Samƀŭt Pôl Njuăl Ăn Ma Phung Nsing Ta Ƀon Rôm 8:37 - Nau Brah Ndu Ngơi 2023

³⁷ Ƀiălah, tâm lĕ nau nây phung he yor Nơm rŏng ma he, he dơi mro mrăng.

Bunong Bible Latin Script Cambodian dialect

³⁷ Yơn ma yorlah Brah Krist rŏng ma bân, dâng bân geh nau dŭt dơi ma dâng lĕ nau jêr i nây.

Bunong

³⁷ យើន​មា​យ៝រ​លាស​ឞ្រាស​ក្រីស  ​រ៝ង់​មា​ឞ៝ន់ ទឹង​ឞ៝ន់​គែស​នាវ​ទុត​ទើយ​មា​ទឹង​លែៈ​នាវ​ជេរ​អី​នៃ។

Samƀŭt Pôl Njuăl Ăn Ma Phung Nsing Ta Ƀon Rôm 8:37 ပူးပေါင်းရင်းမြစ်များ

Êsai 25:8

Păng mra ƀư rai lôch n'ho ro nau khĭt. Kôranh Brah jêng Brah Yêhôva mra jut dak măt Bơh muh măt lĕ rngôch bunuyh; Jêh ri Păng mra jut lơi nau bêk prêng phung ƀon lan Păng Bơh lam neh ntu, Yorlah Brah Yêhôva lah jêh.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Samƀŭt Pôl Njuăl Ăn Ma Phung Nsing Ta Ƀon Rôm 8:35

Mbu mra nkhah he bơh nau Brah Yêsu Krist rŏng? Di lĕ nau rêh ni toyh, nau rngot klâng, nau ƀư mhĭk, nau ji ngot ji hir, gŭ săk hưl, nau jêr, mâu lah tak đao ƀơh?

I Kôrintô 15:54

Tơlah săk jăn blau ôm rai mra nsoh nau mâu blau ôm rai, săk jăn blau khĭt aơ nsoh ndơ mâu blau khĭt, ri mơ nôk nây mra tât di ngăn nau nchih jêh: “Nau dơi rvăn jêh nau khĭt.”

I Kôrintô 15:57

Ƀiălah lah ueh ma Brah Ndu ăn ma he nau dơi tă bơh Kôranh Brah he jêng Brah Yêsu Krist.

II Kôrintô 12:19

Bơh ntơm saơm, khân may mĭn ma hên koh dŏng ma hên nơm tanăp khân may. Hơi phung gâp rŏng ngăn ngên, nây jêng tanăp Brah Ndu jêh ri tâm Brah Krist hên ngơi, lĕ rngôch knŏng gay ndâk njêng khân may.

II Kôrintô 12:9

Ƀiălah Kôranh Brah lah: “Nau yô̆ Gâp bêng tŏng ma may, yorlah nau ktang Gâp plơ̆ jêng nŭm rĭng tâm nau rdja.” Pôri, gâp răm maak rnê êng âk ngăn ma lĕ nau rdja gâp, gay ma nau ktang Brah Krist gŭ tâm gâp.

II Kôrintô 2:14

Ƀiălah lah ueh ma Brah Ndu, jêng Nơm leo bôk ƀaƀơ ma hên tâm nau hăn tâm groi ndrel ma nau dơi tâm Brah Krist; jêh ri tă bơh hên, Păng ƀư n'hôl ƀâu kah ma nau gĭt rbăng Păng ƀâu lam ntŭk.

Galati 2:20

Bu pâng kđĭn jêh gâp ta si tâm rkăng ndrel ma Brah Krist, jêh ri gâp gŭ rêh, mâu di gâp gŭ rêh đŏng, ƀiălah Brah Krist gŭ rêh tâm gâp. Aƀaơ aơ gâp gŭ rêh tâm nglay săk, nâm bu ntĭt gâp gŭ rêh tâm nau chroh ma Kon Brah Ndu, jêng Nơm rŏng jêh ma gâp jêh ri jao jêh Păng nơm yor gâp.

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

II Têsalônik 2:16

Dăn Kôranh Brah he, jêng Brah Yêsu Krist nơm jêh ri Brah Ndu, Mbơ̆ he, Nơm rŏng jêh ma he, jêh ri bơh nau yô̆ ăn ma he nau bonh leng n'ho ro jêh ri nau kâp gân ueh,

I Yôhan 4:10

Nau rŏng gŭ tâm nau aơ: Mâu di he rŏng jêh ma Brah Ndu ôh, ƀiălah Brah Ndu rŏng jêh ma he jêh ri njuăl Kon Păng ƀư ndơ nau ƀư brah tâm chuai nau tih he.

I Yôhan 4:19

He rŏng yorlah Kôranh Brah rŏng jêh ma he lor.

I Yôhan 4:4

Hơi phung kon jê̆, khân may jêng phung Brah Ndu jêh ri dơi đah khân păng jêh, yorlah Nơm gŭ tâm khân may jêng toyh lơn ma nơm gŭ tâm neh ntu.

Yuđas 1:24

Mbơh sơm dăn Nơm geh nau brah djôt prăp khân may bơh nau chêh prah jêh ri ƀư ma khân may dâk tanăp nau chrêk rmah Păng mâu geh têl khap, jêh ri tâm nau răm maak,

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,

Nau Tâm Mpơl 12:11

Khân păng geh nau dơi yor mham Kon Biăp, Jêh ri yor nau khân păng mbơh nkoch; Khân păng mâu nhhuach nau rêh khân păng nơm ma tât nau khĭt.

Nau Tâm Mpơl 17:14

Khân păng mra tâm lơh đah Kon Biăp jêh ri Kon Biăp mra dơi đah khân păng, yorlah Kon Biăp jêng hađăch ma phung hađăch, Kôranh Brah ma lĕ rngôch kôranh brah; jêh ri phung gŭ ndrel ma Păng, jêng phung bunuyh geh nau kuăl jêh, nau săch jêh, jêh ri gŭ răp jăp, ăt mra dơi.”

Nau Tâm Mpơl 21:7

Mbu nơm dơi, păng mra dơn lĕ nau aơ jêng drăp ndơn; Gâp mra jêng Brah Ndu păng, jêh ri păng mra jêng kon Gâp.

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.