Samƀŭt Pôl Njuăl Ăn Ma Phung Nsing Ta Ƀon Rôm 7:23 - Nau Brah Ndu Ngơi 2023

²³ ƀiălah gâp gĭt tâm săk jăn gâp du nau vay êng tâm lơh đah nau vay tâm nau mĭn gâp, nchâp gâp ƀư dĭk ma nau vay nau tih, jêng nau vay gŭ tâm săk jăn gâp.

Bunong Bible Latin Script Cambodian dialect

²³ yơn ma gâp say nuih n'hâm ŭch jan tih tâm rdâng đah nau vay i nây, n'ho ma jan ăn gâp jêng dâk ma nau tih.

Bunong

²³ យើន​មា​គ៝ប់​ឆៃ​នូយ្ស​នហ៝ម់​អុច​ជាន​តីស​តឹម​រាទ៝ង់​ដាស​នាវ​វៃ​អី​នៃ នហ៝​មា​ជាន​អ៝ន់​គ៝ប់​ជេង​ទឹក​មា​នាវ​តីស។

Samƀŭt Pôl Njuăl Ăn Ma Phung Nsing Ta Ƀon Rôm 7:23 ပူးပေါင်းရင်းမြစ်များ

Nau Mprơ Ơm 142:7

Mphâk lơi huêng gâp tă bơh ndrung bu nă Gay ma gâp tâm rnê lah ueh ma amoh May. Phung sŏng srăng mra gŭ jŭm gâp Yorlah May hŏ ƀư ueh ma gâp.

Nơm Nti 7:20

N'hêl nanê̆, mâu geh du huê bunuyh sŏng srăng ta klơ neh Ƀư nau ueh ƀaƀơ mâu mâp tih ôh.

Samƀŭt Pôl Njuăl Ăn Ma Phung Nsing Ta Ƀon Rôm 6:13

Lơi nhhơr lĕ kô̆ săk jăn khân may ƀư ndơ dŏng djơh mhĭk ma nau tih, ƀiălah nhhơr hom khân may nơm ma Brah Ndu tâm ban ma phung bunuyh hŏ dâk rêh tay jêh bơh nau khĭt, jêh ri nhhơr lĕ kô̆ săk jăn khân may nơm ƀư ndơ dŏng nau sŏng srăng ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 6:19

Yorlah nglay săk khân may rdja, rĭ dĭng gâp ngơi tĭng nau kon bunuyh. Khân may hŏ tă nhhơr lĕ kô̆ săk jăn khân may jêng dĭk nau ƀơ̆ ƀơch jêh ri nau djơh mhĭk bun tâm ban lĕ, aƀaơ aơ, nhhơr hom lĕ kô̆ săk jăn khân may jêng dĭk ma nau sŏng srăng gay ma geh nau kloh ueh tâm ban lĕ.

Samƀŭt Pôl Njuăl Ăn Ma Phung Nsing Ta Ƀon Rôm 7:14

He gĭt nau vay jêng brah huêng; ƀiălah gâp jêng bunuyh nglay săk hŏ tăch jêh ma nau tih.

Samƀŭt Pôl Njuăl Ăn Ma Phung Nsing Ta Ƀon Rôm 7:21

Yor ri, gâp joi saơ tâm nau vay aơ: Tơlah gâp ŭch ƀư nau ueh, nau mhĭk iang ta gâp.

Samƀŭt Pôl Njuăl Ăn Ma Phung Nsing Ta Ƀon Rôm 7:25

Lah ueh ma Brah Ndu, yor ma Brah Yêsu Krist, jêng Kôranh Brah he! Tâm ban pônây, gâp yơh dŏng nau mĭn gâp nơm pah kan ma nau vay Brah Ndu, ƀiălah sŏk nglay săk gâp nơm jêng dĭk ma nau vay nau tih.

Samƀŭt Pôl Njuăl Ăn Ma Phung Nsing Ta Ƀon Rôm 7:5

Dôl he hôm gŭ rêh tâm nglay săk, lĕ nau kơnh mhĭk ma nau tih tâm nau vay, ƀư tâm lĕ kô̆ săk jăn he gay ma geh play kao ma nau khĭt.

Samƀŭt Pôl Njuăl Ăn Ma Phung Nsing Ta Ƀon Rôm 8:2

yorlah nau vay Brah Huêng Ueh nau rêh tâm Brah Yêsu Krist tâm rklaih jêh gâp bơh nau vay nau tih jêh ri nau khĭt.

Galati 5:17

Yorlah nglay săk geh lĕ nau ŭch êng đah nau Brah Huêng Ueh, jêh ri Brah Huêng Ueh geh lĕ nau ŭch êng đah nglay săk; bar đah tâm rdâng kơt nây, pôri khân may mâu dơi ƀư nau khân may ŭch.

ហេឞ្រើ 12:4

Khân may tâm rdâng tâm lơh đah nau tih ê hŏ kŏ tât nkhŭt mham khân may ôh.

Yakơ 3:2

Lĕ rngôch he tih da dê tâm âk ntil nau. Mbu nơm mâu tih ôh tâm nau ngơi, păng jêng bunuyh rĭng jêh, mra dơi chiă uănh lĕ săk jăn păng nơm.

Yakơ 4:1

Mbah tă luh lĕ nau tâm lơh, nau tâm djrel tâm phung khân may? Mâu di hĕ păng luh tă bơh nau nglay săk ŭch dôl tâm lơh tâm kô̆ săk jăn khân may?

I Pêtrôs 2:11

Hơi phung gâp rŏng, khân may nâm bu phung bu năch, phung gŭ njưh ƀât lât; gâp vơl dăn ma khân may ver hom lĕ nau kơnh ŭch nglay săk, jêng nau tâm rdâng đah huêng.