Phung Kôranh Phat Dôih 3:9 - Nau Brah Ndu Ngơi 2023

⁹ Phung ƀon lan Israel nter ma Brah Yêhôva jêh ri Brah Yêhôva n'hao ma khân păng du huê nơm rklaih jêng Y-Ôtniêl, kon bu klâu Y-Kênas, oh Y-Kalep, jêh ri păng rklaih khân păng.

Phung Kôranh Phat Dôih 3:9 ပူးပေါင်းရင်းမြစ်များ

Nêhêmi 9:27

Yor ri, Kôranh Brah jao jêh khân păng tâm ti phung rlăng, jêh ri phung nây tŭn jot khân păng. Tâm nau rêh ni, khân păng kuăl dăn ma Kôranh Brah. Yorlah, nuih n'hâm ueh toyh, tă bơh trôk Kôranh Brah iăt Jêh ri ăn jêh phung sâm rklaih gay rklaih khân păng tă bơh ti phung rlăng ma khân păng.

Nau Mprơ Ơm 22:5

Khân păng kuăl ma Kôranh Brah jêh ri dơi rklaih, Khân păng rnơm ma May jêh ri mâu bêk prêng ôh.

Nau Mprơ Ơm 78:34

Tơlah Brah Ndu nkhĭt khân păng, ri mơ khân păng kuăl ôp Păng; Khân păng plơ̆ tay jêh ri joi Brah Ndu ma lĕ nuih n'hâm.

Yôsuê 15:17

Y-Ôtniêl, kon bu klâu Y-Kênas jêng nâu Y-Kalep, dơi pit sŏk ƀon nây jêh ri Y-Kalep ăn kon druh păng H'Aksa jêng ur ma păng.

Phung Kôranh Phat Dôih 1:13

Y-Ôtniêl, kon bu klâu Y-Kênas, oh Y-Kalep, pit sŏk ƀon nây jêh ri Y-Kalep ăn H'Aksa, kon bu ur păng jêng ur ma Y-Ôtniêl.

Phung Kôranh Phat Dôih 10:10

Nôk nây, phung ƀon lan Israel vơl dăn ma Brah Yêhôva pô aơ: “Hên hŏ ƀư tih ngăn jêh đah Kôranh Brah, yorlah hên chalơi jêh Brah Ndu hên jêh ri pah kan rhŏ ma phung brah Baal.”

Phung Kôranh Phat Dôih 2:16

Nôk nây Brah Yêhôva n'hao phung kôranh phat dôih gay tâm rklaih khân păng bơh ti phung pit in drăp ndơn khân păng.

Phung Kôranh Phat Dôih 2:18

Ăp tơ̆ Brah Yêhôva n'hao phung kôranh phat dôih ăn phung Israel, Păng gŭ ndrel phung kôranh phat dôih nây. Dôl rnôk phung kôranh phat dôih hôm rêh, Brah Yêhôva rklaih phung Israel luh bơh ti phung rlăng khân păng, yorlah Păng yô̆ nđach ma lĕ nau nter vơl khân păng tâm nôk bu nkrit, tŭn jot ma khân păng.

Phung Kôranh Phat Dôih 3:15

Phung ƀon lan Israel nter tay ma Brah Yêhôva, jêh ri Brah Yêhôva săch ăn ma khân păng du nơm rklaih jêng Y-Êhut, kon bu klâu Y-Gêra, bơh noi deh Benjamin, jêng bunuyh vay dŏng ti chiau. Phung ƀon lan Israel njuăl ma Y-Êhut djôt leo ndơ nhhơr ăn ma Y-Êglon, hađăch n'gor Môap.

Phung Kôranh Phat Dôih 3:8

Yor ri, Brah Yêhôva hao ji nuih ma phung Israel, Păng jao khân păng tâm ti Y-Kusan-Risathaim, hađăch Aram Naharadim. Ăn phung ƀon lan Israel pah kan Y-Kusan-Risathaim tâm pham năm.

Phung Kôranh Phat Dôih 4:3

Yorlah Y-Jabin geh jêh sĭn rhiăng ndeh seh ma loih jêh ri păng tŭn jot phung Israel ma nau djơh tâm bar jât năm, pônây, phung ƀon lan Israel nter dăn ma Brah Yêhôva.

Phung Kôranh Phat Dôih 6:7

Lah phung ƀon lan Israel nhĭm vơl ma Brah Yêhôva yor ma phung Madian,

I Samuel 12:10

Rnôk nây, khân păng vơl dăn ma Brah Yêhôva, jêh ri lah: ‘Hên ƀư tih jêh, yorlah hên lĕ chalơi jêh Brah Yêhôva gay pah kan ma phung brah Baal jêh ri ma brah Astarôt. Ƀiălah aƀaơ, tâm rklaih hom hên tă bơh ti phung rlăng hên, hên mra pah kan ma May.’