Phung Kôranh Phat Dôih 18:3 - Nau Brah Ndu Ngơi 2023

³ Tơlah khân păng gŭ tâm ngih Y-Mika, khân păng gĭt năl bâr ngơi bu klâu ndăm Lêvi nây, pôri khân păng hăn văch dăch jêh ri ôp: “Mbu njŭn may ta aơ? Moh kan may ƀư jêh ri mâm ƀư may gŭ ta aơ?”

Phung Kôranh Phat Dôih 18:3 ပူးပေါင်းရင်းမြစ်များ

Nau Ntơm 27:22

Y-Yakôb hăn dăch mbơ̆ păng jêng Y-Isăk. Păng rbôt jêh ri lah: “Bâr ngơi nâm bu bâr ngơi Y-Yakôb, ƀiălah ti nâm bu ti Y-Êsau.”

Êsai 22:16

‘Moh nau kan may dôl ƀư ta aơ? May geh ndŭl mpôl deh đŏng ta aơ kŏ may kuyh jêh ma may nơm du trôm môch ta aơ? Ngăn, may kuyh ma may nơm du trôm môch ta ntŭk prêh, lôk du ntŭk gŭ rlu ma may nơm tâm trôm lŭ!

Mathay 26:73

Ƀât lât ta nây, phung bunuyh gŭ dăch ta nây lah ma Y-Pêtrôs pô aơ: “Nanê̆ ngăn may jêng du huê tâm phung bunuyh aơ, yorlah bâr may ngơi phong may nơm.”

Phung Kôranh Phat Dôih 12:6

phung Gilêat lah tay: “Pôri, lah hom: Silôbet.” Khân păng lah “Silôbet,” yorlah păng mâu dơi ngơi luh di rah vah ôh, pônây khân păng nhŭp păng jêh ri nkhĭt păng ta ntŭk sơh dak krong Yurdan. Tâm nôk nây geh puăn rmưn bar rbăn nuyh phung Êphraim khĭt.

Phung Kôranh Phat Dôih 18:2

Pônây, phung Dan prơh prăm nuyh janh ktang tâm ndŭl mpôl khân păng hăn bơh Sôra jêh ri bơh Êstaôl gay hăn n'hut uănh n'gor, jêh ri ntĭnh ma khân păng pô aơ: “Hăn n'hut uănh hom n'gor nây.” Phung hăn n'hut uănh hăn tât ma n'gor klơ dor yôk Êphraim, tât ta ngih Y-Mika, jêh ri gŭ bê̆ch măng ta nây.

Phung Kôranh Phat Dôih 18:4

Bunuyh Lêvi ăn ma khân păng gĭt Y-Mika ƀư ueh ma păng jêh ri lah: “Y-Mika nkhôm gâp, gay gâp jêng kôranh ƀư brah ma păng.”