Phung Kôranh Phat Dôih 7:9 - Nau Brah Ndu Ngơi 2023

⁹ Tâm măng nây, Brah Yêhôva lah ma Y-Gidêôn: “Dâk hom, hăn trŭnh rduh lơh rmlak tahan Madian, yorlah Gâp jao jêh khân păng tâm ti may.

Phung Kôranh Phat Dôih 7:9 ပူးပေါင်းရင်းမြစ်များ

II Nau Rêh Jêng 20:17

Tâm nau lơh nây, khân may mâu mra tâm lơh ôh. Gŭ nâp hom tâm ntŭk jêh ri dâk nsrâng gay kâp uănh nau tâm rklaih Brah Yêhôva, Nơm gŭ ndrel ma khân may. Ơ phung Yuđa jêh ri phung gŭ ta Yêrusalem! Lơi klach ôh, lơi krit ôh! Ôi taơ hăn luh tâm mâp hom đah khân păng, yorlah Brah Yêhôva gŭ ndrel ma khân may.’”

Ndrom Samƀŭt bơh Yôp 4:13

Bri măng, lah kon bunuyh lêt bê̆ch Dôl gŭ rvê mĭn gâp saơ nau tâm mpơl.

Mathay 1:20

Dôl nôk Y-Yôsep gŭ mĭn nau nây geh du huê tông mpăr Kôranh Brah mpơl ma păng tâm nau mbơi jêh ri lah pô aơ: “Hơi Y-Yôsep, kon sau Y-Đavit, lơi may klach ôh sŏk H'Mari jêng ur may, yorlah kon păng ntreo tă bơh Brah Huêng Ueh yơh ăn.

Mathay 2:13

Jêh phung njêh sĭt jêh, geh du huê tông mpăr Kôranh Brah mpơl tâm nau mbơi ma Y-Yôsep jêh ri lah ma păng pô aơ: “Dâk hom may, djôt kon se jê̆ jêh ri mê̆ Păng hăn du ndĕ ta Êjipt! May mra gŭ ta nây kŏ tât gâp ngơi ma may, yorlah hađăch Hêrôt mra joi kon se jê̆ nây gay nkhĭt.”

Kôranh Oh Mon 27:23

Yorlah măng ndơh, geh du huê tông mpăr Brah Ndu, Nơm gâp jêng bunuyh ma Păng jêh ri pah kan, tâm mpơl ma gâp jêh ri lah:

Yôsuê 10:8

Brah Yêhôva lah ma Y-Yôsuê: “Lơi klach ôh, yorlah Gâp jao jêh khân păng tâm ti may, mâu hôm geh ôh du huê nơm dơi tâm rdâng tanăp măt may.”

Yôsuê 11:6

Ƀiălah Brah Yêhôva lah ma Y-Yôsuê: “Lơi klach ôh, yorlah nar ôi aơ ta mông aơ, Gâp mra jao lĕ rngôch khân păng tâm ti phung Israel nkhĭt khân păng. Khân may mra koh jâng jon seh jêh ri su lĕ ndeh seh khân păng ma ŭnh.”

Yôsuê 2:24

Khân păng lah ma Y-Yôsuê: “Nanê̆ ngăn, Brah Yêhôva jao jêh lĕ n'gor nây tâm ti he; lĕ rngôch phung gŭ tâm n'gor nây rdja nuih n'hâm da dê tanăp măt phung he.”

Phung Kôranh Phat Dôih 3:10

Huêng Brah Yêhôva jŭr ta păng jêh ri păng chiă uănh phung ƀon lan Israel. Păng hăn tâm lơh jêh ri Brah Yêhôva jao Y-Kusan-Risathaim, hađăch Aram, tâm ti păng. Păng lơh dơi đah Y-Kusan-Risathaim.

Phung Kôranh Phat Dôih 3:28

Y-Êhut lah ma khân păng pô aơ: “Tĭng ndô̆ hom gâp, yorlah Brah Yêhôva jao jêh phung rlăng khân may jêng phung ƀon lan Môap tâm ti khân may.” Khân păng hăn tĭng păng gay trŭnh pit in lĕ ntŭk neh sơh dak krong Yurdan, jêng trong hăn tât ta Môap jêh ri mâu ăn ôh du huê rgăn dak krong.

Phung Kôranh Phat Dôih 7:10

Ƀiălah tơlah may klach mâu nănh rduh lơh, ăn may hăn trŭnh ta pôih tahan ndrel ma oh mon may jêng Y-Pura.

Phung Kôranh Phat Dôih 7:8

Y-Gidêôn ăn lĕ rngôch phung Israel plơ̆ sĭt, ƀiălah păng mât mray pe rhiăng phung nây. Khân păng sŏk ndơ sông sa jêh ri nŭng tâm ti tă bơh phung plơ̆ sĭt jêh. Phung tahan Madian ndâk ngih bok tâm rlŭng, gŭ pa dâng ngih bok Gidêôn.

I Samuel 14:8

Y-Jônathan lah: “Aơ, he hăn hom tât ntŭk ma phung nây jêh ri gay ma khân păng saơ he.

I Samuel 23:4

Y-Đavit ôp tay ma Brah Yêhôva, jêh ri Brah Yêhôva plơ̆ lah ma păng: “Dâk hom, hăn trŭnh ma Keila, Gâp mra jao phung Philistin tâm ti may.”