Samƀŭt Pôl Njuăl Ăn Ma Phung Nsing Ta Ƀon Rôm 15:26 - Nau Brah Ndu Ngơi 2023

²⁶ yorlah phung Masêđôn jêh ri phung Akai riu prăk maak ma lĕ nuih n'hâm gay kơl ma phung o ach hâu ngăn tâm phung kloh ueh gŭ ta ƀon Yêrusalem.

Bunong Bible Latin Script Cambodian dialect

²⁶ Oh nô ta nau nsing ta bri Masêđôn, ndrel ma ta bri Akhây, khân păng lĕ tâm rgum prăk rial ma lĕ nuih n'hâm ngăn gay ma kơl phung o ach i lĕ nsing ta ƀon Yêrusalem ri.

Bunong

²⁶ អ៝ស​នោ​តា​នាវ​ញឆីង​តា​ឞ្រី​មាឆេដោន  នទ្រែល​មា​តា​ឞ្រី​អាខៃ  ខាន់​ពាង់​លែៈ​តឹម​រាគូម​ព្រាក់​រៀល​មា​លែៈ​នូយ្ស​នហ៝ម់​ងាន់​គៃ​មា​កើល​ផូង​អ៝​អាច​អី​លែៈ​ញឆីង​តា​ប៝ន​យេរូឆាលឹម  ​រី។

Samƀŭt Pôl Njuăl Ăn Ma Phung Nsing Ta Ƀon Rôm 15:26 ပူးပေါင်းရင်းမြစ်များ

Nau Hôr 14:21

Mbu nơm tâm rmot ma phung chiau meng jêng tih, Bi ma nơm yô̆ nđach ma phung o ach geh nau ueh maak ngăn.

Nau Hôr 14:31

Phung tŭn jot bunuyh o ach suai rak ma Nơm rhăk njêng păng, Mbu nơm yô̆ an ma bunuyh o ach jêng nau yơk ma Păng.

Nau Hôr 17:5

Mbu nơm mưch bunuyh ndĭt trơi jêng suai rak ma Nơm Rhăk Njêng păng; Mbu nơm maak răm ma nau rêh ni mâu mra klaih ôh bơh nau tâm rmal.

Sakari 11:11

Pôri Păng ngroh lơi nau tâm rnglăp tâm nar nây ro, jêh ri phung biăp rêh ni ngăn tâm mpôl phung biăp tĭng ndô̆ Gâp gĭt pô aơ, nây jêng nau Brah Yêhôva ngơi.

Sakari 11:7

Pôri, Gâp chiăp phung biăp dăch bu sreh nkhĭt, jêng phung biăp rêh ni ngăn. Gâp dŏng bar mlâm mâng jra: du mlâm mâng bu ntơ jêng Nau Yô̆, du mlâm mâng bu ntơ Nau Tâm Rnglăp gay ma chiăp phung biăp.

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Mathay 26:11

Yorlah khân may geh ƀaƀơ bunuyh o ach gŭ jŭm khân may nơm, ƀiălah mâu di Gâp gŭ jŏ ôh.

Luka 14:13

Ƀiălah tơlah may ndrăp nau sông sa, jă hom phung o ach, phung lŭt jâng ti, phung rvĕn, phung chieh măt

Luka 6:20

Brah Yêsu n'gơr măt uănh ma phung oh mon jêh ri lah: “Ueh maak ngăn ma phung kon jêng phung bunuyh o ach, Yorlah ƀon bri hađăch Brah Ndu prăp ăn ma phung kon

Kôranh Oh Mon 16:12

tă bơh nây, hên hăn ta ƀon Philip, du ƀon lor lơn tâm n'gor Masêđôn, jêng n'gor phung Rôm chiă uănh. Hên gŭ ta nây bar pe nar.

Kôranh Oh Mon 16:9

Dôl măng, Y-Pôl geh nau saơ pô aơ: Geh du huê bunuyh Masêđôn dâk tanăp păng jêh ri dăn lah pô aơ: “Dăn may rgăn ta n'gor Masêđôn kơl hên!”

Kôranh Oh Mon 18:12

Ƀiălah dôl Y-Galiôn jêng kôranh toyh chiă uănh n'gor Akai, phung Yuđa du ai nau tâm rdâng đah Y-Pôl jêh ri njŭn leo păng ta ntŭk ngih phat dôih.

Kôranh Oh Mon 19:21

Jêh lôch nau nây, Y-Pôl mĭn ŭch hăn ta ƀon Yêrusalem, rgăn n'gor Masêđôn jêh ri n'gor Akai. Păng lah: “Tơlah gâp tât ta nây, gâp mra khâl lĕ ƀon Rôm.”

