Phung Kôranh Phat Dôih 8:2 - Nau Brah Ndu Ngơi 2023

² Ƀiălah păng plơ̆ lah ma khân păng pô aơ: “Nau gâp dơi ƀư mâu geh khlay đah khân may ôh? Mâu di hĕ nau phung Êphraim dônh play krăk ƀâu jêng ueh lơn ma nau phung Abiêser pĕ play krăk ƀâu?

Phung Kôranh Phat Dôih 8:2 ပူးပေါင်းရင်းမြစ်များ

Kan Lêvi 19:9

Lah khân may kăch roih ba tâm n'gor khân may, lơi kăch roih kŏ tât nglĕ dŭt ta pĭt mir, mâu lĕ mban ndrŏng ba hôm klen.

Nau Kơp Bunuyh 26:30

Aơ jêng phung kon sau Y-Gilêat: Y-Iêser deh luh ndŭl mpôl Iêser; Y-Hêlek deh luh ndŭl mpôl Hêlak;

Phung Kôranh Phat Dôih 6:11

Dôl nôk nây tông mpăr Brah Yêhôva tât gŭ tâm dâng tơm n'ho ta ƀon Ôphra, tơm si nây jêng ndơ Y-Jôas, phung Abiêser. Dôl nây kon bu klâu Y-Jôas jêng Y-Gidêôn gŭ mprah ba ôrgơ ta ntŭk bu păt ndrănh gay der ma phung Madian.

Phung Kôranh Phat Dôih 6:34

Huêng Brah Yêhôva nkŭm Y-Gidêôn; păng uh nŭng, kuăl lĕ phung Abiêser hăn tĭng ndô̆ păng.

Phung Kôranh Phat Dôih 8:1

Phung Êphraim lah đah Y-Gidêôn: “Mâm ƀư may ƀư ma hên nâm bu pô aơ? Mâm ƀư nôk may hăn tâm lơh đah phung Madian, may mâu kuăl hên hăn ndrel ma may?” Khân păng tâm djrel ma păng hâu ngăn ngên.

Phung Kôranh Phat Dôih 8:3

Brah Ndu jao jêh Y-Ôrep jêh ri Y-Sêep jêng bar phung kôranh Madian tâm ti khân may. Moh nau gâp dơi ƀư jêh tơlah tâm rđĭl đah khân may?” Tơlah khân păng tăng lĕ nau ngơi nây, khân păng roh jêh nau ji nuih.