Phung Kôranh Phat Dôih 6:2 - Nau Brah Ndu Ngơi 2023

² Ti phung Madian tŭn jot phung Israel. Yor klach ma phung Madian rĭ dĭng phung ƀon lan Israel hŏ ƀư ntŭk du krap tâm trôm yôk, trôm ntu, jêh ri ƀư pôih.

Phung Kôranh Phat Dôih 6:2 ပူးပေါင်းရင်းမြစ်များ

ហេឞ្រើ 11:38

Neh ntu mâu khư ma khân păng gŭ ôh. Khân păng nsong mblêng tâm bri rdah, ta klơ yôk prêh, tâm lĕ trôm lŭ, tâm lĕ ntu brŏng trôm neh.

I Samuel 13:6

Tơlah phung Israel saơ khân păng jêr ngăn jêh, yorlah khân păng tĭng nchueng dăch ngăn ma phung Israel, pôri phung ƀon lan du krap tâm lĕ trôm lŭ, rlô si, rkâp lŭ, môch blang jêh ri ntu brŏng.

Nau Tâm Mpơl 6:15

Phung hađăch ta neh ntu, phung toyh, phung kôranh tahan, phung ndrŏng, phung dơi toyh, lĕ rngôch phung dĭk, phung kon me du krap tâm lĕ trôm jêh ri ta nklang lĕ lŭ toyh ta klơ yôk.

I Samuel 14:11

Pôri, lĕ bar hê mpơl khân păng nơm tanăp pôih phung Philistin. Phung Philistin lah: “Ri, phung Hêbrơ du luh tă bơh trôm ntŭk khân păng tă krap.”

Kan Lêvi 26:17

Gâp mra ji nuih đah khân may, khân may mra prah tanăp phung rlăng khân may; phung tâm rmot khân may, khân păng mra chiă uănh khân may jêh ri khân may mra nchuăt du nđâp lah mâu geh nơm hăn tĭng khân may.

Phung Kôranh Phat Dôih 6:3

Ăp tơ̆ phung Israel srih ntil, phung Madian, phung Amalek, jêh ri phung mpeh Luh Nar hăn hao rduh lơh phung Israel.

Yêrêmi 41:9

Ntu dak Y-Ismaêl, kon bu klâu Y-Nêthania, mƀăr săk phung păng hŏ nkhĭt jêh, jêng ntu dak Y-Gêdalia, nây jêng ntu dak hađăch Asa kuyh jêh gay king ma Y-Baêsa, hađăch Israel. Y-Ismaêl, kon bu klâu Y-Nêthania, hŏ plơ̆ brôi đŏng bêng ma săk jăn khĭt.

Yêrêmi 48:28

Ơ phung gŭ tâm bri Môap, Du hom tă bơh ƀon toyh jêh ri pôn tâm rkâp lŭ; Ăn jêng hom nâm bu sĭm plŭk Ƀư rsuăn tâm bâr jru.

Phung Kôranh Phat Dôih 10:8

Ntơm bơh năm nây, bar phung ƀon lan aơ tŭn jot jêh ri mưch rmot phung Israel. Đơ phung Israel gŭ mpeh kơh tê̆ dak krong Yurdan tâm n'gor Gilêat, ta n'gor Amôrit, bu tŭn jot đŏng jêh ri mưch rmot tâm jât ma pham năm.

Phung Kôranh Phat Dôih 10:9

Phung Ammôn tâm ban đŏng rgăn dak krong Yurdan gay hăn tâm lơh đah phung Yuđa, đah phung Benjamin, jêh ri đah ngih phung Êphraim. Phung Israel tŭp tâm nau rêh ni hâu ngăn.

Ndrom Samƀŭt bơh Yôp 30:6

Khân păng rêh tâm ăp bong dak n'hor, Tâm ăp trôm jru jêh ri ta nklang ăp rkâp lŭ.