Ƀiălah phung Yuđa tâm rmot, jă âk bunuyh janh ƀai tâm trong sâng, tâm rgum phung âk jêh ri ƀư nau uh ah tâm ƀon. Khân păng n'hoch tât ta ngih Y-Yason, joi nhŭp Y-Pôl jêh ri Y-Silas gay ma njŭn leo tanăp phung ƀon lan.
Phung mhĭk, phung janh ƀai tâm rƀŭn ndrel tĭng păng. Khân păng ktang tâm rdâng đah Y-Rôbôam, kon bu klâu Y-Salômôn, bi ma Y-Rôbôam dôl hôm ndăm, vĭ vĕ ê hŏ janh tâm lơh ôh đah khân păng.
Pônây, Y-Jêptê nchuăt du tă bơh phung oh nâu păng jêh ri gŭ tâm n'gor Tôp. Geh du phung blă blơ tâm rnglăp ndrel đah Y-Jêptê jêh ri nsong mblêng pit in ndơ ndrel ma păng.
Y-Đavit tâm ban lĕ plơ̆ sĭt gay ăn nau ueh uĭn ma phung ngih păng nơm. Ƀiălah kon bu ur Y-Sôl jêng H'Mikal văch chuă Y-Đavit jêh ri ngơi: “Nar aơ hađăch phung Israel ƀư chrêk ma lơp păng nơm ngăn, tơlah gŭ săk hưl tra năp măt phung oh mon bu ur, ƀư nâm bu du huê bunuyh dơm dam!”
Khân păng hăn luh ta mir, pĕ krăk ƀâu tâm n'gar trao, kĭn păt ndrănh krăk ƀâu jêh ri ƀư nau nhêt sa. Khân păng lăp tâm ngih brah mhĭk sông sa nhêt, jêh nây rak rtăp ma Y-Abimêlek.