Phung Kôranh Phat Dôih 4:3 - Nau Brah Ndu Ngơi 2023

³ Yorlah Y-Jabin geh jêh sĭn rhiăng ndeh seh ma loih jêh ri păng tŭn jot phung Israel ma nau djơh tâm bar jât năm, pônây, phung ƀon lan Israel nter dăn ma Brah Yêhôva.

Phung Kôranh Phat Dôih 4:3 ပူးပေါင်းရင်းမြစ်များ

Nau Mprơ Ơm 106:42

Phung rlăng ăt tŭn jot khân păng. Khân păng lăp gŭ tâm dâng ti phung rlăng.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 78:34

Tơlah Brah Ndu nkhĭt khân păng, ri mơ khân păng kuăl ôp Păng; Khân păng plơ̆ tay jêh ri joi Brah Ndu ma lĕ nuih n'hâm.

Nau Ngluh Êjipt 2:23

Jŏ jêh nây, hađăch Êjipt khĭt. Phung ƀon lan Israel vơh vơl, kuăl nter yor nau ƀư dĭk bu, nau khân păng lŭng nter tăng tât ma Brah Ndu.

Nau Vay Nkah Tay 28:29

Dôl nklang bôk nar khân may but bi tâm ban ma bunuyh chieh măt nôk măng ngo kleng. Khân may mâu mra chăt hao ôh tâm nau kan khân may; bu mra tŭn jot khân may jêh ri ntŭng ndô ndơ khân may ƀaƀơ ƀiălah mâu geh ôh du huê nuyh kơl rklaih an khân may.

Nau Vay Nkah Tay 28:33

Du phung ndŭl mpôl khân may mâu mâp gĭt năl ôh mra sa lĕ ro play kao bơh n'gor khân may jêh ri bơh lĕ n'hâm suan khân may pah kan; bu mra tŭn jot jêh ri jot nkrâm khân may ƀaƀơ,

Yôsuê 17:16

Ƀiălah phung kon sau Y-Yôsep plơ̆ lah: “Bri klơ dor yôk mâu tŏng ntŭk ăn ma hên ôh, bi tâm neh lâng, lĕ rngôch phung Kanaan gŭ jêh ta nây, khân păng geh ndeh seh loih, phung Bet-Sêan nđâp lĕ ƀon jê̆ khân păng jêh ri phung gŭ tâm rlŭng Jesrêel, kơt nây đŏng.”

Phung Kôranh Phat Dôih 1:19

Brah Yêhôva gŭ ndrel ndŭl mpôl Yuđa jêh ri khân păng dơi pit n'gor klơ dor yôk. Ƀiălah khân păng mâu dơi mprơh phung ƀon lan gŭ ta n'gor neh lâng yorlah khân păng geh âk ndeh ma loih.

Phung Kôranh Phat Dôih 10:10

Nôk nây, phung ƀon lan Israel vơl dăn ma Brah Yêhôva pô aơ: “Hên hŏ ƀư tih ngăn jêh đah Kôranh Brah, yorlah hên chalơi jêh Brah Ndu hên jêh ri pah kan rhŏ ma phung brah Baal.”

Phung Kôranh Phat Dôih 10:16

Khân păng ntlơi lĕ đơ phung brah êng, jêh nây plơ̆ tay pah kan ma Brah Yêhôva. Brah Yêhôva rngot rvê ngăn ma nau rêh ni phung ƀon lan Israel.

Phung Kôranh Phat Dôih 3:15

Phung ƀon lan Israel nter tay ma Brah Yêhôva, jêh ri Brah Yêhôva săch ăn ma khân păng du nơm rklaih jêng Y-Êhut, kon bu klâu Y-Gêra, bơh noi deh Benjamin, jêng bunuyh vay dŏng ti chiau. Phung ƀon lan Israel njuăl ma Y-Êhut djôt leo ndơ nhhơr ăn ma Y-Êglon, hađăch n'gor Môap.

Phung Kôranh Phat Dôih 3:9

Phung ƀon lan Israel nter ma Brah Yêhôva jêh ri Brah Yêhôva n'hao ma khân păng du huê nơm rklaih jêng Y-Ôtniêl, kon bu klâu Y-Kênas, oh Y-Kalep, jêh ri păng rklaih khân păng.

Phung Kôranh Phat Dôih 4:13

Y-Sisêra rƀŭn rgum lĕ ndeh seh geh sĭn rhiăng ndeh seh ma loih, jêh ri lĕ rngôch phung tahan păng, bơh Harôset phung bu năch kŏ tât ta dak n'hor Kisôn.

Phung Kôranh Phat Dôih 4:4

Tâm nôk nây, bu ur mbơh lor H'Dêbôra, ur Y-Lapidôt, jêng kôranh phat dôih ma phung ƀon lan Israel.

Phung Kôranh Phat Dôih 5:8

Nôk bu hŏ săch jêh phung brah mhe, Ri mơ nau tâm lơh tât ta mpông ƀon. Tâm puăn jât rbăn nuyh tâm phung Israel Mbu moh saơ khêl mâu lah đao?

Phung Kôranh Phat Dôih 6:6

Yor ma phung Madian, dĭng phung Israel o ach, rêh ni. Yor ri khân păng nhĭm vơl ma Brah Yêhôva.

I Samuel 7:8

khân păng lah ma Y-Samuel: “Lơi ta rlu ôh mbơh sơm ma Yêhôva Brah Ndu yor hên, gay ma Păng tâm rklaih he bơh ti phung Philistin.”