Samƀŭt Pôl Njuăl Ăn Ma Phung Nsing Ta Ƀon Rôm 12:17 - Nau Brah Ndu Ngơi 2023

¹⁷ Lơi sŏk nau mhĭk mplơ̆ nau mhĭk ma bu; gơih mĭn hom ƀư nau ueh tanăp lĕ rngôch bunuyh.

Bunong Bible Latin Script Cambodian dialect

¹⁷ Lơi ôh plơng ndơ djơh ma bu jan djơh mhĭk, ăn nsrôyh jan ndơ i dâng lĕ bunuyh kơp ueh.

Bunong

¹⁷ លើយ​អោស​ព្លើង​នទើ​អ្យើស​មា​ឞូ​ជាន​អ្យើស​មហឹក អ៝ន់​ញឆ្រោយ្ស​ជាន​នទើ​អី​ទឹង​លែៈ​ឞូនុយ្ស​កើប​អ្វែស។

Samƀŭt Pôl Njuăl Ăn Ma Phung Nsing Ta Ƀon Rôm 12:17 ပူးပေါင်းရင်းမြစ်များ

Nau Ntơm 42:25

Y-Yôsep đă bu sŏk ba ƀlê troch bêng ăp ƀau khân păng jêh ri mplơ̆ tay rnoh prăk; prăk mbu nơm dơm tâm ƀau ba nơm nây, jêh ri ăn ma khân păng ndơ sông sa njŏ trong. Bu ƀư di kơt nây.

Nau Hôr 20:22

Lơi lah ôh: “Gâp mra har plơng!” Gŭ kâp hom Brah Yêhôva, Păng mra rklaih may.

Nau Hôr 24:29

Lơi lah ôh: “Gâp mra ƀư ma păng nâm bu păng hŏ ƀư ma gâp; Gâp mra har plơng ma ăp nơm tĭng nâm nau păng hŏ ƀư.”

Mathay 5:24

ăn ndơ nhhơr panăp nơng ƀư brah, plơ̆ sĭt ƀư đăp mpăn đah oh nâu may lor, jêh nây văch hom nhhơr ndơ ƀư brah.

Mathay 5:39

Ƀiălah Gâp lah ma khân may: Lơi tâm rdâng ôh đah bunuyh mhĭk. Ƀiălah, tơlah bu tap bom pa ma, ăn bom pa chiau ma păng tap tâm ban lĕ;

Samƀŭt Pôl Njuăl Ăn Ma Phung Nsing Ta Ƀon Rôm 12:19

Hơi phung oh nâu gâp rŏng ơi, Lơi ta khân may lơi plơng bu, ƀiălah ăn ma nau Brah Ndu ji nuih; yorlah geh nau Kôranh Brah lah jêh: “Nau plơng bôk jêng nau Gâp. Gâp mra plơng bôk.”

Samƀŭt Pôl Njuăl Ăn Ma Phung Nsing Ta Ƀon Rôm 14:16

Pônây lơi ăn nau ueh khân may bu gơm mưch ma khân may.

Kôlôh 4:5

Ăn khân may gŭ ngao blau mĭn tanăp phung bu năch, jêh ri blau dŏng mông nar.

I Têsalônik 4:12

pô nây, nau gŭ rêh khân may geh phung padih rnê, jêh ri mâu lĕ rnơm ma bu.

I Têsalônik 5:15

Njrăng hom, lơi sŏk nau mhĭk mplơ̆ nau mhĭk, ƀiălah joi nau ƀư ueh ƀaƀơ ndrăng khân may tâm ban ma lĕ rngôch bunuyh.

I Têsalônik 5:22

ăn khân may der ngai lĕ rngôch nau djơh mhĭk.

I Timôthê 5:14

Yor ri, gâp ŭch ma phung bu ur ndrô druh ueh lơn sŏk sai, deh kon, mât uănh rnăk vâl khân păng nơm, mâu njêng mông găl ma phung rlăng ngơi bêk prêng.

I Pêtrôs 2:12

Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.

I Pêtrôs 3:16

Nôk geh nau ngơi mhĭk, ăn khân may djôt prăp nuih n'hâm sŏng khân may nơm ăn kloh, gay ma phung nsak nkhăng ma nau khân may gŭ ngao ueh tâm Brah Krist geh nau đit prêng.

I Pêtrôs 3:9

Lơi sŏk nau mhĭk mplơ̆ sĭt nau mhĭk mâu lah sŏk nau rak rtăp mplơ̆ sĭt nau rak rtăp; ƀiălah, ăn hom nau ueh uĭn, yorlah nây khân may geh nau kuăl, gay ma khân may dơn nau ueh lăng.

Bu ur Rut 3:14

Pônây păng bê̆ch ta jâng păng tât ang jêh ri dâk ơm ôi gay bah bu gĭt, yorlah Y-Bôas mĭn tâm nuih n'hâm pô aơ: “Lơi ăn bu gĭt ôh ma du huê bu ur văch jêh ma ntŭk mprah ba.”

I Samuel 26:11

Ăn Brah Yêhôva mât mray gâp mâu yơr ti gâp ma nơm Brah Yêhôva lĕ tŏ dak ƀâu kah jêh! May sŏk lơi hom tak ta bôk bê̆ch păng jêh ri dak yăng păng, jêh nây he hăn du.”