Phung Kôranh Phat Dôih 5:3 - Nau Brah Ndu Ngơi 2023

³ Hơi phung hađăch, iăt hom! Hơi phung kôranh chiă uănh, rkêng tôr iăt hom! Gâp mra mprơ ma Brah Yêhôva, Gâp mra tâm rnê Brah Yêhôva, Brah Ndu phung Israel.

Phung Kôranh Phat Dôih 5:3 ပူးပေါင်းရင်းမြစ်များ

Nau Ntơm 6:17

Bi Gâp, Gâp mra ăn dak lêng tât ta neh ntu gay ƀư rai lĕ rngôch nglay săk geh n'hâm nsôr gŭ tâm dâng trôk. Lĕ rngôch mpa klơ neh mra khĭt.

Nau Ntơm 9:9

“Aơ, Gâp njêng nau tâm rnglăp đah khân may jêh ri noi deh khân may,

I Phung Hađăch 18:22

Nôk nây, Y-Êli ngơi ma phung ƀon lan: “Tâm phung nơm mbơh lor Brah Yêhôva, Gâp, knŏng du huê gâp, bi phung nơm mbơh lor brah Baal geh puăn rhiăng prăm jât bunuyh.

I Phung Hađăch 19:10

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

I Phung Hađăch 19:14

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, jêh ri sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

Êsra 7:21

Pôri, gâp jêng hađăch Artasersês ƀư du pŏk samƀŭt nau ntrŭnh ntăm ma phung kôranh djôt prăk tâm n'gor đah ri dak krong: Ăp moh ntil ndơ Y-Êsra, kôranh ƀư brah ăt jêng kôranh nchih samƀŭt gĭt rbăng ma nau vay Brah Ndu klơ trôk, dăn ma khân may, ăn khân may srôih ƀư bêng tŏng ma păng,

Nau Mprơ Ơm 119:46

Gâp mra nkoch mbơh nau ntĭnh bơh May tanăp phung hađăch Ƀiălah gâp mâu bêk ôh.

Nau Mprơ Ơm 146:2

Gâp mra tâm rnê ma Brah Yêhôva du bông nau rêh gâp. Ndah jŏ nar gâp hôm rêh, gâp mra mprơ tâm rnê ma Brah Ndu dŭm nĕ lĕ.

Nau Mprơ Ơm 27:6

Aƀaơ gâp mra n'gơr bôk Prêh lơn lĕ phung rlăng nchueng jŭm gâp; Tâm ngih bok Păng, Gâp mra nhhơr ndơ ƀư brah ma bâr mprơ răm maak; Gâp mra mprơ maak jêh ri tâm rnê ma Brah Yêhôva.

Nau Mprơ Ơm 61:8

Pônây gâp mra mprơ tâm rnê ma amoh May ƀaƀơ n'ho ro. Jêh ri ăp nar ƀư ăn nŭm lĕ nau gâp ton.

Nau Ngluh Êjipt 31:6

Aơ, Gâp hŏ săch ma păng du huê nơm kơl kan amoh Y-Ôhôliap, kon bu klâu Y-Ahisamak, bơh ndŭl mpôl Dan. Gâp hŏ đŏng nau blau mĭn ma lĕ phung blau ti gay ma khân păng dơi ƀư lĕ kan Gâp hŏ ntĭm nti jêh ma may,

Kan Lêvi 26:28

pôri Gâp mra ji nuih gay tâm rdâng đah khân may, jêh ri Gâp mra rmal khân may pơh tơ̆ âk lơn yor nau tih khân may.

Nau Vay Nkah Tay 32:1

Hơi trôk, rkêng tôr iăt hom, gâp mra ngơi, Hơi neh iăt hom lĕ nau ngơi bơh trôm mbung gâp.

Nau Vay Nkah Tay 32:3

Yorlah gâp mra mbơh amoh Brah Yêhôva Tâm rnê nau rnam toyh bơh Brah Ndu he.

Phung Kôranh Phat Dôih 5:7

Lĕ ƀon jê̆ phung Israel jêng rngot njăp Kŏ tât gâp jêng H'Dêbôra, dâk, Nâm bu du huê me tâm n'gor Israel.