Samƀŭt Pôl Njuăl Ăn Ma Phung Nsing Ta Ƀon Rôm 2:12 - Nau Brah Ndu Ngơi 2023

¹² Lĕ rngôch mbu nơm mâu geh nau vay ƀiălah ƀư tih, mra rai roh tâm păng mâu geh nau vay ôh; bi lĕ rngôch mbu nơm geh nau vay ƀiălah ƀư tih, nau vay nây mra phat dôih păng.

Bunong Bible Latin Script Cambodian dialect

¹² Lah phung i mâu di phung Israel i mâu gĭt năl nau vay Môsê, khân păng jan tih, Kôranh Brah tê̆ dôih ma khân păng i nây ro, bol lah khân păng i nây mâu ôh gĭt năl nau vay i nây. Phung Israel i lĕ gĭt năl nau vay i nây, jêh ri hôm jan tih, Kôranh Brah tê̆ dôih ma khân păng tâm di đah nau vay i nây,

Bunong

¹² លាស​ផូង​អី​មោ​ទី​ផូង​អីឆ្រាអែល  ​អី​មោ​គឹត​នាល់​នាវ​វៃ​មោឆេ  ខាន់​ពាង់​ជាន​តីស កោរាញ​ឞ្រាស​តេៈ​ទោយ្ស​មា​ខាន់​ពាង់​អី​នៃ​រ៝ ឞ៝ល​លាស​ខាន់​ពាង់​អី​នៃ​មោ​អោស​គឹត​នាល់​នាវ​វៃ​អី​នៃ។ ផូង​អីឆ្រាអែល  ​អី​លែៈ​គឹត​នាល់​នាវ​វៃ​អី​នៃ ជេសរី​ហោម​ជាន​តីស កោរាញ​ឞ្រាស​តេៈ​ទោយ្ស​មា​ខាន់​ពាង់​តឹម​ទី​ដាស​នាវ​វៃ​អី​នៃ‌

Samƀŭt Pôl Njuăl Ăn Ma Phung Nsing Ta Ƀon Rôm 2:12 ပူးပေါင်းရင်းမြစ်များ

Mathay 11:22

Pôri Gâp lah ma khân may, tât nar phat dôih, ƀon Tyre jêh ri ƀon Sidôn mra geh nau tâm rmal n'gơch lơn ma khân may.

Mathay 11:24

Yor ri, Gâp lah ma khân may, tâm nar phat dôih, ƀon Sôdôm mra geh nau tâm rmal n'gơch lơn khân may.”

Yôhan 19:11

Brah Yêsu plơ̆ lah: “Lah tă bơh klơ mâu ăn, may mâu geh nau dơi klơ Gâp ôh, mbu nơm jao Gâp ma may jêng geh nau tih jru lơn đŏng.”

Kôranh Oh Mon 2:23

Bu nhŭp jao Păng tĭng nau dăp ƀư hŏ dăp nal jêh ri tĭng nau Brah Ndu gĭt lor, khân may hŏ manh ti phung djơh mhĭk pâng Păng klơ si tâm rkăng jêh ri nkhĭt Păng.

Samƀŭt Pôl Njuăl Ăn Ma Phung Nsing Ta Ƀon Rôm 1:32

Khân păng rlau ma gĭt nau vay Brah Ndu hŏ nal pô aơ ma mbu nơm ƀư lĕ nau tih pônây jêng khư khĭt. Pôri, mâu di knŏng khân păng nơm ƀư lĕ nau nây, ƀiălah khân păng tâm di ndrel ma phung êng ƀư tâm ban đŏng.

Samƀŭt Pôl Njuăl Ăn Ma Phung Nsing Ta Ƀon Rôm 4:15

Yorlah nau vay djôt leo tât nau ji nuih, ƀiălah moh ntŭk mâu geh nau vay mâu đŏng geh nau rlau nau vay ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

I Kôrintô 9:21

Đah phung mâu geh nau vay — nđâp tơlah đah Brah Ndu, gâp mâu di gâp mâu geh nau vay, yorlah gâp gŭ tâm dâng nau vay Brah Krist — gâp plơ̆ jêng tâm ban mâu geh nau vay gay ma dơi njŭn leo phung mâu geh nau vay.

Galati 3:10

Bi lĕ rngôch bunuyh rnơm ma kan nau vay mra geh nau rtăp rak; yorlah geh nau nchih: “Khư ma rak rtăp ngăn ma mbu nơm mâu nâp djôt prăp lĕ ntil hŏ nchih tâm ndrom samƀŭt nau vay!”

Galati 3:22

Ƀiălah Nau Brah Ndu Ngơi mbơh da dê lĕ ntil ndơ gŭ tâm dâng nau dơi ktang nau tih, gay ma nau chroh tâm Brah Yêsu Krist, nau ton dơi ăn ma phung chroh.

Nau Vay Nkah Tay 27:26

‘Khư ma rak rtăp ngăn ma mbu nơm mâu ƀư tĭng kơt ôh rplay ngơi nau vay aơ!’ Ăn lĕ rngôch phung ƀon lan mra plơ̆ lah: ‘Amen!’ ”

Yakơ 2:10

Yorlah mbu nơm djôt prăp lĕ rngôch nau vay, ƀiălah ƀư tih du ntil nau vay, jêng tâm ban ma bunuyh hŏ ƀư tih lĕ rngôch nau vay nây.