Samƀŭt Pôl Njuăl Ăn Ma Phung Nsing Ta Ƀon Rôm 12:2 - Nau Brah Ndu Ngơi 2023

² Lơi ƀư tâm ban ma phung rnôk aơ, ƀiălah tâm rgâl hom ma nau mĭn mhe khân may, gay tâm rnglah moh nau mĭn ŭch ueh, di nuih n'hâm jêh ri nŭm rĭng ma Brah Ndu.

Bunong Bible Latin Script Cambodian dialect

² Lơi hôm ôh jan tâng nau gŭ rêh bunuyh i mâu nsing ma Brah Krist vay jan, ăn Kôranh Brah rgâl lơi nuih n'hâm nau mân ơm ăn jêng mhe, gay ma ăn khân ay may gĭt moh ndơ i Kôranh Brah ŭch, jêng ndơ i ueh, i ăn Păng răm maak, dâng lĕ ndơ i dŭt ueh.

Bunong

² លើយ​ហោម​អោស​ជាន​តឹង​នាវ​គុ​រេស​ឞូនុយ្ស​អី​មោ​ញឆីង​មា​ឞ្រាស​ក្រីស  ​វៃ​ជាន អ៝ន់​កោរាញ​ឞ្រាស​រាគ៝ល់​លើយ​នូយ្ស​នហ៝ម់​នាវ​មឹន​អើម​អ៝ន់​ជេង​មហែ គៃ​មា​អ៝ន់​ខាន់​អៃ​មៃ​គឹត​ម៝ស​នទើ​អី​កោរាញ​ឞ្រាស​អុច ជេង​នទើ​អី​អ្វែស អី​អ៝ន់​ពាង់​រាម់​មអាក ទឹង​លែៈ​នទើ​អី​ទុត​អ្វែស។

Samƀŭt Pôl Njuăl Ăn Ma Phung Nsing Ta Ƀon Rôm 12:2 ပူးပေါင်းရင်းမြစ်များ

Êsra 10:11

Pôri aƀaơ, mbơh hom nau tih khân may ma Yêhôva Brah Ndu chô yau khân may, jêh ri ƀư tĭng nâm nau mĭn ŭch Păng: Tâm nkhah hom khân may nơm bơh lĕ ntil mpôl bunuyh gŭ tâm n'gor jêh ri bơh phung ur bu năch.”

Nau Mprơ Ơm 119:103

Nau May ngơi jêng njŭng mpiăt gâp hâu ngăn! Nanê̆ njŭng lơn ma dak sŭt tâm trôm mbung gâp!

Nau Mprơ Ơm 119:128

N'hêl nanê̆ ngăn, gâp gĭt năl lĕ nau May ntăm ma lĕ ntil mpô mpa jêng di ngăn; Jêh ri gâp tâm rmot ma lĕ rngôch trong nau mƀruh.

Nau Mprơ Ơm 119:174

Ơ Brah Yêhôva; gâp ŭch rŏng ma nau May tâm rklaih, Jêh ri gâp rŏng ma nau vay May.

Nau Mprơ Ơm 119:72

Nau vay tă bơh bâr mbung May ntĭnh ntăm Jêng khlay ngăn ma gâp rlau ma âk rbăn mah jêh ri prăk.

Nau Mprơ Ơm 119:97

Gâp rŏng kơnh ngăn ngên ma nau vay May! Lĕ nar gâp gŭ mĭn ma nau vay nây.

Nau Mprơ Ơm 34:8

Rlong ler hom jêh ri gĭt năl Brah Yêhôva ueh reh hâu ngăn ngên! Ueh maak ngăn mbu nơm gŭ krap tâm Păng!

Nau Mprơ Ơm 51:10

Ơ Brah Ndu! Dăn njêng tâm gâp du nuih n'hâm kloh rsang Jêh ri ƀư mhe tâm gâp du huêng sŏng.

Nau Ngluh Êjipt 23:2

Lơi ta may tĭng ôh phung âk gay ƀư nau djơh mhĭk. Lah ƀư nơm mbơh nau tâm phong bu, lơi may gŭ ôh mpeh phung âk gay ma nsak lơi nau di.

Êsêkiêl 18:31

Mƀăr ngai hom đah khân may lĕ rngôch nau tih khân may ƀư jêh. Ƀư hom ma khân may nơm nuih n'hâm mhe jêh ri huêng brah mhe! Hơi ngih Israel, mâm ƀư khân may ŭch khĭt?’

Êsêkiêl 36:26

Gâp mra ăn ma khân may nuih n'hâm mhe jêh ri Gâp mra dơm huêng brah mhe tâm khân may. Gâp mra sŏk lơi nuih n'hâm ma lŭ bơh nglay săk khân may jêh ri ăn ma khân may nuih n'hâm ma mlay.

