Phung Kôranh Phat Dôih 5:2 - Nau Brah Ndu Ngơi 2023

² “Tâm rnê hom ma Brah Yêhôva! Nôk phung kôranh chiă uănh Israel leo phung tahan hăn tâm lơh Ri mơ phung ƀon lan ŭch sân săk khân păng nơm!

Phung Kôranh Phat Dôih 5:2 ပူးပေါင်းရင်းမြစ်များ

II Nau Rêh Jêng 17:16

jêh nây tât Y-Amasia, kon bu klâu Y-Sikri, jêng bunuyh nđơr êng pah kan ma Brah Yêhôva, păng chiă uănh bar rsen bunuyh tahan janh ktang.

Nêhêmi 11:2

Phung ƀon lan ăn nau ueh uĭn ma lĕ rngôch phung bu klâu nhhơr săk jăn khân păng gŭ ta ƀon Yêrusalem.

Nau Mprơ Ơm 103:2

Ơ huêng gâp, tâm rnê hom ma Brah Yêhôva, Lơi dĭng chuêl ôh lĕ ntil nau ueh Păng ăn.

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Mprơ Ơm 136:15

Ƀiălah Păng nklơ̆ Pharaôn jêh ri phung tahan păng trŭnh tâm Dak Mƀŭt Chăng, Yor nuih n'hâm ueh Păng hôm tât n'ho ro.

Nau Mprơ Ơm 18:47

Păng jêng Brah Ndu plơng bôk ma gâp, Ăn phung ƀon lan tâm dâng gâp.

Nau Mprơ Ơm 48:11

Ăn yôk Siôn maak răm, Phung kon bu ur Yuđa răm rhơn Yor nau May phat dôih.

Nau Mprơ Ơm 94:1

Ơ Brah Yêhôva jêng Brah Ndu, ma nau plơng bôk jêng ndơ May, Ơ Brah Ndu, nau plơng bôk jêng ndơ May, dăn sol ang nau chrêk rmah May.

Nau Mprơ Ơm 97:8

Ơ Brah Yêhôva, Siôn tăng jêh ri hâk maak, Phung kon bu ur Yuđa geh nuih n'hâm hâk răm da dê, Yor nau May phat dôih.

I Kôrintô 9:17

Tơlah gâp nđơr êng pah kan nau aơ gâp geh nau nkhôm; tơlah mâu nđơr, nau pah kan nây ăt jao đŏng ma gâp.

II Kôrintô 8:12

Tơlah du huê nuyh geh nuih n'hâm ŭch nhhơr pôri ndơ păng nhhơr bu mra dơn, tĭng nâm ndơ khân păng geh, mâu di tĭng nâm ndơ khân păng mâu geh ôh.

II Kôrintô 9:7

Pôri ăn ăp nơm nhhơr tĭng nâm nau păng hŏ mĭn jêh tâm nuih n'hâm, mâu geh lah ăn ma nau rngot, mâu lah ma nau nchâp ôh, yorlah Brah Ndu rŏng ma mbu nơm nhhơr ma nau maak.

Nau Vay Nkah Tay 32:43

Hơi lĕ bri dak! Răm rhơn hom ndrel ma phung ƀon lan Kôranh Brah, Yorlah Păng mra plơng har mham bơh phung oh mon Păng, Plơng har ma phung rdâng đah Păng, Jêh ri yô̆ an nau tih ma n'gor jêh ri ma phung ƀon lan Păng.

Nau Vay Nkah Tay 33:21

Păng hŏ săch kô̆ ueh lơn ma păng nơm. Yorlah ta nây geh kô̆ prăp jêh ma du huê kôranh chiă uănh; Lah phung kôranh chiă uănh phung ƀon lan rgum ndrel, Gat ƀư nau di bơh Brah Yêhôva Jêh ri nau vay bơh Păng ăn ma Phung ƀon lan Israel.”

Philip 2:13

Yorlah Brah Ndu jêng Nơm dôl pah kan tâm khân may, gay ma khân may ƀă ŭch ƀă ƀư tĭng nau mĭn ueh Păng.

ផីលេមោន 1:14

Ƀiălah gâp mâu ŭch ƀư ôh moh nau tơlah may ê hŏ dơn nau, gay ma nau ueh may ƀư mâu bơh nau nchâp ôh, ƀiălah bơh nau nđơr êng.

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”

Nau Tâm Mpơl 19:2

Yorlah lĕ nau Păng phat dôih jêng nanê̆ ngăn jêh ri sŏng. Păng phat dôih jêh bu ur văng tĭr toyh, nơm hŏ sŏk nau păng văng tĭr ƀư djơh tâm neh ntu; jêh ri Brah Ndu plơng bôk jêh yor mham phung oh mon Păng bơh bu ur văng tir nây ƀư nkhŭt jêh.”

Phung Kôranh Phat Dôih 5:9

Nuih n'hâm gâp rŏng ma phung kôranh chiă uănh Israel, Nđâp ma lĕ nơm tâm phung ƀon lan ŭch sân săk khân păng nơm. Tâm rnê ngăn ma Brah Yêhôva!