Kôranh Oh Mon 9:13

Y-Ananias ơh: “Ơ Kôranh Brah, gâp tăng jêh âk bunuyh lah ma nơm nây ƀư djơh hâu ngăn ma phung kloh ueh May tâm ƀon Yêrusalem.

I Kôrintô 16:15

Hơi phung oh nâu, gâp hôm du tong ntĭnh đŏng, khân may gĭt rnăk vâl Y-Stêphanas jêng play bôk yan ta n'gor Akai; khân păng pah kan lĕ nuih n'hâm ma phung kloh ueh.

I Kôrintô 16:5

Gâp mra hăn chop khâl khân may pakơi nôk gâp tât n'gor Masêđôn, yorlah gâp ŭch tât n'gor Masêđôn.

II Kôrintô 1:16

Gâp tâm nal hăn chop khâl khân may dôl hăn trong tât ta n'gor Masêđôn; jêh nây tă bơh n'gor Masêđôn plơ̆ sĭt đŏng ta khân may, jêh ri khân may mra kơl gâp hăn tât ta n'gor Yuđa.

II Kôrintô 11:9

Tâm mông gŭ ndrel đah khân may, mâp pưt kƀah, gâp mâu mâp ƀư jêr bu ôh, yorlah phung oh nâu gŭ ta n'gor Masêđôn văch sâm ăn jêh lĕ ndơ gâp pưt. Tâm lĕ nau, gâp njrăng mâu ŭch ƀư jêr ma khân may ôh, jêh ri gâp ăt ƀư tâm ban lĕ.

II Kôrintô 2:13

ƀiălah gâp mâu đăp rmên yorlah gâp mâu mâp Y-Tit, oh nâu gâp. Yor nây, gâp tâm nkhah phung bunuyh ta nây gay hăn ma n'gor Masêđôn.

II Kôrintô 7:5

Yorlah nôk tât ta n'gor Masêđôn, nglay săk hên mâu mâp geh rlu ôh, nau rêh ni gŭ jŭm hên — nau tâm lơh padih, nau klach tâm trôm.

II Kôrintô 9:12

Yorlah nau kơl aơ mâu di knŏng ƀư tŏng nau ŭch ma phung kloh ueh ôh, ƀiălah hôm ƀư ăn âk bunuyh lah ueh ma Brah Ndu đŏng.

II Kôrintô 9:2

Yorlah gâp gĭt jêh ma nuih n'hâm lŏng khân may, jêh ri gâp tâm mpơl ma khân may đah phung Masêđôn ma phung Akai rơm ndrăp jêh bơh năm e, nuih n'hâm duh nđơr tâm n'hao nuih khân may hŏ ntrôl âk bunuyh.

II Kôrintô 9:4

klach lah tơlah phung Masêđôn hăn ndrel văch ta gâp, saơ khân may mâu rơm ndrăp pôri hên — mâu ŭch lah ma khân may ôh — mra geh nau đit prêng yorlah lĕ rnơm jêh kơt nĕ.

Philip 4:15

Hơi phung ƀon Philip, khân may gĭt jêh tâm rnôk ntơm mbơh nkoch Nau Mhe Mhan Ueh, dôl gâp du luh tă bơh n'gor Masêđôn, knŏng phung khân may dơm kơl gâp, mâu geh Ngih Brah Ndu ƀaƀă dơi kơl nau dŏng tâm nau rêh gâp.

I Têsalônik 1:7

Yor ri, khân may hŏ jêng nau leo trong ueh ma lĕ rngôch phung chroh tâm n'gor Masêđôn jêh ri n'gor Akai.

I Têsalônik 1:8

Yorlah nau chroh Kôranh Brah tă bơh khân may hŏ lư ngăn, mâu di knŏng n'gor Masêđôn jêh ri Akai dơm ôh, ƀiălah nau khân may chroh tâm Brah Ndu hŏ tăng lư lam ntŭk, kŏ tât hên mâu hôm ŭch gay ngơi ntop đŏng ôh.

I Têsalônik 4:10

nanê̆ ngăn khân may dôl ƀư kơt nây đŏng ma lĕ rngôch phung oh nâu lam tâm n'gor Masêđôn. Ƀiălah hơi oh nâu, hên nti nkah ma khân may lơ hô tâm rŏng lơn đŏng.

I Timôthê 1:3

Tâm ban gâp nkah jêh ma may dôl gâp hăn ta n'gor Masêđôn, ăn may gŭ ta ƀon Êphêsô gay ntĭm nti ma du phung bunuyh mâu dơi nti du nau chroh êng,

ផីលេមោន 1:5

yorlah gâp tăng jêh nau may chroh ma Kôranh Brah jêng Brah Yêsu, jêh ri nau may rŏng ma lĕ rngôch phung kloh ueh.