton ri mơ mâu geh nau khlay ôh; ƀiălah tơlah păng nchŏng mah tâm ngih brah gay sơm ton, pô ri nau sơm ton geh nau nchâp.’

Yôhan 12:40

“Brah Yêsu ƀư ăn măt khân păng chieh, Nuih n'hâm khân păng dăng, Klach lah măt khân păng dơi saơ, Nuih n'hâm khân păng gĭt rbăng jêh ri rmal nau tih, Gay ma Gâp ƀư bah khân păng.”

Yôhan 9:39

Brah Yêsu lah: “Gâp văch ta neh ntu aơ gay phat dôih, ƀư ăn bunuyh chieh măt dơi saơ, bi bunuyh saơ jêng chieh măt.”

Samƀŭt Pôl Njuăl Ăn Ma Phung Nsing Ta Ƀon Rôm 11:7

Mâm ƀư pônây? Phung Israel mâu dơi geh nau khân păng joi. Phung bunuyh dơi săch geh jêh nau nây, ƀiălah phung hôm plơ̆ jêng dăng nuih n'hâm,

I Kôrintô 8:4

Pôri, ma nau nhhơr ndơ ƀư brah ma rup brah, he gĭt rup brah tâm neh ntu mâu geh ngăn ôh, knŏng geh nguay Brah Ndu mâu geh brah êng ôh.

I Samuel 2:31

Aơ, nar mra tât, Gâp mra ƀư rai nau ktang may jêh ri nau ktang ngih mbơ̆ may, kŏ tât mâu hôm geh ôh du huê bu klâu bu ranh ngih may.