Samƀŭt Pôl Njuăl Ăn Ma Phung Nsing Ta Ƀon Rôm 11:25 - Nau Brah Ndu Ngơi 2023

²⁵ Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

Bunong Bible Latin Script Cambodian dialect

²⁵ Ơ oh nô ta nau nsing, gay ma khân ay may mâu ôh uănh êng săk khân ay may nơm jêng geh nau mân gĭt blao hô ngăn, gâp ŭch khân ay may gĭt vât nau i dja i bơh ntơm nơh hôm ndŏp mpôn: Geh bunuyh aƀă ta phung Israel hôm dăng ko mâu ŭch nsing ma Brah Krist. Yơn ma tât dâng lĕ phung i mâu di phung Israel i Kôranh Brah lĕ kơih lăp nsing ma Brah Krist dadê, ri mơ phung Israel bah dăng ko lăp nsing ma Brah Krist đŏng.

Bunong

²⁵ អើ​អ៝ស​នោ​តា​នាវ​ញឆីង គៃ​មា​ខាន់​អៃ​មៃ​មោ​អោស​អ្វាញ់​អេង​ឆាក់​ខាន់​អៃ​មៃ​នើម​ជេង​គែស​នាវ​មឹន​គឹត​ឞ្លាវ​ហោ​ងាន់ គ៝ប់​អុច​ខាន់​អៃ​មៃ​គឹត​វ៝ត់​នាវ​អី​អ្យា​អី​ឞើស​នតើម​នើស​ហោម​នទ៝ប់​មពោន៖ គែស​ឞូនុយ្ស​អាបាៈ​តា​ផូង​អីឆ្រាអែល  ​ហោម​ទាង់​ក៝​មោ​អុច​ញឆីង​មា​ឞ្រាស​ក្រីស  ។ យើន​មា​ត៝ត់​ទឹង​លែៈ​ផូង​អី​មោ​ទី​ផូង​អីឆ្រាអែល  ​អី​កោរាញ​ឞ្រាស​លែៈ​កើយ្ស​លាប់​ញឆីង​មា​ឞ្រាស​ក្រីស  ​ទាទេ រី​មើ​ផូង​អីឆ្រាអែល  ​ឞាស​ទាង់​ក៝​លាប់​ញឆីង​មា​ឞ្រាស​ក្រីស  ​ដ៝ង់។

Samƀŭt Pôl Njuăl Ăn Ma Phung Nsing Ta Ƀon Rôm 11:25 ပူးပေါင်းရင်းမြစ်များ

Nau Mprơ Ơm 107:43

Ăn bunuyh blau mĭn rkêng tôr iăt lĕ nau aơ, Jêh ri mĭn rvê ma nuih n'hâm ueh Brah Yêhôva.

Nau Mprơ Ơm 127:1

Tơlah Brah Yêhôva mâu rdâk ngih Phung rdâk pah kan dơm dam. Tơlah Brah Yêhôva mâu gak njrăng ƀon, Pôri nơm tahan gak rngeh lĕ măng jêng dơm dam .

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Hôr 26:12

May saơ lĕ mbu moh bunuyh blau mĭn kơp êng tĭng măt păng nơm đŏng? Bunuyh rluk hôm e geh nau kâp gân rlau ma păng.

Nau Hôr 26:16

Bunuyh ƀlao mĭn êng păng nơm blau mĭn lơn Rlau pơh bunuyh dơi plơ̆ lah ma nau di.

Êsai 5:21

Rêh ni ngăn ma phung kơp khân păng nơm jêng blau mĭn, Jêh ri kơp ma khân păng nơm jêng gĭt rbăng!

Ndrom Samƀŭt bơh Ôsê 14:9

Mbu nơm jêng bunuyh blau mĭn, gĭt rbăng hom nau aơ? Mbu nơm jêng bunuyh gĭt rbăng, gĭt hom lĕ nau nây? Yorlah lĕ trong Brah Yêhôva jêng sŏng; Phung sŏng srăng mra chuat hăn ta nây, Bi ma phung ƀư tih mra chêh prah ta nây.

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Yôhan 10:16

Gâp hôm geh đŏng biăp êng mâu gŭ tâm n'gar aơ ôh; Gâp mra njŭn leo khân păng plơ̆ sĭt đŏng. Biăp nây mra tăng bâr Gâp, jêh nây mra knŏng geh du phung biăp jêh ri du huê rmăk dơm.

Samƀŭt Pôl Njuăl Ăn Ma Phung Nsing Ta Ƀon Rôm 1:13

Hơi phung oh nâu, gâp ŭch ma khân may gĭt âk tơ̆ jêh gâp tâm nal hăn khâl khân may gay ma rek peh play kao âk ƀhôi tâm phung khân may, tâm ban đŏng ma phung mpôl băl bunuyh êng; ƀiălah gâp geh nau buay tât nar aơ.

