Phung Kôranh Phat Dôih 3:3 - Nau Brah Ndu Ngơi 2023

³ Phung ntil mpôl bunuyh nây jêng phung Philistin jêh ri prăm nuyh hađăch khân păng, lĕ rngôch phung Kanaan, phung Sidôn, jêh ri phung Hivit gŭ ta yôk Liban, ntơm bơh yôk Baal-Hermôn tât ma sop Hamat.

Phung Kôranh Phat Dôih 3:3 ပူးပေါင်းရင်းမြစ်များ

Nau Ntơm 49:13

Y-Sabulôn mra rêh ta kơh dak mƀŭt, Ntŭk nde krap ma phung kumpăn; N'har bri păng mra tât mpeh ma Sidôn.

II Samuel 24:7

Khân păng tâm ban đŏng hăn tât ma pôih ƀon Tyre, lăp tâm lĕ rngôch ƀon phung Hivit jêh ri phung Kanaan. Jêh nây khân păng hăn ma nkual Nêgep n'gor Yuđa ta Bêr-Sêba.

I Phung Hađăch 8:65

Tâm nôk nây, Y-Salômôn jêh ri lĕ rngôch phung ƀon lan Israel ndrel ma păng râng rƀŭn tra năp măt Yêhôva jêng Brah Ndu he tâm pơh nar, jêh nây ntop pơh nar đŏng, pôri geh lĕ rngôch jêng jât puăn nar. Nây jêng du phung tâm rƀŭn dŭt âk râk ntơm bơh n'har ƀon Hamat ma tât n'hor dak Êjipt.

I Phung Hađăch 9:20

Lĕ rngôch phung hôm rêh klen tâm phung ƀon lan Amôrit, Hitit, Pêrisit, Hivit, jêh ri phung ƀon lan Jêbusit, mâu di phung Israel;

Êsêkiêl 47:20

Mpeh nhâp nar mra jêng Dak Mƀŭt Toyh, tă bơh n'har mpeh pa dâng kŏ tât ntŭk lăp ƀon Hamat. Aơ jêng n'har mpeh nhâp nar.

Nau Kơp Bunuyh 13:29

Phung Amalek gŭ ta Nêgep; phung Hitit, phung Jêbusit jêh ri phung Amôrit gŭ tâm n'gor klơ dor yôk; jêh ri phung Kanaan gŭ dăch dak mƀŭt jêh ri njŏ tĭng kơh dak krong Yurdan.”

Nau Kơp Bunuyh 34:8

Ntơm bơh yôk Hor, n'har mra tât ta ntŭk lăp ƀon Hamat, găn Sêdat,

Nau Vay Nkah Tay 1:7

Aƀaơ, hăn plơ̆ hom jêh ri hăn tay, lăp ta n'gor klơ dor yôk phung Amôrit jêh ri tâm lĕ nkual chiau meng, jêng lăp ta nkual Arabah, n'gor klơ dor yôk, nkual Sêphêla, nkual Nêgep, jêh ri n'gor kơh dak mƀŭt, hăn tât ta n'gor phung Kanaan jêh ri Liban, tât ta dak krong toyh jêng dak krong Ơphrat.

Nau Vay Nkah Tay 3:9

(Phung Sidôn rnha yôk Hermôn jêng Siriôn, bi phung Amôrit ntơ moh jêng Sênir.)

Yôsuê 11:19

Mâu geh ôh du rplay ƀon ƀư nau đăp mpăn đah phung ƀon lan Israel, knŏng phung Hivit gŭ ta ƀon Gibêôn. Phung ƀon lan Israel pit sŏk lĕ rngôch ƀon ma nau tâm lơh.

Yôsuê 11:3

Hađăch prơh đŏng phung hăn mbơh văch ta phung ƀon lan Kanaan mpeh luh nar jêh ri mpeh nhâp nar, văch tât ta phung Amôrit, phung Hitit, phung Pêrisit, phung Jêbusit gŭ tâm n'gor klơ dor yôk, jêh ri tât ta phung Hivit gŭ ta tâm dâng jâng yôk Hermôn, tâm n'gor Mispa.

Yôsuê 13:3

ntơm bơh dak krong Sihôr tâm tham đah Êjipt kŏ tât ta n'har neh Êkron mpeh pa lơ, bri nây bu kơp jêng bri phung Kanaan (prăm nuyh hađăch phung Philistin jêng hađăch ƀon Gaxa, ƀon Asdôt, ƀon Askalôn, ƀon Gat, jêh ri ƀon Êkron). N'gor neh phung Avim

Yôsuê 13:5

N'gor neh phung Gêbalit, jêh ri lĕ bri Liban mpeh luh nar, ntơm bơh Baal-Gat ta jâng yôk Hermôn tât ma ntŭk lăp Hamat.