Mathay 13:22

Grăp ntil tŭp ta nklang pŭm lok jêng nơm tăng nau ngơi ƀiălah nau rvê ma rnôk aơ, nau kơnh ma nau ndrŏng ƀư ma nau ngơi in nu jêh ri mâu dơi geh play ôh.

Markôs 4:19

ƀiălah mĭn rvê ma nau rêh rnôk aơ, kơnh tâm nau ndrŏng, jêh ri kơnh drăp ndơ êng êng pit in nuih n'hâm khân păng, ƀư nu nau ngơi, mâu dơi geh play ôh.

Yôhan 14:30

Gâp mâu mra hôm ngơi âk ma khân may ôh, yorlah nơm chiă uănh neh ntu aơ văch. Păng mâu geh nau dơi đah Gâp ôh,

Yôhan 15:19

Lah khân may jêng ndơ neh ntu, neh ntu mra rŏng ma phung bunuyh păng nơm. Ƀiălah khân may mâu jêng ndơ neh ntu ôh, yorlah Gâp săch jêh khân may tă bơh nklang neh ntu, yor ri neh ntu tâm rmot ma khân may.

Yôhan 17:14

Kon hŏ ntrŭnh jêh nau Mbơ̆ ngơi ma khân păng, jêh ri neh ntu tâm rmot ma khân păng, yor khân păng mâu jêng phung neh ntu, nâm bu Kon mâu jêng bunuyh neh ntu tâm ban lĕ.

Yôhan 7:7

Neh ntu mâu dơi tâm rmot ma khân may ôh ƀiălah tâm rmot ma gâp, yorlah gâp hŏ mbơh ma neh ntu gĭt pô aơ nau kan khân păng jêng djơh mhĭk.

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

Samƀŭt Pôl Njuăl Ăn Ma Phung Nsing Ta Ƀon Rôm 13:14

Ƀiălah ăn khân may nsoh hom Kôranh Brah jêng Brah Yêsu Krist, lơi joi nau ƀư mpay ma lĕ nau kơnh ŭch nglay săk.

Samƀŭt Pôl Njuăl Ăn Ma Phung Nsing Ta Ƀon Rôm 7:12

Pôri, nau vay jêng kloh, nau vay ntăm ăt jêng kloh, sŏng srăng, jêh ri ueh.

Samƀŭt Pôl Njuăl Ăn Ma Phung Nsing Ta Ƀon Rôm 7:14

He gĭt nau vay jêng brah huêng; ƀiălah gâp jêng bunuyh nglay săk hŏ tăch jêh ma nau tih.

Samƀŭt Pôl Njuăl Ăn Ma Phung Nsing Ta Ƀon Rôm 7:22

Yorlah tâm trôm nuih n'hâm, gâp răm maak ma nau vay Brah Ndu;

I Kôrintô 3:19

Yorlah nau blau mĭn tâm rnôk aơ jêng nau brŭt ndrăng tanăp Brah Ndu. Tâm ban geh nchih pô aơ: “Kôranh Brah nhŭp phung blau mĭn Tâm nau plĕch rlăm khân păng.”

II Kôrintô 4:4

Brah tâm rnôk aơ ƀư chieh măt nau mĭn ma phung bunuyh mâu chroh, gay khân păng mâu saơ nau ang Nau Mhe Mhan Ueh chrêk rmah tâm Brah Krist, jêng rup Brah Ndu.

II Kôrintô 5:17

Pô ri, tơlah mbu nơm gŭ tâm Brah Krist, păng jêng bunuyh rhăk njêng mhe jêh, lĕ ndơ ơm rlau lôch jêh, aơ, lĕ rngôch ndơ jêng mhe da dê jêh.

Galati 1:4

Brah Yêsu Krist hŏ sân săk Păng nơm yor nau tih he gay ma tâm rklaih he bơh rnôk rô̆ djơh mhĭk aơ, tĭng di nâm nau mĭn Brah Ndu ŭch, Mbơ̆ he.

Êphêsô 1:18

Gâp dăn đŏng Păng sol ang măt nuih n'hâm khân may, gay ma khân may gĭt năl moh nau kâp gân tâm Kôranh Brah kuăl jêh khân may văch, mâm nau ndrŏng tâm drăp ndơn chrêk rmah Păng tâm phung kloh ueh,

Êphêsô 2:2

jêng lĕ nau khân may hŏ tă tĭng dôl hôm rêh tĭng nâm nau mơng ta neh ntu aơ, tông tĭng nơm chiă uănh tâm ndâr tŭk, jêng brah dôl pah kan tâm lĕ phung kon mâu tông bâr.

