Samƀŭt Pôl Njuăl Ăn Ma Phung Nsing Ta Ƀon Rôm 14:13 - Nau Brah Ndu Ngơi 2023

¹³ Pôri he lơi phat dôih ndrăng he nơm đŏng ôh, ƀiălah ueh lơn mâu dơm lŭ ƀư chêh jâng mâu lah lơi ƀư king ma phung oh nâu he nơm.

Bunong Bible Latin Script Cambodian dialect

¹³ Kơt ndri dâng ăn bân mâu hôm ôh tâm phat nau tih ndrăng nơm jât, yơn ma ăn bân gŭ rêh mâu ôh jan ndơ du ntil i ăn oh nô ta nau nsing prah srok, mâu lah ntlơi nau nsing.

Bunong

¹³ កើត​នទ្រី​ទឹង​អ៝ន់​ឞ៝ន់​មោ​ហោម​អោស​តឹម​ផាត​នាវ​តីស​នទ្រាង់​នើម​ជឹត យើន​មា​អ៝ន់​ឞ៝ន់​គុ​រេស​មោ​អោស​ជាន​នទើ​ទូ​នតីល​អី​អ៝ន់​អ៝ស​នោ​តា​នាវ​ញឆីង​ព្រាស​ឆ្រ៝ក មោ​លាស​នត្លើយ​នាវ​ញឆីង។

Samƀŭt Pôl Njuăl Ăn Ma Phung Nsing Ta Ƀon Rôm 14:13 ပူးပေါင်းရင်းမြစ်များ

II Samuel 12:14

Ƀiălah, yorlah ma nau aơ, hađăch njêng ma phung rlăng Brah Yêhôva ngơi sưr ma Păng, rĭ dĭng kon bu klâu deh jêh ma hađăch mra khĭt.”

Êsai 57:14

Geh nau ngơi; “Nkra hom trong, nkra hom trong! Rli ăn lâng hom trong! Mƀăr lơi hom lŭ ƀư chêh bơh trong phung ƀon lan Gâp!”

Êsêkiêl 14:3

“Hơi kon bunuyh, phung aơ prăp rup brah tâm nuih n'hâm jêh ri dơm nau mhĭk panăp khân păng nơm ƀư chêh prah. Di lĕ Gâp lŏ ăn khân păng ôp Gâp?

Kan Lêvi 19:14

Lơi ta mưch rmot ma bunuyh tê̆k mâu lah ndơm ndơ chêh jâng ma bunuyh chieh măt, ƀiălah ăn khân may klach yơk ma Brah Ndu. Gâp jêng Brah Yêhôva.

Mathay 16:23

Ƀiălah Brah Yêsu rle măt uănh ta Y-Pêtrôs jêh ri lah: “Hơi Satan, rŭch plơ̆ hom pakơi Gâp! May ŭch ƀư tŭp Gâp; yorlah may mâu mĭn ma kan Brah Ndu, ƀiălah knŏng mĭn ma kan kon bunuyh.”

Mathay 18:7

“Rêh ni ngăn ma neh ntu yor lĕ nau ƀư ma bu chêh prah! Yorlah lĕ nau ƀư bu chêh prah jêng geh ngăn, ƀiălah rêh ni ngăn ma mbu jêng nơm ƀư nau chêh prah!

Mathay 7:1

“Lơi phat dôih bu gay khân may mâu mra geh nau phat dôih.

Luka 12:57

Mâm ƀư khân may mâu sek uănh êng khân may nơm moh nau jêng di?

Luka 17:2

Ueh lơn kât mpăl lŭ ta trô ko păng jêh ri klŭp păng tâm dak mƀŭt, ma ăn păng ƀư ma du huê tâm phung kon se jê̆ aơ ƀư tih.

