Phung Kôranh Phat Dôih 2:4 - Nau Brah Ndu Ngơi 2023

⁴ Nôk tông mpăr Brah Yêhôva lah lĕ jêh nau nây ma lĕ rngôch phung Israel, phung ƀon lan Israel nhĭm nhhiăng hâu ngăn.

Phung Kôranh Phat Dôih 2:4 ပူးပေါင်းရင်းမြစ်များ

Êsra 10:1

Tâm nôk Y-Êsra mbơh sơm, nhĭm n'ho mbơh nau tih jêh ri chon mon panăp ngih Brah Ndu, geh du phung ƀon lan Israel, nđâp phung bu ur jêh ri bu klâu jêh ri phung kon se jê̆ tâm rƀŭn du ntŭk gŭ jŭm păng, tâm ban đŏng nhĭm rngot da dê.

Nau Hôr 17:10

Nau nduyh lăp jru tâm bunuyh geh nau gĭt rbăng Rlau lơn rhiăng tơ̆ dong bunuyh rluk.

Yêrêmi 31:9

Khân păng mra văch ma nau nhĭm, Dăn mbơh sơm ma Gâp njŭn khân păng plơ̆ sĭt; Gâp mra njŭn khân păng hăn njŏ ta meng n'hor dak, Ta klơ trong sŏng, mâu geh nau chêh prah ôh. Yorlah ma phung Israel, Gâp jêng mbơ̆, Jêh ri phung Êphraim jêng kon bu klâu bôk rah Gâp.

Yôel 2:12

Brah Yêhôva lah: “Aƀaơ aơ, plơ̆ sĭt hom ma Gâp ma lĕ nuih n'hâm, Ât hom sông sa, nhhiăng nhĭm jêh ri rngot vơl săk.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Luka 6:21

Ueh maak ngăn ma phung kon jêng phung bunuyh aƀaơ aơ dôl nau ji ngot, Yorlah mra dơi hơm tŏng. Ueh maak ngăn ma phung kon jêng phung bunuyh aƀaơ aơ gŭ tâm nau nhhiăng nhĭm, Yorlah mra dơi maak gơm.

Luka 7:38

Păng gŭ pakơi, ta jâng Brah Yêsu jêh ri nhĭm, dak măt bĕ jâng Brah Yêsu; jêh nây jut ma sŏk păng, chŭm jâng Păng, jêh ri mhĭng ma dak ƀâu kah.

II Kôrintô 7:10

Yorlah nau rngot rvê tĭng nâm nau Brah Ndu ŭch njêng nau rmal nau tih, njŭn ma nau tâm rklaih; nau nây mâu geh nau gay nduyh tôr; ƀiălah nau rngot rvê tĭng nâm neh ntu njŭn leo tât nau khĭt.

Yakơ 4:9

rngot rvê hom, nter lŭng hom, nhĭm nhhiăng hom; rgâl hom gơm jêng nhĭm, rgâl hom maak jêng nau rngot klâng.

Phung Kôranh Phat Dôih 2:3

Yor ri Gâp hŏ lah: ‘Gâp mâu mra mprơh ôh lĕ phung ƀon lan nây luh bơh khân may, ƀiălah khân păng mra nâm bu lok ntâp ta pŭng khân may, jêh ri phung brah khân păng mra jêng dăk sân ma khân may.’”

Phung Kôranh Phat Dôih 2:5

Khân păng ntơ rnha ntŭk nây jêng Bôkim jêh ri nhhơr mpa ƀư brah ma Brah Yêhôva ta ntŭk nây.

I Samuel 11:4

Tơlah phung mbơh tât ta Gibêa, ƀon Y-Sôl, nkoch tay lĕ nau nây ăn phung ƀon lan tăng jêh ri lĕ rngôch bunuyh nhhiăng nhĭm da dê.

I Samuel 7:6

Pôri khân păng rgum ndrel ta ƀon Mispa, bâk dak nkhŭt jêh ri nhhơr ma Brah Yêhôva. Tâm nar nây, khân păng ât sông sa, jêh ri ta nây khân păng mbơh pô aơ: “Hên ƀư tih jêh đah Brah Yêhôva.” Y-Samuel phat dôih phung ƀon lan Israel ta Mispa.