Samƀŭt Pôl Njuăl Ăn Ma Phung Nsing Ta Ƀon Rôm 9:32 - Nau Brah Ndu Ngơi 2023

³² Mâm ƀư? Yorlah khân păng mâu joi ma nau chroh ôh, ƀiălah ma nau kan. Khân păng hŏ chêh prah ta mlâm lŭ nking,

Bunong Bible Latin Script Cambodian dialect

³² Moh yor? Jêng yor ma khân păng nsing ma nau khân păng jan, mâu ŭch ôh nsing ma Brah Krist. Ndri Brah Krist tâm ban ma du mlŏm lŭ i ăn khân păng chêh prah srok, yor ma khân păng mâu nsing ma Păng.

Bunong

³² ម៝ស​យ៝រ? ជេង​យ៝រ​មា​ខាន់​ពាង់​ញឆីង​មា​នាវ​ខាន់​ពាង់​ជាន មោ​អុច​អោស​ញឆីង​មា​ឞ្រាស​ក្រីស  ។ នទ្រី​ឞ្រាស​ក្រីស  ​តឹម​ឞាន​មា​ទូ​មល៝ម់​លុ​អី​អ៝ន់​ខាន់​ពាង់​ចេស​ព្រាស​ឆ្រ៝ក យ៝រ​មា​ខាន់​ពាង់​មោ​ញឆីង​មា​ពាង់។

Samƀŭt Pôl Njuăl Ăn Ma Phung Nsing Ta Ƀon Rôm 9:32 ပူးပေါင်းရင်းမြစ်များ

Êsai 8:14

Păng mra jêng du ntŭk kloh ueh; ƀiălah Păng jêng glo lŭ chêh jâng bu jêh ri lŭ toyh ƀư prah ma lĕ bar đah ndŭl mpôl Israel, ăt jêng tanh srang jêh ri dăk sân ma phung gŭ tâm ƀon Yêrusalem.

Êsai 8:15

Âk bunuyh tâm khân păng mra chêh jâng, cha lôt prah jêh ri nchah; khân păng mra geh dăk jêh ri bu mra nhŭp.

Mathay 13:57

Khân păng chêh prah yor Brah Yêsu. Ƀiălah Păng lah ma khân păng pô aơ: “Du huê nơm mbơh lor bu mưch ma păng knŏng tâm ƀon păng nơm jêh ri tâm ngih păng nơm.”

Luka 2:34

Y-Simêôn ăn nau ueh uĭn ma khân păng jêh ri lah ma H'Mari, mê̆ kon se jê̆ pô aơ: “Kon se jê̆ aơ dơi lah nal gay ƀư ma âk bunuyh tâm phung Israel mƀăr nau nsing mâu lah dâk rêh tay, jêh ri jêng du nau tâm mbên ƀư nau tâm rdâng.

Luka 7:23

Ueh maak yơh ma mbu nơm mâu chêh prah ôh yor Gâp!”

Samƀŭt Pôl Njuăl Ăn Ma Phung Nsing Ta Ƀon Rôm 10:3

Dôl khân păng mâu gĭt năl nau sŏng srăng Brah Ndu jêh ri joi nau njêng nau sŏng srăng êng khân păng nơm, pôri khân păng mâu tông ma nau sŏng srăng Brah Ndu ôh;

Samƀŭt Pôl Njuăl Ăn Ma Phung Nsing Ta Ƀon Rôm 11:11

Pôri gâp dăn ôp, di lĕ phung Israel chêh prah kŏ tât prah? Mâu mâp! Mâu di pônây ôh! Ƀiălah yor nau tih khân păng, nau tâm rklaih văch tât jêh ma phung bu năch gay ƀư ma khân păng tâm rlong.

Samƀŭt Pôl Njuăl Ăn Ma Phung Nsing Ta Ƀon Rôm 4:16

Pônây, yor ma nau chroh rĭ dĭng nau ton bơh nau yô̆ dơi mât mray ma lĕ noi deh Y-Abraham, mâu di ôh knŏng ma noi deh tâm dâng nau dơi nau vay, ƀiălah nđâp ma lĕ noi deh geh nau chroh Y-Abraham, ăt jêng chô yau lĕ rngôch he,

I Kôrintô 1:23

bi hên mbơh nkoch ma nau bu pâng Brah Krist ta si tâm rkăng, jêng nau phung Yuđa kơp mâu di, bi phung bu năch kơp jêng nau brŭt ndrăng.

I Pêtrôs 2:6

Yorlah Nau Brah Ndu Ngơi nchih: “Aơ, Gâp dơm ta Siôn du mlâm lŭ, Lŭ njônh ngih Gâp săch jêh ri khlay ngăn; Mbu nơm chroh lŭ nây mâu đit prêng ôh.”

I Pêtrôs 2:8

jêh ri jêng “Lŭ ƀư chêh jâng, Lŭ toyh ƀư chêh prah bu;” Khân păng chêh prah yorlah mâu tông prăp ma nau chroh, tâm ban ma tâm nal jêh ma khân păng.