Phung Kôranh Phat Dôih 17:3 - Nau Brah Ndu Ngơi 2023

³ Y-Mika mplơ̆ sĭt du rbăn du rhiăng glo prăk nây ma mê̆ păng. Mê̆ păng lah: “Gâp nhhơr prăk ma Brah Yêhôva gay kon bu klâu gâp tŏ du mlâm rup trah. Pôri aƀaơ gâp mra mplơ̆ sĭt păng ma may.”

Phung Kôranh Phat Dôih 17:3 ပူးပေါင်းရင်းမြစ်များ

II Nau Rêh Jêng 33:7

Păng ƀư rup brah jêh ri n'gân tâm ngih Brah Ndu, jêng ntŭk Brah Ndu lah jêh ma Y-Đavit jêh ri ma Y-Salômôn, kon bu klâu păng, pô aơ: “Tâm ngih brah aơ jêh ri ta ƀon Yêrusalem, jêng ƀon Gâp hŏ săch jêh tâm lĕ rngôch ndŭl mpôl phung Israel, Gâp mra dơm amoh Gâp gŭ n'ho ro.

Nau Ngluh Êjipt 20:23

Yor ri khân may mâu dơi ƀư du ntil rup brah ta pĭt Gâp; mâu dơi ƀư ôh ma khân may nơm lĕ rup brah ma prăk mâu lah ma mah.’

Nau Ngluh Êjipt 20:4

Kon mâu dơi ƀư ma may nơm du mlâm rup brah tĭng nâm rup lĕ mpa tâm trôk ta klơ, mâu lah ta neh ntu, mâu lah tâm dak tâm dâng neh ntu.

Nau Ngluh Êjipt 34:17

May mâu dơi tŏ rup brah.”

Êsai 30:22

Khân may mra ƀư ƀơ̆ ƀơch lĕ rup trah chiăr ma prăk jêh ri rup tŏ ma mah. Khân may mra mƀăr lơi khân păng tâm ban ma ndơ ƀơ̆ jêh ri lah: “Du hom!”

Êsai 66:3

Mbu nơm nkhĭt du mlâm ndrôk jêng tâm ban ma nơm nkhĭt du huê bunuyh; Nơm nhhơr kon biăp ƀư mpa ƀư brah tâm ban ma nơm nkê̆ch juet lơi trô ko so; Nơm nhhơr ndơ ƀư brah rnih môi jêng tâm ban ma nơm nhhơr mham sŭr; Nơm su ndơ ƀâu kah jêng tâm ban ma nơm yơk mbah ma rup brah. Yorlah khân păng săch tĭng trong khân păng nơm, Jêh ri nuih n'hâm khân păng knŏng maak ƀư lĕ nau ƀơ̆ ƀơch.

Yêrêmi 10:8

Khân păng jêng rluk mâl; Nau ntĭm nti tă bơh lĕ rup brah Mâu rlau ndơ bơh n'gâng tâm si.

Kan Lêvi 19:4

Lơi n'gĭl ma rup ndah jêh ri mâu dơi đŏng tŏ rup brah ma kông ăn ma khân may. Gâp jêng Yêhôva Brah Ndu khân may.

Yôhan 16:2

Khân păng mra nsot lơi khân may luh bơh ngih rƀŭn; jêh ri mra tât mông rnôk mbu nơm ƀư nkhĭt khân may mra mĭn păng pah kan ma Brah Ndu.

Nau Vay Nkah Tay 12:3

Ăn khân may ƀư rlâm lơi lĕ nơng ƀư brah, nchah ăn hăch lĕ rup brah, su ma ŭnh lĕ n'gâng mbah Asêrah, kăl lơi lĕ rup brah khân păng trah jêh ri jut lơi lĕ amoh brah nây bơh lĕ rngôch ntŭk nây.

Nau Vay Nkah Tay 27:15

‘Rak rtăp ma nơm ƀư rup trah mâu lah rup tŏ, jêng ndơ Brah Yêhôva tâm rmot ngăn, jêng ndơ bơh ti blau bunuyh ƀư, jêh ri ndâk ndơ nây tâm ntŭk ndâp gay mbah!’ Ăn lĕ rngôch phung ƀon lan mra plơ̆ lah: ‘Amen!’

Phung Kôranh Phat Dôih 17:13

Y-Mika lah: “Aƀaơ gâp gĭt ma Brah Yêhôva mra ăn nau ueh uĭn ma gâp, yorlah gâp geh du huê bunuyh Lêvi jêng kôranh ƀư brah.”

Phung Kôranh Phat Dôih 17:2

Păng lah ma mê̆ păng: “Yorlah du rbăn du rhiăng glo prăk bu sŏk tă bơh ay jêh ri yor ndơ nây ay ngơi jêh nau rak rtăp, jêh ri tôr gâp hŏ tăng jêh. Aơ, prăk nây gŭ ndrel ma gâp, gâp yơh sŏk păng.” Mê̆ păng lah: “Dăn ma Brah Yêhôva ăn nau ueh lăng ma kon!”

Phung Kôranh Phat Dôih 17:4

Ƀiălah Y-Mika mplơ̆ sĭt prăk nây ma mê̆ păng. Mê̆ păng sŏk bar rhiăng glo prăk jao ma nơm chiăr gay tŏ du rup trah, n'gân tâm ngih Y-Mika.

Phung Kôranh Phat Dôih 18:30

Ndŭl mpôl Dan ndâk rup trah, gay mbah, jêh nây Y-Jônathan, kon bu klâu Y-Gersôm, sau Y-Môis, jêh ri phung kon sau păng jêng phung kôranh ƀư brah ma phung ndŭl mpôl Dan kŏ tât nar bri khân păng jêng bu nă.

Phung Kôranh Phat Dôih 18:5

Khân păng lah tay: “Pôri, ôp hom nau mĭn Brah Ndu gay gĭt nau hên nsong mra geh nau ueh mâu lah mâu.”