Samƀŭt Pôl Njuăl Ăn Ma Phung Nsing Ta Ƀon Rôm 11:12

Tơlah nau ƀư tih khân păng ƀư ndrŏng jêh ma neh ntu, jêh ri tơlah nau rai yot khân păng hŏ ƀư ndrŏng ma phung bu năch, nau bêng ler khân păng mra lơ hô ƀư ndrŏng rlau lơn âk ngăn!

Samƀŭt Pôl Njuăl Ăn Ma Phung Nsing Ta Ƀon Rôm 11:24

Yorlah tơlah êng may, may ơm jêng tơm ôlive bri, Păng koh jêh ri ndop tâm tơm ôlive ueh, êng đah nau mơng, rlau lơn ma khân păng ơm jêng phung n'gĭng mơng khư dơi ndop lăp tơm ôlive khân păng nơm rlau lơn.

Samƀŭt Pôl Njuăl Ăn Ma Phung Nsing Ta Ƀon Rôm 12:16

Gŭ rêh hom ma nau tâm rnglăp ndrel ndrăng khân may; lơi geh nau mĭn sưr rlau, ƀiălah gŭ ndrel đah bunuyh dêh rhêt. Lơi kơp êng nơm jêng bunuyh blau mĭn.

Samƀŭt Pôl Njuăl Ăn Ma Phung Nsing Ta Ƀon Rôm 16:25

Mprơ tâm rnê Nơm geh nau dơi ƀư nâp ktang ma khân may tĭng nâm Nau Mhe Mhan Ueh gâp jêh ri ma nau nti lah ma Brah Yêsu Krist, tĭng nâm nau tâm mpơl ma nau khlay ndâp hŏ pôn ndâp jêh ntơm bơh rbăn kăl e,

Samƀŭt Pôl Njuăl Ăn Ma Phung Nsing Ta Ƀon Rôm 9:18

Nâm bu pônây, Brah Ndu ŭch yô̆ nđach ma mbu nơm Păng yô̆ nđach, Mbu nơm Păng ŭch ƀư dăng nuih n'hâm Păng mra ƀư.

I Kôrintô 10:1

Hơi oh nâu, gâp ŭch khân may gĭt ma lĕ rngôch phung chô yau he gŭ jêh tâm ndâr tŭk da dê; lĕ rngôch khân păng rgăn jêh dak mƀŭt;

I Kôrintô 12:1

Hơi phung oh nâu, gâp mâu ŭch ôh ma khân may mâu gĭt rbăng ma nau dơi ăn tâm nau rêh huêng.

I Kôrintô 2:7

Ƀiălah hên mbơh nkoch ma nau blau mĭn, nau khlay ndâp jêh ri pôn ndâp tâm Brah Ndu, jêng lĕ nau Brah Ndu tâm nal jêh bơh lor lĕ rngôch rnôk ma nau chrêk rmah he.

I Kôrintô 4:1

Pôri, ăn lĕ rngôch bunuyh uănh ma hên nâm bu phung oh mon Brah Krist, phung mât uănh lĕ nau khlay ndâp bơh Brah Ndu.

Êphêsô 1:9

Păng ƀư ăn he gĭt nau khlay ndâp tâm nau Păng ŭch, tĭng nâm nau ŭch ueh Păng hŏ nal jêh tâm Brah Krist,

Êphêsô 3:9

jêh ri mpơl ma lĕ rngôch bunuyh saơ nau dăp ndâp hŏ pôn tâm lĕ rngôch rnôk rô̆ tâm Brah Ndu, Nơm rhăk njêng lĕ rngôch ndơ.

Êphêsô 4:18

Nau mĭn khân păng ngo klĕng, gŭ ngai đah nau rêh Brah Ndu, yor nau rluk mâl gŭ tâm khân păng, jêh ri nuih n'hâm khân păng men dăng.

II Pêtrôs 3:8

Hơi phung gâp rŏng, lơi chuêl ôh ma nau aơ, tanăp Kôranh Brah du nar jêng nâm bu du rbăn năm, du rbăn năm jêng nâm bu du nar.

Nau Tâm Mpơl 1:20

Aơ jêng nau khlay ndâp ma pơh mănh mbing may saơ jêh tâm ti ma Gâp, jêh ri pơh jâng kađen mah: Pơh mănh mbing jêng phung tông mpăr ma phung pơh Ngih Brah Ndu, jêh ri pơh jâng ŭnh kađen jêng pơh Phung Ngih Brah Ndu.”

Nau Tâm Mpơl 10:7

Ƀiălah tât lĕ nar tông mpăr rơh pơh uh nŭng, nau khlay ndâp tă bơh Brah Ndu mra lôch jêh, nâm bu Păng mbơh jêh ma phung oh mon Păng jêng phung nơm mbơh lor.”

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.