Phung Kôranh Phat Dôih 7:3 - Nau Brah Ndu Ngơi 2023

³ Pônây aƀaơ, mbơh hom ma phung ƀon lan gĭt: ‘Mbu moh klach jêh ri râm sâr, ăn păng du tă bơh yôk Gilêat ro jêh ri plơ̆ sĭt ma ngih!’” Pôri geh bar rmưn bar rbăn nuyh plơ̆ sĭt, hôm e du rmưn nuyh gŭ ta aơ.

Phung Kôranh Phat Dôih 7:3 ပူးပေါင်းရင်းမြစ်များ

Mathay 13:21

ƀiălah tâm nuih n'hâm păng mâu geh reh ôh, păng gŭ rêh ƀât lât, tơlah geh nau rêh ni, mâu lah nau bu ƀư mhĭk tât yor nau ngơi; păng chalơi ro.

Mathay 20:16

Pônây, bunuyh nglĕ dŭt mra jêng lor, jêh ri phung lor mra jêng nglĕ dŭt.”

Nau Vay Nkah Tay 20:8

Phung kôranh chiă uănh lah tay ma phung ƀon lan: ‘Mbu nơm klach jêh ri n'hŭng? Ăn păng plơ̆ sĭt ta ngih păng, lah mâu klăp lah bunuyh nây mra ƀư ma băl păng rdja nuih n'hâm tâm ban ma păng.’

Nau Tâm Mpơl 17:14

Khân păng mra tâm lơh đah Kon Biăp jêh ri Kon Biăp mra dơi đah khân păng, yorlah Kon Biăp jêng hađăch ma phung hađăch, Kôranh Brah ma lĕ rngôch kôranh brah; jêh ri phung gŭ ndrel ma Păng, jêng phung bunuyh geh nau kuăl jêh, nau săch jêh, jêh ri gŭ răp jăp, ăt mra dơi.”

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Phung Kôranh Phat Dôih 6:35

Păng prơh phung mbơh hăn lam tâm phung Manasê jêh ri kuăl rgum băl gay tĭng ndô̆ păng. Păng prơh đŏng phung mbơh hăn tât ma lĕ ndŭl mpôl Aser, Sabulôn, Naptali, jêh ri khân păng hăn hao tâm rnglăp ndrel ma păng.