Samƀŭt Pôl Njuăl Ăn Ma Phung Nsing Ta Ƀon Rôm 11:9

Y-Đavit lah: “Ŭch ma sưng sông sa khân păng plơ̆ jêng dăk sân jêh ri nhuăl drăng, Lŭ chêh jâng jêh ri nau plơng bôk ma khân păng;

Samƀŭt Pôl Njuăl Ăn Ma Phung Nsing Ta Ƀon Rôm 14:10

Ƀiălah may, mâm ƀư may phat dôih oh nâu may? Mâu lah mâm ƀư may rmot ma oh nâu may? Yorlah lĕ rngôch he mra gŭ tanăp ta ntŭk ngih phat dôih Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 14:3

Bunuyh sa lơi mưch rmot ôh ma nơm mâu geh sa, jêh ri bunuyh mâu geh sa, lơi nduyh ôh ma nơm sa; yorlah Brah Ndu rom păng jêh.

Samƀŭt Pôl Njuăl Ăn Ma Phung Nsing Ta Ƀon Rôm 14:4

Mbu moh may phat dôih oh mon bu? Păng gŭ dâk mâu lah chôt, nây jêng nau kan kôranh păng. Ƀiălah păng mra gŭ dâk, yorlah Kôranh Brah geh nau dơi ăn păng gŭ dâk.

Samƀŭt Pôl Njuăl Ăn Ma Phung Nsing Ta Ƀon Rôm 16:17

Hơi oh nâu, gâp nkah ma khân may, uănh njrăng hom ma mbu nơm ƀư nau tâm nkhah mpôl jêh ri ƀư chêh prah, tâm rdâng đah ma nau ntĭm nti khân may nti jêh. Der hom khân may ngai đah khân păng.

I Kôrintô 10:32

Lơi ƀư nau chêh prah ma phung Yuđa, mâu lah phung Grek, mâu lah ma Phung Ngih Brah Ndu ôh.

I Kôrintô 11:13

Ăn khân may sek uănh êng, nau bu ur mbơh sơm ma Brah Ndu ƀiălah mâu nkŭm bôk, tâm di lĕ?

II Kôrintô 5:14

Yorlah nau rŏng Brah Krist ntrôl hên, jêh ri hên mĭn, tơlah du huê khĭt jêh ma lĕ rngôch bunuyh, lĕ rngôch bunuyh khĭt da dê jêh.

II Kôrintô 6:3

Hên mâu ƀư chêh prah ôh ma bu, gay bu mâu dơi nduyh ôh ma nau hên pah kan.

Philip 1:10

kơl ma khân may gĭt rnglah êng moh nau jêng dŭt ueh, gay tâm nar Brah Krist khân may geh nau kloh, mâu geh ntŭk dơi nduyh ôh,

I Timôthê 5:14

Yor ri, gâp ŭch ma phung bu ur ndrô druh ueh lơn sŏk sai, deh kon, mât uănh rnăk vâl khân păng nơm, mâu njêng mông găl ma phung rlăng ngơi bêk prêng.

Yakơ 2:4

Kơt nĕ, di lĕ khân may uănh jêng êng êng tâm phung khân may jêh ri phat dôih ma nau mĭn mhĭk nâm bu pônây?

Yakơ 4:11

Hơi oh nâu, lơi ta khân may ngơi mhĭk ndrăng khân may nơm ôh. Mbu nơm ngơi mhĭk ma oh nâu păng nơm mâu lah phat dôih ma oh nâu păng nơm, nâm bu ntĭt ngơi mhĭk ma nau vay jêh ri phat dôih ma nau vay. Ƀiălah tơlah may phat dôih ma nau vay, may mâu di jêng bunuyh jan tĭng ma nau vay ôh, ƀiălah may jêng kôranh phat dôih ma nau vay.

I Yôhan 2:10

Mbu nơm rŏng ma oh nâu păng nơm, păng gŭ tâm nau ang, ntŭk bunuyh nây mâu geh ndơ ƀư chêh prah ôh.

Nau Tâm Mpơl 2:14

Ƀiălah Gâp geh nau ƀaƀă nduyh may: Ntŭk may gŭ geh bunuyh ƀaƀă hăn tĭng nau ntĭm nti Y-Balam, păng hŏ ntĭm ma Y-Balak dơm lŭ chêh jâng tanăp phung Israel gay ma khân păng sa ndơ ƀư brah ma rup brah jêh ri ƀư tih nau văng tĭr.