Phung Kôranh Phat Dôih 7:2 - Nau Brah Ndu Ngơi 2023

² Brah Yêhôva lah ma Y-Gidêôn: “Rnoh bunuyh hăn tĭng may âk ir, gâp mâu jao phung Madian tâm ti khân păng ôh, klach lah phung Israel mra tâm rnê ma khân păng nơm, jêh ri lah: ‘Ti gâp nơm hŏ tâm rklaih gâp.’

Phung Kôranh Phat Dôih 7:2 ပူးပေါင်းရင်းမြစ်များ

Nau Ntơm 46:2

Tâm du măng, Brah Ndu ngơi ma Y-Israel bơh nau tâm saơ. Păng kuăl: “Y-Yakôb, Y-Yakôb!” Y-Israel ơh: “Gâp ta aơ.”

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

Êsai 10:13

Yorlah hađăch Asiri lah pô aơ: ‘Gâp ƀư lĕ nau nây ma nau ktang tâm ti gâp Jêh ri ma nau blau mĭn gâp, yorlah gâp geh nau gĭt mĭn. Gâp lĕ ngroh lơi jêh n'har bri neh phung ndŭl mpôl bunuyh, Jêh ri pit in lĕ jay ndơ khlay khân păng. Tâm ban ma du huê janh ktang, Gâp hŏ n'glưh nsot phung hađăch

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 2:17

Nuih n'hâm sưr kon bunuyh bu mra chŭn, Jêh ri nau hưn kon bunuyh bu mra n'glưh; Tâm nar nây, knŏng êng Brah Yêhôva geh nau bu yơk.

Yêrêmi 9:23

Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Êsêkiêl 28:17

Nuih n'hâm may sưr rlau yor nau ueh may, Jêh ri yor nau chrêk rmah may ƀư ăn djơh nau blau mĭn may nơm. Gâp nklơ̆ may tâm neh, Dơm may panăp măt phung hađăch, Ƀư nau pâl ăn khân păng uănh.

Êsêkiêl 28:2

“Hơi kon bunuyh, lah hom ma hađăch Tyre pô aơ: Kôranh Brah Yêhôva lah: ‘Yorlah nuih n'hâm may sưr ngăn, May lah pô aơ: “Gâp jêng du huê brah, Gâp gŭ ta sưng hađăch lĕ brah, Ta nklang dak mƀŭt.” Ƀiălah may knŏng jêng bunuyh mâu di jêng brah ôh, Nđâp tơlah n'hao êng nuih n'hâm may nơm Tâm ban ma nuih n'hâm brah kloh ueh.

Daniel 4:30

hađăch lah: “Mâu di hĕ aơ ƀon Babilôn dŭt toyh gâp nơm rdâk jêh ƀư ƀon hađăch ma nau dơi dŭt prêh gâp tâm rnê ma nau chrêk rmah chrat ang ma gâp ta nây lĕ?”

Habakuk 1:16

Yor nây, khân păng nhhơr mpa ƀư brah ma yŭ jal, Jêh ri su ndơ ƀâu kah ăn ma nhuăl; Yorlah ma yŭ jal khân păng geh ndơ sa lay rmŏng Jêh ri geh ndơ sông sa rmeh ler.

Sakari 12:7

Brah Yêhôva mra tâm rklaih lor lơn phung vâl bok Yuđa gay ma nau chrêk ma lơp ngih Y-Đavit jêh ri nau chrêk ma lơp phung ƀon lan gŭ ta ƀon Yêrusalem mâu dơi rlau ôh nau chrêk rmah phung Yuđa.

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Nau Kơp Bunuyh 31:4

Ăp ndŭl mpôl Israel prơh hom du rbăn tahan hăn ma nau tâm lơh.”

Samƀŭt Pôl Njuăl Ăn Ma Phung Nsing Ta Ƀon Rôm 11:18

pôri lơi n'hao êng đah lĕ n'gĭng nây. Tơlah may n'hao êng may nơm, ăn may gĭt, mâu di may ôh nsrôih dơn reh, ƀiălah reh nsrôih dơn ma may.

Samƀŭt Pôl Njuăl Ăn Ma Phung Nsing Ta Ƀon Rôm 3:27

Pônây moh nau gay ma ngơi ntưih? Mâu geh moh nau gay ma ngơi ntưih lĕ. Moh nau vay bu nsing? Ma nau vay kan bu ƀư ƀơh? Mâu di ôh, ƀiălah nsing ma nau vay nau chroh.

II Kôrintô 4:7

Ƀiălah hên prăp drăp ndơ khlay aơ tâm lĕ yăng neh, gay ma tâm mpơl nau brah dŭt prêh nây văch tă bơh Brah Ndu, mâu di tă bơh hên ôh.

Êphêsô 2:9

mâu đŏng di tă bơh nau khân may kan, pônây mơ lơi ăn geh bunuyh tâm rnê ma păng nơm.

Nau Vay Nkah Tay 32:27

Ƀiălah Gâp klach phung rlăng nsônh, Phung rlăng mĭn vĭ, Lah pô aơ: ‘Dơi tâm lơh tă bơh ti he, Brah Yêhôva mâu mâp ƀư ôh lĕ rngôch nau nây!’

Nau Vay Nkah Tay 8:17

Pôri, ăn blau njrăng, lơi khân may lah tâm nuih n'hâm pô aơ: ‘Nau brah jêh ri nau dăng bơh bar đah ti gâp hŏ njêng jêh ma gâp nau ndrŏng aơ.’

Nau Vay Nkah Tay 8:18

Ƀiălah ăn kah gĭt ma Yêhôva Brah Ndu khân may, yorlah Păng jêng Nơm ăn ma khân may n'hâm suan gay njêng nau ndrŏng aơ, gay ƀư nau tâm rnglăp Păng hŏ ton jêh ma phung chô yau khân may, nâm bu Păng dôl ƀư nar aơ.

Yakơ 4:6

Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”