Êphêsô 5:17

Yor nây, lơi plơ̆ jêng nâm bu phung rluk mâl ôh, ƀiălah ăn khân may gĭt vât ra vah moh nau mĭn Kôranh Brah ŭch.

Kôlôh 1:9

Yor nây, bơh nar tăng nau nây, hên mâu rlu mbơh sơm ma khân may, dăn Brah Ndu ăn ma khân may geh nau gĭt năl rah vah nau mĭn ŭch Păng tâm lĕ nau blau mĭn jêh ri gĭt rbăng tâm nau rêh huêng

Kôlôh 3:10

jêh ri nsoh bunuyh mhe, jêng bunuyh dơi rgâl mhe tâm nau gĭt năl, tĭng nâm rup Nơm rhăk bunuyh nây.

Kôlôh 4:12

Y-Êpapras, bunuyh ƀon ndrel khân may, du huê oh mon ma Yêsu Krist jô̆ khâl ma khân may; păng tâm lơh tâm nau mbơh sơm yor khân may; gay khân may plơ̆ jêng nŭm rĭng jêh ri ƀư lôch lĕ nau mĭn ŭch Brah Ndu.

I Têsalônik 4:3

Yorlah nau mĭn Brah Ndu ŭch khân may dơi geh nau kloh ueh, ăn der ngai nau văng tĭr;

Titus 3:5

mâu di ôh yor kan sŏng he hŏ ƀư jêh, ƀiălah yor nuih n'hâm yô̆ nđach bơh Păng, tâm nau ƀư kloh bơh nau deh mhe jêh ri nau rgâl mhe bơh Brah Huêng Ueh,

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.

Yakơ 4:4

Nĕ lĕ bunuyh văng tĭr ri! Khân may mâu gĭt hĕ ƀư băl đah neh ntu jêng tâm rlăng đah Brah Ndu? Yor nây, mbu nơm ŭch ƀư băl đah neh ntu, bunuyh nây jêng nơm rlăng đah Brah Ndu.

I Pêtrôs 1:14

Nâm bu phung kon tông bâr, khân may lơi ƀư tĭng lĕ nau kơnh ŭch kăl e, dôl khân may gŭ tâm nau rluk mâl.

I Pêtrôs 1:18

Yorlah khân may gĭt jêh mâu di ma lĕ ndơ blau rai yot nâm bu prăk mâu lah mah ôh khân may geh nau chuai bơh nau rêh dơm dam ntơm bơh phung chô yau khân may nơm nkoch tay,

I Pêtrôs 2:3

tơlah khân may hŏ chiăm ăn gĭt Kôranh Brah jêng njŭng ngăn.

I Pêtrôs 4:2

gay ma dôl hôm gŭ rêh tâm nglay săk, khân may mâu hôm gŭ rêh tĭng nâm nau bunuyh kơnh ŭch ôh, ƀiălah tĭng nâm Brah Ndu ŭch.

II Pêtrôs 1:4

Tă bơh nau chrêk rmah jêh ri nau ueh nây, Păng ăn jêh ma he lĕ nau ton toyh jêh ri dŭt khlay, gay tă bơh nĕ khân may dơi der luh bơh nau djơh mhĭk tâm neh ntu tă bơh nau kơnh mhĭk, jêh ri plơ̆ jêng bunuyh geh kô̆ tâm nau ŭch ta klơ trôk.

II Pêtrôs 2:20

Yorlah tơlah ma nau gĭt năl Kôranh Brah jêh ri Nơm Tâm Rklaih he jêng Brah Yêsu Krist, khân păng klaih bơh nau ƀơ̆ ƀơch tâm neh ntu, ƀiălah aƀaơ ri lŏ geh nau têk leo jêh ri plơ̆ lăp tâm dâng lĕ nau nây du tơ̆ đŏng, pôri tâm nau nglĕ dŭt khân păng mra mhĭk lơn rnôk dak bôk.

I Yôhan 3:13

Hơi phung oh nâu, tơlah neh ntu tâm rmot ma khân may, lơi hih rhâl.

I Yôhan 5:19

He gĭt he nơm jêng phung Brah Ndu, bi lĕ neh ntu gŭ tâm dâng nau dơi brah mhĭk da dê.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.

Nau Tâm Mpơl 13:8

Lĕ rngôch bunuyh gŭ rêh ta neh ntu mra yơk mbah ma păng, nâm bu ntĭt phung mâu geh amoh săk nchih tâm ndrom samƀŭt nau rêh Kon Biăp bu nkhĭt jêh ntơm bơh nau rhăk njêng neh ntu.