Phung Kôranh Phat Dôih 4:7 - Nau Brah Ndu Ngơi 2023

⁷ Gâp mra ƀư ăn Y-Sisêra, kôranh chiă uănh toyh tahan hađăch Jabin, djôt leo ndeh seh jêh ri phung tahan văch tâm lơh đah may ta dak n'hor Kisôn, jêh ri Gâp mra jao păng tâm ti may.’”

Phung Kôranh Phat Dôih 4:7 ပူးပေါင်းရင်းမြစ်များ

I Phung Hađăch 18:40

Y-Êli lah ma phung ƀon lan: “Nhŭp hom phung nơm mbơh lor Baal, lơi ăn du huê dơi klaih ôh.” Khân păng nhŭp ro khân păng. Y-Êli djôt leo khân păng tât ta n'hor dak Kisôn jêh ri nkhĭt lơi khân păng ta nây.

Nau Ngluh Êjipt 14:17

Gâp mra ƀư dăng nuih n'hâm phung Êjipt gay ma khân păng tĭng phung Israel trŭnh tâm dak mƀŭt; Gâp mra geh nau tâm rnê yor Pharaôn, yor lĕ rngôch phung tahan, ndeh seh, jêh ri lĕ rngôch phung tahan ncho seh păng.

Nau Ngluh Êjipt 14:4

Gâp mra ƀư dăng nuih n'hâm Pharaôn, jêh ri păng mra hăn tĭng phung ƀon lan nây. Ƀiălah Gâp mra dơi geh nau tâm rnê yor Pharaôn jêh ri lĕ rngôch phung tahan păng; phung Êjipt mra gĭt Gâp jêng Brah Yêhôva.” Phung ƀon lan Israel hŏ ƀư di kơt nây.

Nau Ngluh Êjipt 14:8

Brah Yêhôva ƀư dăng nuih Pharaôn, hađăch Êjipt jêh ri păng hăn tĭng phung ƀon lan Israel, tâm nôk phung ƀon lan Israel hăn du luh ma nau janh.

Nau Ngluh Êjipt 21:13

Ƀiălah, tơlah păng mâu ndra nkhĭt ôh ƀiălah Brah Ndu hŏ jao bunuyh bu mra nkhĭt tâm ti nơm nây, pôri Gâp mra nchŏng du ntŭk ma may gay păng dơi du krap.

Yôsuê 10:8

Brah Yêhôva lah ma Y-Yôsuê: “Lơi klach ôh, yorlah Gâp jao jêh khân păng tâm ti may, mâu hôm geh ôh du huê nơm dơi tâm rdâng tanăp măt may.”

Yôsuê 11:20

Yorlah Brah Yêhôva ƀư ma phung hađăch nây dăng nuih n'hâm tâm rdâng đah phung Israel, gay ma khân păng mra rai lĕ, mâu dơi geh nau yô̆ nđach ôh, di nâm Brah Yêhôva ntăm jêh ma Y-Môis.

Yôsuê 11:6

Ƀiălah Brah Yêhôva lah ma Y-Yôsuê: “Lơi klach ôh, yorlah nar ôi aơ ta mông aơ, Gâp mra jao lĕ rngôch khân păng tâm ti phung Israel nkhĭt khân păng. Khân may mra koh jâng jon seh jêh ri su lĕ ndeh seh khân păng ma ŭnh.”

Yôsuê 8:7

khân may mra luh du bơh ntŭk khân may gŭ kâp dâp jêh ri pit sŏk ƀon, yorlah Yêhôva Brah Ndu khân may mra jao ƀon nây tâm ti khân may.

Phung Kôranh Phat Dôih 4:14

H'Dêbôra lah ma Y-Barak: “Dâk hom! Yorlah aơ jêng nar Brah Yêhôva jao jêh Y-Sisêra tâm ti may. Mâu di hĕ Brah Yêhôva hăn panăp may?” Pônây Y-Barak hăn trŭnh tă bơh yôk Tabor ndrel ma jât rbăn bunuyh tĭng ndô̆ păng.

Phung Kôranh Phat Dôih 4:8

Y-Barak lah: “Tơlah ay hăn ndrel ma gâp, gâp mra hăn, ƀiălah tơlah ay mâu hăn ôh ndrel gâp, gâp mâu mra hăn.”

Phung Kôranh Phat Dôih 5:21

Dak n'hor Kisôn bŭk rdu phung rlăng, Jêng dak n'hor Kisôn nar kăl e. Hơi huêng gâp! hăn hom ma nau ktang!

I Samuel 24:10

Y-Đavit lah ma Y-Sôl: “Mâm ƀư hađăch iăt nau bu lah pô aơ: ‘Y-Đavit joi ƀư mhĭk ma may?’

I Samuel 24:18

Păng lah ma Y-Đavit: “May jêng sŏng srăng lơn ma gâp, yorlah may sŏk nau ueh gay mplơ̆ sĭt nau mhĭk gâp hŏ ƀư jêh ma may.