Sakari 1:16 - Nau Brah Ndu Ngơi 2023

¹⁶ Yor nây, Brah Yêhôva lah: ‘Gâp mra plơ̆ yô̆ đŏng ma ƀon Yêrusalem. Ngih brah Gâp mra ndâk tay ta ntŭk nĕ, jêh ri rse veh di rnhuan mra nthăng tâm ƀon Yêrusalem.’ Brah Yêhôva ma phung tahan lah.

Sakari 1:16 ပူးပေါင်းရင်းမြစ်များ

Ndrom Samƀŭt bơh Yôp 38:5

N'hêl nanê̆ may gĭt mbu tâm nal nau veh rnoh rplay neh Jêh ri mbu nthăng rse veh rplay neh?

Êsai 12:1

Tâm nar nây, may mra lah pô aơ: “Ơ Brah Yêhôva, gâp mra tâm rnê lah ueh ma May, Nđâp tơlah May hŏ ji nuih jêh ma gâp, Ƀiălah nau May ji nuih lĕ bah jêh, Jêh ri May lŏ bonh leng jêh gâp.

Êsai 34:11

Ƀiălah klang grât jêh ri blŏ mra sŏk ntŭk nây, Klang kô jêh ri nđak mra gŭ ta nây. Brah Ndu mra nthăng rse veh ƀư rai bri nây, Jêh ri rse yông ndơ jâk mâu glo ta khân păng.

Yêrêmi 30:18

Brah Yêhôva lah: ‘Aơ, Gâp mra njŭn ngih bok Y-Yakôb plơ̆ sĭt bơh ntŭk jêng bu nă, Gâp mra yô̆ an ntŭk păng gŭ; Ƀon toyh aơ mra ndâk tay ta ntŭk rngot njăp, Ngih hađăch mra ndâk tay ta klơ ntŭk ơm.

Êsêkiêl 40:3

Tơlah Păng leo gâp lăp ta nây, gâp saơ du huê bunuyh săk jăn nâm bu du huê bunuyh ma kông. Bunuyh nây dâk ta ndring mpông, ti djôt rse ndrăn mhay jêh ri du mlâm mâng ndăl gay ma veh.

Êsêkiêl 47:3

Păng hăn rlet mpeh luh nar, ta ti djôt du njăr rse veh, bunuyh nây veh geh prăm rhiăng met, jêh ri leo gâp re rgăn dak; dak nây jru dah rmăng jâng iăr.

Êsêkiêl 48:35

Ndăch jŭm ƀon toyh mra geh sĭn rbăn met, jêh ri ntơm bơh aƀaơ tât ô klak, amoh ƀon mra jêng: “Brah Yêhôva gŭ ta nây!”

Ndrom Samƀŭt bơh Agê 1:14

Jêh nây Brah Yêhôva ntrôl nuih n'hâm kôranh chiă uănh n'gor Yuđa jêng Y-Sôrôƀaƀel, kon bu klâu Y-Sêaltiêl, nuih n'hâm Y-Yôsuê kôranh ƀư brah toyh lơn, kon bu klâu Y-Jêhôsadak, jêh ri nuih n'hâm lĕ rngôch phung ƀon lan hôm e klen. Khân păng văch pah kan da dê ta ntŭk ngih Brah Yêhôva ma phung tahan, jêng Brah Ndu khân păng.

Sakari 10:6

“Gâp mra ƀư ăn dăng ma ngih Yuđa, Jêh ri mra tâm rklaih ngih Yôsep. Gâp mra leo khân păng plơ̆ sĭt, yorlah yô̆ klâng khân păng, Jêh ri khân păng mra jêng nâm bu Gâp ê hŏ mâp dun ôh ma khân păng; Yorlah Gâp jêng Yêhôva Brah Ndu khân păng, jêh ri mra dơn nau khân păng dăn.

Sakari 2:4

jêh ri lah ma păng: “Hăn nchuăt hom, ngơi lah đah bu klâu ndăm nây: ‘Yêrusalem mra jêng nâm bu ƀon mâu geh ôh mpêr ƀon jŭm, yor geh âk ngăn bunuyh jêh ri mpô mpa gŭ ta nklang păng.’

Sakari 2:5

Brah Yêhôva lah: ‘Gâp nơm yơh mra jêng du mpêr ŭnh gŭ jŭm păng, jêh ri nau chrêk ma lơp Gâp mra gŭ ta nklang păng.’”

Sakari 2:6

Brah Yêhôva lah: “Hơi, hơi! Du hom tă bơh bri mpeh pa lơ, yorlah Gâp hŏ srih khân may pru pra nâm bu puăn njônh sial tâm trôk.” Brah Yêhôva lah.

Sakari 4:9

“Ti Y-Sôrôƀaƀel hŏ ndâk jêh mbon ngih brah aơ, pôri ti păng đŏng mra ƀư lôch.” Jêh ri khân may mra gĭt Brah Yêhôva ma phung tahan hŏ njuăl gâp hăn tât ma khân may.

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”