Yôsuê 19:28

tât ta Êbron, Rêhôp, Hamôn, Kana tât ta ƀon toyh Sidôn.

Yôsuê 9:7

Phung ƀon lan Israel lah ma phung Hivit: “Klăp lah khân may gŭ dăch ma hên, mâm ƀư hên dơi ƀư nau đăp mpăn đah khân may?”

Phung Kôranh Phat Dôih 10:12

Nôk phung Sidôn, phung Amalek, jêh ri phung Maôn tŭn jot jêh khân may jêh ri khân may nter dăn ma Gâp jêh ri Gâp hŏ tâm rklaih jêh khân may dơi rklaih bơh ti khân păng.

Phung Kôranh Phat Dôih 10:7

Brah Yêhôva ji nuih ma phung Israel. Păng jao khân păng tâm ti phung Philistin jêh ri tâm ti phung Ammôn.

Phung Kôranh Phat Dôih 14:4

Mê̆ mbơ̆ păng mâu dơi gĭt rah vah ôh nau nây luh bơh Brah Yêhôva ăn tât, yorlah Păng joi nau găl gay tâm rdâng đah phung Philistin. Rnôk nây phung Philistin chiă uănh phung Israel.

Phung Kôranh Phat Dôih 18:7

Pônây, prăm nuyh bu klâu nây dâk hăn tât ta ƀon toyh Lais, saơ phung ƀon lan gŭ ta nây hăn tĭng nâm nau vay phung Sidôn, gŭ rêh đăp mpăn, mâu rŭng răng ôh jêh ri mâu geh njrăng. Mâu geh nơm nduyh ma kôranh chiă uănh tâm ƀon toyh nây. Khân păng gŭ ngai đah phung Sidôn, jêh ri mâu geh tâm rnglăp đah bu ôh.

Phung Kôranh Phat Dôih 3:2

Păng knŏng ŭch ntăm nti ma lĕ rngôch rô̆ mhe phung Israel dơi gĭt nau tâm lơh, jêh ri nti đŏng ma phung ê hŏ prot gĭt nau tâm lơh.

Phung Kôranh Phat Dôih 4:2

Yor ri, Brah Yêhôva tăch khân păng ma Y-Jabin, jêng hađăch Kanaan, nơm chiă uănh ta Hasôr. Kôranh chiă uănh toyh tahan Y-Jabin jêng Y-Sisêra gŭ ta Harôset phung bu năch.

I Samuel 13:5

Rnôk nây, phung Philistin tâm rƀŭn rgum gay tâm lơh đah phung Israel. Khân păng geh pe rmưn ndeh seh, prao rbăn nuyh tahan ncho seh, jêh ri phung tahan âk ngăn nâm bu choih ta kơh dak mƀŭt. Khân păng hăn hao ƀư pôih tahan ta Mikmas, mpeh luh nar Bet-Aven.

I Samuel 29:2

Dôl phung tahan Philistin hăn n'hoch luh lor băl rhiăng jêh ri băl rbăn phung tahan khân păng, Y-Đavit ndrel phung tahan păng hăn tĭng pakơi ndrel ma Y-Akis.

I Samuel 6:16

Tơlah prăm nuyh kôranh phung Philistin saơ nau nây, khân păng plơ̆ sĭt nar nây ro ma ƀon Êkron.

I Samuel 6:18

Lĕ rup kon đe ƀư ma mah tâm di đah lĕ rngôch ƀon phung Philistin prăm nuyh kôranh, nđâp lĕ ƀon nâp jêh ri ƀon jê̆, kŏ tât ma lŭ toyh, jêng ntŭk khân păng n'gân Hip Nau Tâm Rnglăp Brah Yêhôva tâm mir Y-Yôsuê, bunuyh Bet-Sêmes. Lŭ toyh nây ăt hôm kŏ tât ta nar aơ.

I Samuel 6:4

Phung Philistin ôp: “Moh ndơ hên mplơ̆ nhhơr ma Păng gay ma chuai nau tih?” Khân păng plơ̆ lah: “Prăm mlâm rup tŭl ko ƀư ma mah, jêh ri prăm mlâm kon đe ƀư ma mah, tĭng nâm ndah âk nuyh kôranh phung Philistin; yorlah lĕ rngôch khân may, jêh ri phung kôranh khân may, ăt tâm ban du nau rêh ni.