Samƀŭt Pôl Njuăl Ăn Ma Phung Nsing Ta Ƀon Rôm 3:26 - Nau Brah Ndu Ngơi 2023

²⁶ Tâm rnôk nây, Păng tâm mpơl ma Păng yơh jêng nau sŏng srăng păng jêh ri kơp sŏng srăng ma mbu nơm geh nuih n'hâm chroh ma Brah Yêsu.

Bunong Bible Latin Script Cambodian dialect

²⁶ Aƀaơ dja Păng nhhơ nau sŏng Păng nơm ăn bu gĭt năl, Kôranh Brah lĕ ơm sŏng, jêh ri bu moh i nsing ma Brah Yêsu Păng kơp lĕ sŏng đŏng.

Bunong

²⁶ អាបៃ​អ្យា​ពាង់​ញហើ​នាវ​ឆ៝ង់​ពាង់​នើម​អ៝ន់​ឞូ​គឹត​នាល់ កោរាញ​ឞ្រាស​លែៈ​អើម​ឆ៝ង់ ជេសរី​ឞូ​ម៝ស​អី​ញឆីង​មា​ឞ្រាស​យេឆូ  ​ពាង់​កើប​លែៈ​ឆ៝ង់​ដ៝ង់។

Samƀŭt Pôl Njuăl Ăn Ma Phung Nsing Ta Ƀon Rôm 3:26 ပူးပေါင်းရင်းမြစ်များ

Êsai 42:21

Brah Yêhôva maak yor nau sŏng srăng Păng, Ƀư ăn bu yơk jêh ri ƀư chrêk rmah nau vay Păng.

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Sôphôni 3:15

Brah Yêhôva hŏ sŏk lơi jêh nau phat dôih bơh ay, Păng nsot lĕ nơm rlăng ay. Hađăch Israel jêng Brah Yêhôva gŭ ta nklang ay, Ay mâu mra hôm klach nau mhĭk đŏng ôh.

Sôphôni 3:5

Brah Yêhôva gŭ ta nklang ƀon, jêng Nơm sŏng srăng, Păng mâu prot ƀư nau mhĭk ôh. Ăp ôi, Păng ƀư nau di tâm dâng nau ang, Mâu mâp roh hêng ôh; Ƀiălah bunuyh kue mâu gĭt prêng ôh.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Luka 1:80

Kon se jê̆ nây văch ma toyh, huêng nuih n'hâm jêng ktang, gŭ rêh tâm bri rdah tât nar păng tâm mpơl tanăp phung Israel.

Samƀŭt Pôl Njuăl Ăn Ma Phung Nsing Ta Ƀon Rôm 3:25

Brah Ndu hŏ rdâk jêh Păng jêng mpa ƀư brah chuai nau tih ma mbu nơm geh nau chroh tâm mham Păng. Nau aơ mpơl nau sŏng srăng Brah Ndu, yorlah Păng sŏk nuih n'hâm srôih sŏk lơi lĕ nau tih tâm rnôk kăl e.

Samƀŭt Pôl Njuăl Ăn Ma Phung Nsing Ta Ƀon Rôm 3:27

Pônây moh nau gay ma ngơi ntưih? Mâu geh moh nau gay ma ngơi ntưih lĕ. Moh nau vay bu nsing? Ma nau vay kan bu ƀư ƀơh? Mâu di ôh, ƀiălah nsing ma nau vay nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 3:30

yorlah Brah Ndu jêng nguay, jêng Nơm mra ƀư ma phung koh ntâu dơi kơp sŏng srăng ma nau chroh, ƀư đŏng ma phung mâu koh ntâu dơi kơp sŏng srăng ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 4:5

bi ma phung mâu ƀư pah kan, ƀiălah chroh ma Nơm kơp sŏng srăng ma bunuyh tih, nau păng chroh dơi kơp jêng sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 8:33

Mbu nơm mra phong ma phung Brah Ndu săch, nôk Brah Ndu jêng Nơm kơp sŏng srăng ma phung bunuyh nây?

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

Nau Tâm Mpơl 15:3

Khân păng mprơ nau mprơ Y-Môis, oh mon Brah Ndu, jêh ri nau mprơ Kon Biăp pô aơ: “Ơ Kôranh Brah Ndu Geh Lĕ Nau Brah! Kan May dŭt toyh jêh ri khlay ngăn! Ơ Hađăch lĕ rngôch rnôk n'ho ro, Trong May jêng sŏng srăng jêh ri nanê̆ ngăn!